ໄຊຍະ ຈະສຸມໃສ່ພັດທະນາພື້ນຖານໂຄງລ່າງດ້ານເສດຖະກິດໃຫ້ມີຄວາມເຂັ້ມແຂງ

  ໂດຍປະຕິບັດຕາມມະຕິກອງປະຊຸມຄົບຄະນະບໍລິຫານງານພັກ ແຂວງໄຊຍະບູລີຄັ້ງທີ 12, ສະ ໄໝ VI ໃຫ້ປາກົດຜົນເປັນຈິງ, ແຕ່ລະຂັ້ນ,ແຕ່ລະຂະແໜງການ ແລະຂົງເຂດຄວາມຮັບຜິດຊອບຂອງຕົນໃຫ້ບັນລຸຕາມແຜນການ ແລະຄາດໝາຍທີ່ວາງໄວ້ທີ່ໄດ້ຮັບຮອງເອົາແຜນການປະຈຳປີ 2019 ໂດຍຈະເລັ່ງໃສ່ເປົ້າໝາຍຈຸດສຸມຄື: ສູ້ຊົນເຮັດໃຫ້ເສດຖະກິດພາຍໃນແຂວງຂະຫຍາຍຕົວບໍ່ໃຫ້ຫຼຸດ 8,7% ແລະສ້າງມູນຄ່າເພີ່ມລາຄາພາຍໃນປີໃຫ້ໄດ້ປະມານ 10,678 ຕຶ້ ກີບ, ສະເລ່ຍຕໍ່ຫົວຄົນໃຫ້ໄດ້ 3.381 ໂດລາສະຫະລັດ, ໃນນັ້ນປະກອບ ມີຂະແໜງກະສິກຳເພີ່ມຂຶ້ນ 3,5% ກວມເອົາ 28%, ຂະແໜງອຸດ ສາຫະກຳເພີ່ມຂຶ້ນ 12% ກວມເອົາ 36,3%, ການບໍລິການເພີ່ມຂຶ້ນ 12,3% ກວມເອົາ 35,5% ຂອງລວມຍອດຜະລິດຕະພັນພາຍໃນ, ປະຕິບັດລາຍຮັບງົບປະມານໃຫ້ໄດ້ຕາມແຜນ, ເອົາໃຈໃສ່ຕໍ່ການເບີກຈ່າຍເງິນເດືອນ, ເງິນນະໂຍບາຍ, ເງິນບຳນານໃຫ້ເປັນປົກກະຕິ ແລະ ສູ້ຊົນລະດົມເງິນຝາກໃຫ້ໄດ້ 1.248 ຕື້ກີບ ແລະປ່ອຍສິນເຊື່ອໃຫ້ໄດ້ 709 ຕື້ກີບ, ສຸມໃສ່ຈັດຕັ້ງປະຕິບັດບັນດາໂຄງການລົງທຶນຕ່າງໆທີ່ສະພາປະຊາຊົນແຂວງໄດ້ຮັບຮອງໃຫ້ມີປະສິດທິພາບສູງ, ສູ້ຊົນຜະລິດເຂົ້າບໍ່ໃຫ້ຫຼຸດ 2 ແສນໂຕນ, ຜະລິດພຶດເປັນສິນຄ້າໃຫ້ໄດ້ 1,1 ລ້ານໂຕນ, ສະໜອງຊີ້ນ-ປາ ແລະ ໄຂ່ສະເລ່ຍໃສ່ຫົວຄົນໃຫ້ໄດ້ 55 ກິໂລຕໍ່ຄົນຕໍ່ປີ, ໃນນີ້ຜະລິດຊີ້ນ, ໄຂ່ ແລະປາໃຫ້ໄດ້ 22,16 ລ້ານໂຕນ ແລະຊຸກຍູ້ການປູກປ່າໃຫ້ໄດ້ 500 ເຮັກຕາ ແລະຟື້ນຟູປ່າໃຫ້ໄດ້ 8.900 ເຮັກຕາເພື່ອເພີ່ມອັດຕາການປົກ ຫຸ້ມໃຫ້ໄດ້ເກີນ 70%, ສົ່ງສິນຄ້າອອກໄປຕ່າງປະເທດໃຫ້ບັນລຸ 33 ລ້ານໂດລາ, ຄຸ້ມຄອງການນຳເຂົ້າ ສິນຄ້າຈາກຕ່າງປະເທດໃຫ້ຢູ່ໃນ ລະດັບ 18,7 ລ້ານໂດລາ ແລະ ມູນຄ່າຈໍລະຈອນສິນຄ້າໃຫ້ບັນລຸ 297,3 ຕື້ກີບ,ພັດທະນາພື້ນຖານໂຄງລ່າງດ້ານໂຍທາທິການ ແລະຂົນສົ່ງເພື່ອສ້າງເງື່ອນໄຂອຳນວຍຄວາມສະດວກ ແລະກະຕຸກຊຸກຍູ້ໃຫ້ແກ່ການພັດທະນາເສດຖະກິດ-ສັງຄົມຂອງແຂວງໃຫ້ມີການຂະຫຍາຍຕົວຕໍ່ເນື່ອງ, ສູ້ຊົນໃຫ້ໂຄງການກໍ່ສ້າງເສັ້ນທາງຫົງສາ-ຊຽງແມນໃຫ້ສຳເລັດ 100%, ໂຄງການກໍ່ສ້າງຂົວນ້ຳຮຸ່ງ  2  ແຫ່ງ, ຊຸກຍູ້ການກໍ່ສ້າງໂຄງການນ້ຳປະປາຜາແກ້ວ-ບວມເລົາໃຫ້ສຳເລັດ 100%, ໂຄງການນ້ຳປະປາເມືອງບໍ່ແຕນໃຫ້ໄດ້ 30% ຂຶ້ນໄປ, ໂຄງການກໍ່ສ້າງຕາຝັງເຈື່ອນຈຸດບ້ານຈອມແກ້ວເມືອງແກ່ນທ້າວ, ຈຸດເທສະບານເມືອງປາກລາຍ ແລະຈຸດບ້ານນາຂ່າໃຫ້ສຳເລັດ 30% ຂຶ້ນໄປ.

