ມສ ແກ່ນທ້າວ ແລະມສ ເມືອງໝໍ ຮັບຂະບວນຝຶກຫັດຄະນະສຶກສາສາດ

  ພິທີຮັບຂະບວນຝຶກຫັດວິຊາຊີບຄູຄະນະສຶກສາສາດມະຫາວິທະຍາໄລແຫ່ງຊາດຂອງໂຮງ ຮຽນ ມສ ແກ່ນທ້າວ ແລະໂຮງ ຮຽນ ມສ ເມືອງໝໍ ເມືອງແກ່ນ ທ້າວ ແຂວງໄຊຍະບູລີ ໄດ້ຈັດຂຶ້ນ ເມື່ອອາທິດຜ່ານມາຢູ່ໂຮງຮຽນດັ່ງ ກ່າວ, ໂດຍການເປັນກຽດເຂົ້າຮ່ວມຂອງທ່ານ ອໍາຄາ ລັດສະໝີ ເຈົ້າເມືອງແກ່ນທ້າວ, ທ່ານ ຄໍາແສງ ທະລັງສີ ຮັກສາການຄະນະບໍດີຄະນະສຶກສາສາດມະຫາວິທະຍາໄລແຫ່ງຊາດ, ມີຫົວໜ້າ, ຮອງຫົວໜ້າຫ້ອງການສຶກສາທິການ ແລະກີລາເມືອງ, ຕ່າງໜ້າຈາກພະແນກສຶກສາທິການ ແລະກີລາ ແຂວງໄຊຍະບູລີ, ຜູ້ອໍານວຍການ, ຮອງຜູ້ອໍານວຍການໂຮງຮຽນ, ຄູ-ອາຈານ,ອົງການປົກຄອງບ້ານ, ຄະນະພັດທະນາການສຶກສາຂັ້ນ ບ້ານ, ສະມາຄົມພໍ່ແມ່ນັກຮຽນ, ນັກສຶກສາຝຶກຫັດ ແລະນ້ອງນັກຮຽນ ຢູ່ພາຍໃນໂຮງຮຽນເຂົ້າຮ່ວມ.

ທ່ານ ຄໍາແສງ ທະລັງສີ ຮັກສາການຄະນະບໍດີຄະນະສຶກສາສາດມະຫາວິທະຍາໄລແຫ່ງຊາດ ໄດ້ກ່າວມອບຂະບວນຝຶກຫັດວິຊາ ຊີບຄູໃຫ້ໂຮງຮຽນ ມສ ແກ່ນທ້າວ ແລະ ມສ ເມືອງໝໍ ຈໍານວນ 40 ນ້ອງ, ຍິງ 20 ນ້ອງ ໃນນີ້ ມສ ແກ່ນທ້າວ 20 ນ້ອງ, ຍິງ 9 ນ້ອງ ແລະ ມສ ເມືອງໝໍ 20 ນ້ອງ, ຍິງ 11 ນ້ອງ.

 ໃນຕອນທ້າຍພິທີທ່ານ ອໍາຄາ ລັດສະໝີ ຍັງໄດ້ມີຄໍາເຫັນຊີ້ນໍາ ແລະ ເນັ້ນໜັກວ່າ: ນັກສຶກສາຕ້ອງໄດ້ ສຶກສາອົບຮົມການເມືອງແນວຄິດ,ເຊື່ອມຊຶມແນວທາງນະໂຍບາຍ ຂອງພັກ, ລະບຽບກົດໝາຍຂອງລັດ, ກົດໝາຍວ່າດ້ວຍການສຶກສາ ແລະລະບຽບຂອງໂຮງຮຽນສາມັນ, ເອົາໃຈໃສ່ຮໍ່າຮຽນດ້ານ ວິຊາການ, ວິຊາສະເພາະ, ວິທີສົ່ງ ຄວາມຮູ້, ວິທີສິດສອນ, ການແຕ່ງ ບົດສອນ ແລະສອນດີ-ຮຽນເກັ່ງ ນໍາຄູ-ອາຈານພາຍໃນໂຮງຮຽນ ໃຫ້ເກນຄະແນນແຕ່ລະວິຊາທີ່ສອນ ສູງຕາມລະດັບຄາດໝາຍ, ປະກອບສ່ວນການສ້າງຂະບວນການ ຕ່າງໆ ພາຍໃນໂຮງຮຽນ ແລະສັງຄົມໃຫ້ເປັນຂະບວນຟົດຟື້ນ, ຕ້ານ ແລະສະກັດກັ້ນປະກົດການຫຍໍ້ທໍ້ ທຸກປະເພດທີ່ຈະເກີດຂຶ້ນໃນຂະບວນຝຶກຫັດເຊັ່ນ: ຂັບຂີ່ລົດໄວພາ ໃຫ້ເກີດອຸປະຕິເຫດ, ການພົວພັນ ຢາເສບຕິດ, ສັງຄົມຊູ້ສາວ, ຫຼິ້ນກິນຟຸມເຟີຍ, ກິນເຫຼົ້າເຂົ້າຮ້ານບັນ ເທິງ, ອາລະວາດຕີກັນ ແລະອື່ນໆ ທີ່ບໍ່ມີຄວາມສະຫງົບປອດໄພຕໍ່ ຊີວິດ, ຊັບສິນ, ອໍານວຍການໂຮງ ຮຽນ, ຄູ-ອາຈານຜູ້ຊີ້ນໍາແຕ່ລະວິ ຊາຈະຕ້ອງໄດ້ຕິດຕາມການເຄື່ອນ ໄຫວຂອງຄູຝຶກຫັດ, ຖ້າເຫັນວ່າ ເຂົາເຈົ້າຫາກເຄື່ອນໄຫວຜິດປົກກະຕິໃຫ້ລາຍງານການຈັດຕັ້ງ, ໂຮງຮຽນ ແລະຫ້ອງການສຶກສາທິການ ແລະກີລາເມືອງເພື່ອພ້ອມກັນຊອກ ຫາວິທີແກ້ໄຂໃຫ້ທ່ວງທັນເວລາ, ຊຶ່ງໄລຍະຝຶກຫັດຂອງນັກສຶກສາ ຄະນະສຶກສາສາດມະຫາວິທະຍາໄລແຫ່ງຊາດຢູ່ເມືອງແກ່ນທ້າວ ຈະໃຊ້ເວລາ 3 ເດືອນຈຶ່ງຈະສໍາເລັດ.

แชร์