ສານປະຊາຊົນອັດຕະປືແກ້ໄຂຄະດີໄດ້ 250 ເລື່ອງ

  ເມື່ອອາທິດຜ່ານມາສານປະຊາຊົນແຂວງອັດຕະປືໄດ້ຈັດກອງປະຊູມສະຫຼຸບຕີລາຄາຄືນການຈັດຕັ້ງປະຕິບັດວຽກງານປະຈຳປີ 2019 ແລະວາງແຜນການປີ 2020 ຂຶ້ນທີ່ຫ້ອງປະຊຸມສານປະຊາຊົນແຂວງ, ໂດຍການເປັນ ປະທານຂອງທ່ານ ປັນຍາ ໄຊຍະແສງ ປະທານສານປະຊາຊົນ ແຂວງອັດຕະປື, ມີບັນດາປະທານສະພາປະຊົນແຂວງອັດຕະປື, ຄະນະສານ, ອົງການຕຸລາການພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

  ທ່ານ ວົງຕາວັນ ຈັນທະວົງ ຮອງປະທານສານປະຊາຊົນແຂວງ ອັດຕະປືໄດ້ຍົກໃຫ້ເຫັນຜົນສໍາເລັດ ການຈັດຕັ້ງປະຕິບັດວຽກງານ ສານປະຊາຊົນ 1 ປີຜ່ານມາ, ຊຶ່ງ ໄດ້ສຸມໃສ່ວຽກງານການແກ້ໄຂຄະດີ, ປັບປຸງແບບແຜນກົນໄກການດຳເນີນຄະດີໃຫ້ມີຄວາມວ່ອງໄວ, ໂປ່ງໃສ ແລະຮັບປະກັນຄຸນນະພາບ, ໄລຍະ 1 ປີ ຜ່ານມາສານປະ ຊາຊົນແຂວງອັດຕະປື ໄດ້ຮັບການພິຈາລະນາຄະດີທັງໝົດ 290 ເລື່ອງ, ແກ້ໄຂແລ້ວ 250 ເລື່ອງ, ກວມເອົາ 86,20% ລື່ນຄາດໝາຍ 1,20% ຂໍອູທອນມີ 15 ເລື່ອງ,ຄະດີທີ່ສານຕັດສິນແລ້ວຄູ່ຄວາມພໍໃຈປະຕິບັດ 235 ເລື່ອງ, ຄະດີຄ້າງມາມີ 40 ເລື່ອງ, ຄະດີເກີດຂຶ້ນຫຼາຍກ່າວໝູ່ແມ່ນຄະດີຄ້າຂາຍຢາເສບຕິດມີ 99 ເລື່ອງ, ປະເພດຄະດີອາຍາ ແລະຄະດີເດັກຢູ່ ສານເຂດ 1 ຄະດີອາຍາເຂົ້າໃໝ່ 54 ເລື່ອງ, ແກ້ໄຂແລ້ວ 43 ເລື່ອງ, ເທົ່າກັບ 93,47%, ສານປະຊາຊົນແຂວງໄດ້ຮັບສຳນວນຄະດີອາຍາ ແລະຄະດີເດັກຂັ້ນຕົ້ນພິຈາລະນາເຂົ້າໃໝ່ 174 ເລື່ອງ,ຂໍອຸທອນ 6 ເລື່ອງ,ສົ່ງໄປປະຕິບັດ 164 ເລື່ອງ,ສ່ວນປະເພດຄະດີແພ່ງ,ຄອບຄົວ, ການຄ້າ, ແຮງ ງານ, ສານປະຊາຊົນແຂວງ ແລະສານເຂດລວມມີ 68 ເລື່ອງ, ແກ້ໄຂແລ້ວ 37 ເລື່ອງ.

 ກອງຊຸມຍັງໄດ້ຜ່ານທິດທາງແຜນການໃນປີ 2020 ເພື່ອພ້ອມກັນບຸກທະລຸບັນດາຄາດໝາດທີ່ກໍານົດໄວ້ໃຫ້ປາກົດຜົນເປັນຈິງ.

_____________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์