ພ້ອມທັງຊຸກຍູ້ໃຫ້ບັນດາໂຄງການໄຟຟ້າພະລັງງານຂະໜາດນ້ອຍທີ່ກຳລັງກໍ່ສ້າງໃຫ້ສຳເລັດຕາມແຜນທີ່ໄດ້ກຳນົດໄວ້, ໂດຍສະເພາະໂຄງການໄຟຟ້ານ້ຳຮຸ່ງ 1 ໃຫ້ສຳເລັດ, ສູ້ຊົນໃຫ້ປະຊາຊົນໄດ້ຊົມໃຊ້ໄຟຟ້າຖາວອນເພີ່ມຂຶ້ນ 4 ບ້ານ, ຄອບຄົວຊົມໃຊ້ໄຟຟ້າເພີ່ມ ຂຶ້ນ 500 ຄອບຄົວ, ເຮັດໃຫ້ອັດຕາສ່ວນການຊົມໃຊ້ໄຟຟ້າຖາວອນກວມເອົາ 98,35% ຂອງຄອບຄົວທັງໝົດ ແລະໃຫ້ໄດ້ 428 ບ້ານ ກວມເອົາ 99,30% ຂອງ ບ້ານທັງໝົດ, ສືບຕໍ່ສຳຫຼວດຈັດສັນ ແລະກວດກາທີ່ດິນຂັ້ນເມືອງໃຫ້ໄດ້ 3 ເມືອງຄື: ເມືອງບໍ່ແຕນ, ເມືອງທົ່ງມີໄຊ ແລະເມືອງໄຊສະຖານ, ຈັດສັນທີ່ດິນໃຫ້ໄດ້ 82 ບ້ານ, ຂຶ້ນທະບຽນທີ່ດິນ ແລະອອກໃບຕາດິນໃຫ້ໄດ້ 12.500 ຕອນຂຶ້ນໄປ, ຂະ ຫຍາຍສັນຍານໂທລະສັບໄປສູ່ເຂດ ບ້ານທີ່ຍັງບໍ່ທັນມີສັນຍານຈຳນວນ 5 ບ້ານ ແລະ ບ້ານທີ່ມີສັນຍານອ່ອນຈຳ ນວນ 16 ບ້ານໃຫ້ສຳເລັດ, ສຳຫຼວດ ແລະປັກຫຼັກໝາຍຂອບເຂດອຸທິຍານພຶກສາສາດເຂດຜາຊ້າງ-ຜາຂີ້ໝີ້ນເມືອງໄຊຍະບູລີ, ຈົດທະບຽນຖິ່ນກຳເນີດ, ສິດ ທິບັດ ແລະ ລິຂະສິດໃຫ້ໄດ້ 5 ເຄື່ອງໝາຍ.

  ນອກນັ້ນສືບຕໍ່ປະຕິບັດບັນດາຄາດໝາຍການພັດທະນາແບບຍຶນ ຍົງ ແລະ 15 ຄາດໝາຍທີ່ສະພາປະຊາຊົນຮັບຮອງ, ແກ້ໄຂການປະລະການຮຽນ, ຕ້ານ ແລະສະກັດກັ້ນພະຍາດລະບາດຕາມລະດູການ, ປັບປຸງພັດທະນາບ້ານໃຫ້ກາຍເປັນບ້ານສາທາລະນະສຸກແບບຢ່າງ ແລະໃຫ້ມີຄວາມຍືນຍົງເພື່ອຍົກສູງຄຸນນະ ພາບຊີວິດການເປັນຢູ່ຂອງປະຊາຊົນໃຫ້ໄດ້ 33 ບ້ານໃນທົ່ວແຂວງ, ສູ້ຊົນເຮັດໃຫ້ອັດຕາວ່າງງານພາຍໃນແຂວງຢູ່ໃນລະດັບ 0,5%, ສູ້ຊົນສ້າງຄົນ, ຄອບ ຄົວ ແລະບ້ານວັດທະນະທຳໃຫ້ໄດ້ເພີ່ມຂຶ້ນອີກ 24 ບ້ານ, ຄອບຄົວວັດທະນະທຳໃຫ້ໄດ້ 3,715 ຄອບຄົວ.

