ປີແລ້ວອຸດົມໄຊຮັບບໍລິຈາກເລືອດລື່ນແຜນ

 ໃນຕະຫຼອດໄລຍະ 1 ປີ ຜ່ານມາອົງການກາແດງກໍຄືສູນເລືອດ ແຂວງອຸດົມໄຊ ໄດ້ລົງເຄື່ອນໄຫວຮັບບໍລິຈາກເລືອດຕາມຈຸດຕ່າງໆ ຊຶ່ງສາມາດຈັດຕັ້ງປະຕິບັດໄດ້ລື່ນແຜນການທີ່ກຳນົດໄວ້.

 ອີງຕາມບົດສະຫຼຸບສັງລວມການເຄື່ອນໄຫວຮັບບໍລິຈາກເລືອດ ຂອງສູນເລືອດແຂວງອຸດົມໄຊປະຈຳປີ 2019 ຜ່ານມາເຫັນວ່າ: ສູນເລືອດໄດ້ເຄື່ອນໄຫວ ແລະຮັບບໍລິ ຈາກເລືອດໃນທົ່ວແຂວງອຸດົມ ໄຊໄດ້ທັງໝົດ 58 ຄັ້ງ ໃນນັ້ນແບ່ງອອກເປັນຂະແໜງສຶກສາໆ ມັນໄດ້ທັງໝົດ 20 ຄັ້ງ, ມີຜູ້ສະໝັກ ທັງໝົດ 372 ຄົນ, ໄດ້ເລືອດຕົວ ຈິງ 316 ຖົງ, ໂຮງຮຽນເຕັກນິກວິ ຊາຊີບແບບປະສົມແຂວງອຸດົມໄຊ 4 ຄັ້ງ, ມີຜູ້ສະໝັກ 112 ຄົນ, ໄດ້ ເລືອດຕົວຈິງ 104 ຖົງ, ກອງບັນຊາການທະຫານແຂວງ 9 ຄັ້ງ, ມີ ຜູ້ສະໝັກ 61 ຄົນ, ໄດ້ເລືອດຕົວຈິງ 56 ຖົງ, ກອງພົນທະຫານຮາບທີ 3, 4 ຄັ້ງມີຜູ້ສະໝັກທັງໝົດ 250 ຄົນ, ໄດ້ເລືອດຕົວຈິງ 224 ຖົງ, ປກສ 7 ແຂວງ ແລະເມືອງ 5 ຄັ້ງ, ມີຜູ້ສະໝັກ 16 ຄົນ ໄດ້ເລືອດຕົວ ຈິງ 14 ຖົງ, ພະແນກການ, ອົງການຈັດຕັ້ງ 6 ຄັ້ງ, ມີຜູ້ສະໝັກທັງ ໝົດ170 ຄົນ, ໄດ້ເລືອດຕົວຈິງ 141 ຖົງ ແລະຮັບບໍລິຈາກຢູ່ໃນສູນເລືອດມີຜູ້ສະໝັກທັງໝົດ 460 ຄົນ, ໄດ້ເລືອດຕົວຈິງ 455 ຖົງ. ລວມຜູ້ສະໝັກທັງໝົດ 1.441 ຄົນ, ຍິງ 444 ຄົນ ແລະໄດ້ເລືອດ ທັງໝົດ 1,310 ຖົງ ເມື່ອທຽບໃສ່ ແຜນການປີ 2019 ແມ່ນ 1.200 ຖົງ ຖືວ່າເກີນແຜນທີ່ກຳນົດໄວ້ຈຳນວນ 110 ຖົງ ຫຼື ເທົ່າກັບ 9,17%. ເຖິງຢ່າງໃດກໍຕາມ ເມື່ອທຽບໃສ່ ຄວາມຮຽກຮ້ອງຕ້ອງການຂອງ ຄົນເຈັບ ກໍຄືການສະເໜີຂອງທ່ານ ໝໍເພື່ອຂໍເລືອດໃສ່ໃຫ້ກັບຄົນເຈັບເຫັນວ່າຍັງບໍ່ທັນພຽງພໍຊຶ່ງຕາມການສະເໜີແມ່ນ 2.160 ຖົງທຽບໃສ່ປີ 2018 ແມ່ນເພີ່ມຂຶ້ນ 509 ຖົງ ແຕ່ທາງສູນເລືອດສາມາດຕອບສະໜອງໄດ້ພຽງ 1.571 ຖົງ ເທົ່ານັ້ນ.

  ເພື່ອຕອບສະໜອງເລືອດໃຫ້ແກ່ຄົນເຈັບໃນໂຮງໝໍຕ່າງໆທົ່ວແຂວງອຸດົມໄຊໃຫ້ພຽງພໍກັບຄວາມຕ້ອງການນັ້ນທາງສູນເລືອດ ແຂວງອຸດົມໄຊ ຈຶ່ງໄດ້ວາງທິດທາງແຜນ ການກໍຄືຄາດຫມາຍສູ້ຊົນໃນການເຄື່ອນໄຫວ ແລະລົງຮັບບໍລິຈາກເລືອດຈາກທຸກພາກສ່ວນໃຫ້ໄດ້ທັງໝົດ 70 ຄັ້ງ, ໃຫ້ມີຜູ້ສະໝັກ 1.400 ຄົນ ແລະ ໃຫ້ໄດ້ເລືອດຕົວຈິງ 1.300 ຖົງ. ພ້ອມທັງຮຽກຮ້ອງໃຫ້ທຸກພາກສ່ວນເປັນເຈົ້າການນຳກັນໃນການປະກອບສ່ວນບໍລິຈາກເລືອດເພື່ອຊ່ວຍເຫຼືອສັງຄົມກໍຄືຊ່ວຍເຫຼືອຊີວິດຂອງເພື່ອນມະນຸດດ້ວຍກັນ.

----------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์