ເຕັກນິກອັນໃໝ່ ມີໄຊກວ່າເກົ່າ

  ຄວາມດຸໝັ່ນຂະຫຍັນພຽນ ໃນການອອກແຮງງານ, ຄວາມອົດທົນສູ້ຊົນແມ່ນມູນເຊື້ອຂອງປະຊາຊົນລາວບັນດາເຜົ່າ, ດັ່ງນັ້ນຈົ່ງນຳໃຊ້ຄວາມມານະອົດທົນ ແລະ ຄວາມຂະຫຍັນໝັ່ນພຽນດັ່ງກ່າວ ໃຫ້ຖືກທາງ ເພື່ອຈະເຮັດໃຫ້ຊີວິດ ການເປັນຢູ່ດີຂຶ້ນ, ຄືດັ່ງຄອບຄົວ ທ່ານ ເວີນໄຊ ຈັນທະລັງສີ ປະຈຸບັນ ຢູ່ບ້ານໂນນດິນຊາຍ ເມືອງລະຄອນ ເພັງ ແຂວງສາລະວັນ ສະມາຊິກ ຄອບຄົວທັງໝົດມີ 6 ຄົນ, ໃນນັ້ນ ແຮງງານຕົ້ນຕໍມີ 4 ຄົນ.

  ທ່ານໄດ້ເລົ່າສູ່ຟັງວ່າ: ເມື່ອກ່ອນຄອບຄົວມີອາຊີບເຮັດນາ ແບບປະຖົມປະຖານມາແຕ່ປູ່ຍ່າຕາຍາຍແລ້ວ ແຕ່ການຜະລິດດັ່ງກ່າວ ກໍພໍແຕ່ກຸ້ມກິນພາຍໃນຄອບຄົວເທົ່າ ນັ້ນ, ຄອບຄົວບໍ່ມີການພັດທະນາມາຮອດປີ 2015 ໄດ້ມີພະນັກງານ ພະແນກກະສິກຳເມືອງລົງມາຊຸກ ຍູ້ສົ່ງເສີມ ແລະໃຫ້ຄຳແນະນຳວິທີ ການປູກເຂົ້າ ພ້ອມທັງເອົາແນວພັນ ເຂົ້າດອກຄຳ 8 ແລະດອກຄຳ 11 ໃຫ້ມາທົດລອງປູກຕົນກໍໄດ້ລອງ ປູກແລ້ວເຫັນວ່າໄດ້ຮັບຜົນດີແຕ່ ເມື່ອທຽບກັບປະລິມານເຕັກນິກວິ ຊາການກຳນົດໃຫ້ແມ່ນບໍ່ທັນເພິ່ງ ພໍໃຈເທື່ອ ມາຮອດຕົ້ນປີ 2019 ພະ ແນກກະສິກຳເມືອງສົມທົບກັບວິ ຊາການທີ່ມາຈາກ ສສ ຫວຽດນາມ ມາແນະນຳເຕັກນິກການຂະຫຍາຍ ໄຮ່ນ້ອຍໃຫ້ກາຍເປັນນາໄຮ່ໃຫຍ່ ແຕ່ລະໄຮ່ມີເນື້ອທີ່ເຄິ່ງເຮັກຕາ, ພ້ອມທັງໃຫ້ການຊ່ວຍເຫຼືອປຸ໋ຍ, ຝຸ່ນ ວິທະຍາສາດສົມທົບກັບຝຸ່ນຄອກ ຂອງຕົນເອງ ແລະໄດ້ສອນເຕັກນິກ ວິທີບົວລະບັດ, ການເລືອກແນວພັນ ເຂົ້າໃສ່ປຸ໋ຍ ແລະຝຸ່ນ, ພໍມາຮອດ ເດືອນ 6 ກໍໄດ້ລົງມືປູກເຂົ້າແນວ ພັນເຂົ້າສາລະວັນ 1 ແລະແນວເຂົ້າ ຈ້າວທີ່ເອົາມາຈາກ ສສ ຫວຽດນາມ ໃນເນື້ອທີ່ 5 ເຮັກຕາ ໂດຍໃຊ້ ແນວເຂົ້າປູກ 400 ກິໂລຕໍ່ເຮັກຕາ ໄດ້ຮັບຜົນຜະລິດ 4 ໂຕນຕໍ່ເຮັກຕາ, ຜົນຜະລິດທີ່ໄດ້ມາແມ່ນໄດ້ແຮ່ໄວ້ ກິນຈຳນວນໜຶ່ງ, ສ່ວນທີ່ເຫຼືອແມ່ນ ຂາຍໂດຍມີແມ່ຄ້າມາຮັບຊື້ເອງໃນ ລາຄາ 3.500 ກີບຕໍ່ກິໂລ ສະເລ່ຍ ລາຍຮັບຈາກການຂາຍເຂົ້າ 40 ລ້ານກວ່າກີບຕໍ່ປີ.

  ນອກຈາກປູກເຂົ້າແລ້ວຍັງໄດ້ ປູກຢາງພາລາ, ປູກໝາກໂມ, ປູກໝາກແຕງ ແລະປູກພືດຜັກອື່ນໆ ຂາຍເພື່ອສ້າງລາຍຮັບຕື່ມອີກ ສະເລ່ຍລາຍຮັບທັງໝົດ 60 ລ້ານກວ່າ ກີບຕໍ່ປີ, ເຖິງວ່າລາຍຮັບບໍ່ຫຼາຍ ແຕ່ວ່າເຮັດໃຫ້ຊີວິດຂອງຄອບຄົວດີຂຶ້ນ ຄື: ມີເຮືອນຢູ່ຖາວອນ, ມີລົດຈັກ, ມີ ເຄື່ອງໃຊ້ເຮືອນຄົບຊຸດ, ມີເງິນສະສົມສົ່ງສູກຮຽນ ແລະກໍສະສົມໄວ້ ໃນເວລາເຈັບເປັນ.

  ທ່ານຍັງໄດ້ກ່າວຕື່ມອີກວ່: ສິ່ງ ທີ່ໄດ້ກ່າວມານັ້ນຈະໃຫ້ພຽງພໍບໍ່ ແມ່ນຍັງບໍ່, ດັ່ງນັ້ນ ແຜນການໃນຕໍ່ໜ້າຕົນຈະຂະຫຍາຍເນື້ອທີ່ຜະລິດອອກຕື່ມອີກ ແລະຈະຢຶດຖືອາຊີບທີ່ ເຄີຍເຮັດມາ ເພາະມັນເປັນອາຊີບທີ່ ສຸດຈະລິດ, ຄວາມຮຽກຮ້ອງຕ້ອງການຂອງຕະຫຼາດຍັງມີຫຼາຍ ຂໍພຽງແຕ່ເຮົານຳໃຊ້ເຕັກນິກວິທະຍາສາດເຂົ້າຕື່ມ, ເອົາໃຈໃສ່ປົກປັກຮັກສາຜົນລະປູກຈິ່ງຢາກເຊີນຊວນໃຫ້ ແລະຄວາມຂະຫຍັນເພື່ອເຮັດໃຫ້ສະມັດຕະພາບຂອງການຜະລິດສູງ ຂຶ້ນ ລາຍຮັບຂອງຄອບຄົວຊາວນາ, ຊາວສວນ ຈົ່ງເພີ່ມຄວາມມານະອົດທົນຂອງຕົນເຮັດໃຫ້ແນວໃດໃຫ້ຜົນຜະລິດຂອງເຮົາເພີ່ມຂຶ້ນເລື້ອຍໆ.

----

ໂດຍ: ຄຳໃສ ພົມມະວັນ

 

แชร์