  ສືບຕໍ່ຮ່າງນິຕິກຳໃຕ້ກົດໝາຍໃຫ້ໄດ້ຢ່າງນ້ອຍ 4 ສະບັບຄື: ຂໍ້ຕົກລົງວ່າດ້ວຍການຄຸ້ມຄອງ ແລະ ພັດທະນາອຸທິຍານພຶກສາສາດຜາຊ້າງ-ຜາຂີ້ໝີ້ນ, ຂໍ້ຕົກ ລົງວ່າດ້ວຍການສ້າງຕັ້ງກອງທຶນຄອບຄຸມສະກັດກັ້ນ ແລະຕ້ານຢາເສບຕິດ, ຂໍ້ຕົກລົງວ່າດ້ວຍການແກ້ໄຂປາກົດການຫຍໍ້ທໍ້ໃນສັງຄົມ ແລະ ຂໍ້ຕົກລົງວ່າດ້ວຍກອງທຶນພັດທະນາກະສິກຳແບບຍືນຍົງເພື່ອຜ່ານກອງປະຊຸມສະພາປະຊາຊົນແຂວງພິຈາລະນາຮັບຮອງ, ການພິຈາລະນາຄະດີໃຫ້ມີຄວາມວ່ອງໄວບັນລຸ 85 % ແລະການຕັດສິນມີຄຸນນະພາບ, ຄູ່ຄວາມມີຄວາມພໍໃຈຕໍ່ການໄກ່ເກ່່ຍ, ຕັດສິນ ແລະ ພິພາກສາຂອງສານໃຫ້ຫຼາຍຂຶ້ນ, ສືບຕໍ່ຕິດຕາມ ແລະຊຸກຍູ້ການສ້າງ ຮ່າງນິຕິກຳໃຕ້ກົດໝາຍຂອງບັນດາພະແນກການ, ອົງການທີ່ຈະນຳເຂົ້າພິຈາລະນາໃນກອງປະຊຸມສະໄໝສາມັນເທື່ອ 6 ແລະ 7 ຂອງສະພາປະຊາຊົນແຂວງຊຸດທີ I ໃຫ້ຮັດກຸມ, ສອດຄ່ອງ ແລະສາມາດຈັດຕັ້ງປະຕິບັດໄດ້ຢ່າງກວ້າງຂວາງ, ຕິດຕາມກວດກາ, ຊຸກຍູ້ການຈັດຕັ້ງຜັນຂະຫຍາຍມະຕິຂອງກອງປະຊຸມສະໄໝສາມັນຂອງສະພາປະຊາຊົນແຂວງຊຸດທີ I, ແບ່ງຂັ້ນຄຸ້ມຄອງລະຫວ່າງເມືອງ ແລະບ້ານ, ປັບປຸງກົງຈັກການຈັດຕັ້ງຕິດພັນກັບການຂຶ້ນແຜນກຳນົດຕຳແໜ່ງງານ, ພະນັກ ງານນຳພາ-ຄຸ້ມຄອງຂັ້ນບ້ານ, ພ້ອມທັງຈັດຕັ້ງການຝຶກອົບຮົມແນະນຳບຳລຸງພາລະບົດບາດ, ສິດ ແລະໜ້າທີ່ໃຫ້ຮູ້ເຮັດວຽກ.

  ທັງນີ້ຕ້ອງສືບຕໍ່ແກ້ໄຂຄວາມທຸກຍາກ ແລະພັດທະນາຊົນນະບົດເຮັດໃຫ້ຈຳນວນຄອບຄົວທຸກຍາກຫຼຸດລົງຢູ່ໃນລະດັບ 1,5% ແລະ ບ້ານທຸກຍາກບໍ່ເກີນ 2%, ສ້າງຄອບຄົວພັດທະນາໃຫ້ໄດ້ຫຼາຍກວ່າ 70,90% ຂອງບ້ານທັງໝົດ, ເກັບກຳຂໍ້ມູນຕ່າງໆ, ບັນດາປັດໄຈພື້ນຖານເພື່ອປະກອບສ່ວນເຂົ້າໃນການກະກຽມສ້າງບ້ານໃຫ່ຍໃຫ້ ກາຍເປັນຕົວເມືອງນ້ອຍໃນຊົນນະ ບົດຕາມທີ່ໄດ້ກຳນົດໄວ້ໃຫ້ໄດ້ 3 ຈຸດ, ເພີ່ມທະວີປະຕິບັດພາລະບົດບາດ, ສິດ ແລະໜ້າທີ່ຕິດຕາກວດກາການເຄົາລົບ ແລະປະຕິບັດກົດໝາຍ, ການສັ່ງຟ້ອງຜູ້ຖືກຫາຂຶ້ນ ສານໃຫ້ໄດ້ທັງປະລິມານ ແລະຄຸນນະພາບ, ແກ້ໄຂຄຳຮ້ອງ, ຄຳສະເໜີຕ່າງໆ ແລະຄະດີໃຫ້ບັນລຸ 96% ຂຶ້ນໄປ.

แชร์