ບົວໄລມັງກອນມີລາຍຮັບຈາກການຂຸດຄົ້ນຖ່ານຫີນປີລະ 176 ຕື້ກີບ

 ບໍລິສັດ ບົວໄລ ມັງກອນ ທອງຜູ້ຂຸດຄົ້ນຖ່ານຫີນຢູ່ 4 ບ້ານ ເມືອງວຽງພູຄາ ແຂວງຫຼວງນໍ້າທາ ໃນປີຜ່ານມາທຸລະກິດໄດ້ເຕີບໃຫຍ່ຂະຫຍາຍຕົວມີລາຍຮັບຈາກຂຸດຄົ້ນຖ່ານຫີນອອກຈຳໜ່າຍທັງພາຍໃນ ແລະຕ່າງປະເທດ 176 ຕື້ກີບ ຂະນະທີ່ປີນີ້ທາງບໍລິສັດຕັ້ງເປົ້າຈະສ້າງລາຍຮັບໃຫ້ໄດ້ 200 ຕື້ກວ່າກີບ.

   ຕາມການໃຫ້ສຳພາດຂອງທ່ານ ສົມພອນ ແສງທອງສະຫວ່າງ ອຳນວຍການບໍລິສັດບົວໄລມັງກອນທອງຂຸດຄົ້ນຖ່ານຫີນຈຳກັດຜູ້ດຽວ ໃຫ້ຮູ້ໃນວັນທີ  29 ມັງກອນ 209 ນີ້ວ່າ: ການຂຸດຄົ້ນບໍ່ຖ່ານຫີນເມືອງວຽງພູຄາ ແຂວງຫຼວງນໍ້າທາ, ແມ່ນໄດ້ເລີ່ມຂຸດຄົ້ນມາແຕ່ວັນທີ 25  ເມສາ 2014 ເປັນຕົ້ນມາ,  ໂດຍປ່ຽນຈາກບໍລິສັດການລົງທຶນຂອງຕ່າງປະເທດໃນເມື່ອກ່ອນ, ໃນຂອບເຂດສຳປະທານ 8 ກິໂລຕາແມັດ, ກວມເອົາ 4 ບ້ານຄື: ບ້ານນໍ້າເງີນ, ສະໂກ່ນ, ໄລລອດ ແລະບ້ານໂພນທອງ,

  ການຂຸດຄົ້ນຖ່ານຫີນຂອງບໍລິສັດໃນໄລຍະ 1 ປີ ຜ່ານມາສາມາດຂຸດຄົ້ນໄດ້ 2,5 ລ້ານແມັດກ້ອນ, ໄດ້ຖ່ານຫີນຈຳນວນ 4,4 ແສນໂຕນ, ການຜະລິດຖານຫີນແມ່ນໄດ້ຈຳໜ່າຍພາຍໃນປະເທດ ແລະສົ່ງອອກໄປຕ່າງປະເທດຄື: ປະເທດຈີນ ແລະປະເທດໄທໃນລາຄາ 3 ຫາ 4 ແສນກີບຕໍ່ໂຕນ, ສາມາດສ້າງລາຍຮັບໄດ້ 176 ຕື້ ກີບ, ໃນນັ້ນໄດ້ມອບພັນທະໃຫ້ລັດຖະບານ 25 ຕື້ກວ່າກີບຕໍ່ປີ,

 ນອກນັ້ນທາງບໍລິສັດຍັງໄດ້ມີນະໂຍບາຍຕໍ່ປະຊາຊົນດ້ວຍການຊົດເຊີຍ ແລະຊ່ວຍເຫຼືອຄອບຄົວຜູ້ທີ່ຖືກຜົນກະທົບຈາກການຂຸດຄົ້ນຖ່ານຫີນພ້ອມທັງໃຫ້ການຊ່ວຍເຫຼືອຖົມດິນເດີນໂຮງຮຽນຂອງແຕ່ລະບ້ານ, ເດີນໂຮງໝໍ, ຕຳຫຼວດກຸ່ມບ້ານ ແລະວຽກງານອື່ນໆ, ພ້ອມນັ້ນຍັງໄດ້ຊ່ວຍເຫຼືອປະຊາຊົນໃນການສົ່ງເສີມການຜະລິດ, ປູກຝັງ, ລ້ຽງສັດອັນໄດ້ເຮັດໃຫ້ຊີວິດການເປັນຢູ່ຂອງປະຊາຊົນໃນເຂດດັ່ງກ່າວດີຂຶ້ນ.

  ໃນໂອກາດນີ້ທ່ານ ບົວໄລ ມັງກອນທອງ ອຳນວຍການບໍລິສັດຂຸດຄົ້ນຖ່ານຫີນຈຳກັດຜູ້ດຽວຍັງໃຫ້ຮູ້ກ່ຽວກັບທິດທາງແຜນການຕໍ່ໜ້າໃນປີ 2019 ຈະໄດ້ ສືບຕໍ່ສູ້ຊົນຂຸດຄົ້ນຖ່ານຫີນໃຫ້ໄດ້ 6,48 ແສນໂຕນ, ຜະລິດ ແລະ ສົ່ງອອກໃຫ້ໄດ້ 5 ແສນໂຕນ, ຈະສາມາດສ້າງລາຍຮັບໄດ້ 200 ຕື້ກວ່າກີບ.

แชร์