ການຫຼ່ໍສຽນ ເຈົ້າໄຊຍະເສດຖາທິລາດຍັງສືບຕໍ່ລະດົມທຶນ

 ງານເທທອງເຫຼືອງຫຼໍ່ສຽນສົມເດັດພະເຈົ້າໄຊຍະເສດຖາທິລາດ ທີ່ວັດທາດພະໄຊ ເມືອງໄຊເສດຖາ ແຂວງອັດຕະປື ຊຶ່ງນັບແຕ່ໄດ້ເລີ່ມຕົ້ນດ້ວຍການເປີດຮັບບໍລິຈາກລະ ດົມທຶນເພື່ອການກຸສົນເປັນຕົ້ນມານັ້ນຕ່າງກໍ່ໄດ້ມີພາກສ່ວນພຸດທະບໍລິສັດພາກລັດ-ເອກະຊົນ ທັງພາຍໃນ ແລະ ຕ່າງປະເທດໄດ້ໃຫ້ການປະກອບສ່ວນຕາມສັດທາບໍ່ວ່າທາງດ້ານວັດຖຸ ແລະຈິດໃຈເຫຼົ່ານັ້ນເປັນຈຳນວນຫຼວງຫຼາຍ.

  ສິ່ງທີ່ໄດ້ຈາກການສັດທາແມ່ນການປະກອບສ່ວນອັນເປັນມົງຄຸນມະຫາກຸສົນຢ່າງຫາອັນປຽບບໍ່ໄດ້ເຂົ້າໃນການຕົ້ມທອງຫຼໍ່ສຽນພະເຈົ້າໄຊຍະເສດຖາທິລາດໃນຮູບປັ້ນຊົງປະທັບຫຼັງຊ້າງທີ່ຈະໄດ້ນຳໄປສະຖິດໄວ້ເປັນອະນຸສາວະລີທີ່ສ່ວນອຸທິຍານສາທາລະນາໃນດິນແດນບ້ານຫາດຊາຍຂາວ ເມືອງໄຊເສດຖາ ແຫ່ງນີ້ຖືວ່າເປັນຄັ້ງປະຫວັດສາດອັນຍິ່ງໃຫຍ່ທີ່ໄດ້ຮັບແຮງບັນດານໃຈຈາກຊາວພຸດທະສາສະນິກະຊົນໄດ້ພ້ອມກັນສັດທາເຫຼື້ອມໄສປະກອບສ່ວນເຂົ້າໃນໂຄງການກໍ່ສ້າງດັ່ງກ່າວດຳເນີນໄປຢ່າງຮູນປະທຳ, ນັບແຕ່ຢູ່ໃນຊ້ວງວັນສຳຄັນເປັນເວລາ 6 ວັນໂດຍນັບຈາກວັນທີ 1-6 ກຸມພາ 2020 ສາມາດລວມຍອດລະດົມທຶນຜ່ານທະນາຄານການຄ້າຕ່າງປະເທດລາວມະຫາຊົນໄດ້ທັງໝົດ 400 ລ້ານກວ່າກີບ,ລວມພາກສ່ວນເຂົ້າຮ່ວມລະດົມທຶນໄດ້ທັງໝົດ 1.103 ພາກສ່ວນ ແລະສາມາດໄດ້ຈຳນວນທອງຫຼ່ໍທັງໝົດ 8.105,5 ກິໂລ ຊຶ່ງນັບວ່າໄດ້ຕອບສະໜອງຄວາມມຸງມາດປາດຖະໜາຂອງຊາວພຸດທະສາສະນິກະຊົນທີ່່ເປັນເຈົ້າແຫ່ງສັດທາໃນການສ້າງອະນຸສາວະລີສວນອຸທິຍານສາທາລະນະປູຊະນີຍະສະ ຖານລະນຶກຄຸນງາມຄວາມດີບັນພະບູລຸດຂອງສົມເດັດເຈົ້າໄຊຍະເສດຖາທິລາດທີ່ໄດ້ອຸທິດຊີວິດເພື່ອຊາດສະໄໝອານາຈັກລາວລ້ານຊ້າງຊຶ່ງຈະໄດ້ສະຖິດໄວ້ທີ່ເມືອງໄຊເສດຖານັ້ນໃຫ້ກາຍເປັນສະຖານທີ່ທ່ອງທ່ຽວວັດທະນະທຳຕິດພັນກັບປະຫວັດສາດດຶງດູດແຂກທ່ອງທ່ຽວມາຢ້ຽມຢາມໃຫ້ເຕັມໄປດ້ວຍມູນເຊື້ອວັດທະນະທຳນີ້ນັບມື້ນັບຫຼາຍ ຂຶ້ນ.

 ແນວໃດກໍ່ຕາມເລີ່ມແຕ່ວັນທີ 6 ເດືອນ ກຸມພາ 2020 ເປັນຕົ້ນໄປອຳນາດການປົກຄອງແຂວງອັດຕະປືຍັງໄດ້ສືບຕໍ່ເປີດຮັບການລະດົມທຶນໂດຍຜ່ານລະບົບທະນາຄານການຄ້າຕ່າງປະເທດລາວມະຫາຊົນ, ຕໍ່ການສັດທາອັນເປັນມະຫາກຸສົນດັ່ງກ່າວບັນດາເຈົ້າສັດທາທັງພາຍໃນ ແລະຕ່າງປະເທດສາມາດໂອນເງິນຜ່ານເຄົາເຕີ້ທະນາຄານໄດ້ທຸກສາຂາເຊັ່ນ: ບີຊີເອລວັນ, ໄອແບ້ງ ແລະຕູ້ເອທີເອັມໝາຍເລກບັນຊີ 08011000 1698102001 ສົມເດັດພະເຈົ້າໄຊຍະເຊດຖາທິລາດ ຫຼືວ່າທ່ານໃດຫາກມີຄວາມສະດວກແມ່ນສາມາດເຂົ້າມາປະກອບສ່ວນດ້ວຍຕົວທ່ານເອງຜ່ານລະບົບທະນາຄານການຄ້າຕ່າງປະເທດລາວທຸກສາຂາຈົນກວ່າໂຄງການກໍ່ສ້າງສຳເລັດ, ດັ່ງນັ້ນຮຽກມາຍັງທຸກທ່ານທົ່ວສັງຄົມທັງພາຍໃນ, ຕ່າງແຂວງ ແລະ ຕ່າງປະເທດທີ່ມີຈິດໃຈຮ່ວມທຳບຸນກຸສົນເຂົ້າໂຄງການກໍ່ສ້າງອະນຸສາວະລີຮູບປັ້ນສົມເດັດເຈົ້າໄຊຍະເສດຖາທິລາດມາຫາຣາດຊົງປະທັບຊ້າງມີນຳໜັກທັງໝົດ 18 ໂຕນ, ມູນຄ່າທອງເຫຼືອງ 1 ກິໂລກຣາມ 50,000 ກີບ ໃຫ້ເປັນບປະທຳ ແລະສຳເລັດໄປຕາມເວລາກຳນົດໄວ້.

----------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์