ວັດປ່າອຳພາວັນ ບ້ານທົ່ງມັ່ງ ເມືອງໄຊທານີ ນະຄອນຫຼວງວຽງຈັນ ຈະຈັດງານບຸນທອດຜ້າປ່າສາມັກຄີໃນລະຫວ່າງວັນທີ 22-23 ກຸມພາ 2020 ເພື່ອສົມທົບທຶນສ້າງກຸຕິວັດດັ່ງກ່າວ.
ພະອາຈານ ປທ. ຖາວອນ ໂພທິປັນໂຍຄະນະກໍາມາທິການເຜີຍແຜ່ສິລະທໍາ ແລະ ປະຕິບັດກໍາມະຖານສູນກາງໃຫ້ຮູ້ວ່າ: ບຸນຜ້າປ່າສາມັກຄີທີ່ວັດປ່າອຳພາວັນ (ນາທູນ), ບ້ານທົ່ງມັ່ງ, ເມືອງໄຊທານີ ແມ່ນຈະຈັດຂຶ້ນໃນລະຫວ່າງວັນທີ 22-23 ກຸມພາ 2020 ນີ້ ດ້ວຍຄວາມເຫຼື້ອໃສສັດທາໃນພະພຸດທະສາສະໜາອັນແຮງກ້າໂດຍໄດ້ຮັບຄວາມເມດຕາຈາກພະເດດພະຄຸນພະຫຼັກແກ້ວມະຫາວໍຣະຍານາທິບໍດີ (ພະອາຈານໃຫຍ່ ປອ. ມະຫາເວດມະເສໄນ) ຮອງປະທານອົງການພຸດທະສາສະໜາສໍາພັນແຫ່ງ ສປປ ລາວ ພ້ອມດ້ວຍສິດສານຸສິດ ແລະ ຄະນະເຈົ້າພາບເຈົ້າສັດທາທຸກທ່ານ ໄດ້ມີສັດທາພ້ອມພຽງກັນຕັ້ງບຸນຜ້າປ່າສາມັກຄີຂຶ້ນເພື່ອສົມທົບທຶນສ້າງກຸຕິວັດດັ່ງກ່າວ, ໂດຍພາຍໃນງານຈະມີກິດຈະກໍາສໍາຄັນຫຼາຍຢ່າງເປັນຕົ້ນແມ່ນ: ຊົມບັນຍາກາດແບບວັດທະນະທຳພື້ນບ້ານອາຫານພື້ນເມືອງເຜົາເຂົ້າຫຼາມຄົນເຂົ້າປາດເຊີ້ງກອງຫາງ, ບີບເຂົ້າປຸ້ນ, ຟັງຂັບງື່ມ, ໃສ່ບາດຖວາຍສັງຄະທານ ພະສົງ 30 ອົງ, ແຫ່ຕົ້ນຜ້າປ່າ ແລະຖວາຍຜ້າປ່າສາມັກຄີ.
ວັດປ່າອຳພາວັນ (ນາທູນ), ບ້ານທົ່ງມັ່ງ ເມືອງໄຊທານີ ເປັນວັດເກົ່າແກ່ສະໄໝເມືອງໄຜ່ໜາມມີເຈດີເກົ່າບູຮານ, ພະພຸດທະຮູບຫີນບູນຮານ ແລະບໍ່ນໍ້າສັກສິດ, ສໍາລັບກຸຕິວັດດັ່ງກ່າວໄດ້ສ້າງຂຶ້ນໃນວັນທີ 19 ກັນຍາ 2019 ໃນເນື້ອທີ່ 20X20 ແມັດ ເປັນອາຄານຊັ້ນດຽວ, ຊຶ່ງຄາດວ່າຈະມີມູນຄ່າກໍ່ສ້າງທັງໝົດປະມານ 500 ລ້ານກວ່າກີບ,ມາຮອດປະຈຸບັນການກໍ່ສ້າງແມ່ນສໍາເລັດ 40% ແລະຄາດວ່າຈະໃຫ້ສໍາເລັດທັງໝົດ ແລະໄດ້ສະຫຼອງພ້ອມກັບວັນປູກຕົ້ນໄມ້ແຫ່ງຊາດກໍຄືໃນວັນທີ 1 ມິຖຸນາ 2020 ທີ່ຈະມາເຖິງນີ້.
---------------- 
ດັ່ງນັ້ນຈຶ່ງຂໍເຊີນຊວນມາຍັງຊາວພຸດ ແລະທຸກທ່ານຜູ້ມີຈິດໃຈສັດທາທັງຫຼາຍຮ່ວມໂມທະນາທານເພື່ອສົມທົບທຶນສ້າງກຸຕິວັດປ່າອຳພາວັນ ບ້ານທົ່ງມັ່ງ ເມືອງໄຊທານີ ນະຄອນຫຼວງວຽງຈັນ ນໍາດ້ວຍເທີ້ນ, ຊຶ່ງທ່ານສາມາດຮ່ວມເປັນເຈົ້າພາບ ຫຼື ຮ່ວມໂມທະນາທານສ້າງກຸຕິວັດດັ່ງກ່າວຜ່ານບັນຊີທະນາຄານການຄ້າງຕ່າງປະເທດລາວ ມະຫາຊົນເລກບັນທີ 013-12-00-01053520-001 ຊື່ບັນຊີ THAVONE IMSOUK MONK ຫຼື ຕິດຕໍ່ສອບຖາມໄດ້ທີ່ເບີໂທ: 020 97881555, 52396953.
______________
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |