ເອັນທີທີ ບໍລິສັດການສື່ສານຂອງຍີ່ປຸ່ນອະນຸຍາດໃຫ້ພະນັກງານ 2 ແສນຄົນ ເຮັດວຽກຢູ່ເຮືອນ

  ທ່າມກາງສະຖານະການຂອງພະຍາດຕິດເຊື້ອໄວຣັດໂຄວິດ-19 ທີ່ຍັງບໍ່ທັນມີທ່າທີຈະດີຂຶ້ນ, ບໍລິສັດ Nippon Telegraph and Telephone Corpora tion ຫຼື NTT, ບໍລິສັດຂະໜາດໃຫຍ່ດ້ານໂທລະຄົມມະນາຄົມຂອງຍີ່ປຸ່ນໄດ້ປະກາດວ່າພະນັກງານ 200.000 ຄົນ ສາມາດເຮັດວຽກຈາກເຮືອນ ຫຼືຖ້າຈຳເປັນຕ້ອງ ການເຂົ້າຫ້ອງການຮຽກຮ້ອງໃຫ້ຫຼີກເວັ້ນຊົ່ວໂມງຮີບດ່ວນ.

  ການປະກາດດັ່ງກ່າວນີ້ມີຂຶ້ນຫຼັງຈາກທີ່ປະເທດຍີ່ປຸ່ນໄດ້ພົບເຫັນການເພີ່ມຂຶ້ນຂອງຜູ້ທີ່ຕິດເຊື້ອ, ຂໍ້ມູນລ້າສຸດ (17 ກຸມພາ)ໄດ້ອ້າງ ເຖິງWorldometers ແລະ South China Morning Post ທີ່ມີຜູ້ຕິດເຊື້ອທັງໝົດ 414 ຄົນ (ຂໍ້ມູນຜູ້ຕິດເຊື້ອໃນປະເທດຍີ່ປຸ່ນນັບລວມກັບຈຳນວນຜູ້ຕິດເຊື້ອເທິງເຮືອສຳລານ Diamon d Prin cess) ແລະເລີ່ມພົບເຫັນຜູ້ຕິດເຊື້ອທີ່ບໍ່ເຄີຍມີປະຫວັດເດີນທາງໄປ ສປ ຈີນ.

  ແຕ່ລະຫົວໜ່ວຍທຸລະກິດຂອງ NTT ຈະກຳນົດເອງວ່າຈະປະສານກັນແນວໃດເພື່ອໃຫ້ທຸລະກິດຍັງສາມາດດຳເນີນການຕໍ່ໄປໄດ້, ສຳລັບການປະຊຸມຈະໃຊ້ໂທທາງວິດີໂອ, ແຕ່ໃນບາງອົງການເຊັ່ນ: Docomo ແລະNTT Com munications ຊຶ່ງບໍ່ສາມາດເຮັດວຽກຢູ່ເຮືອນໄດ້ຕະຫຼອດເວລາຈະປັບຕາຕະລາງເວລາໃຫ້ມີຄວາມຄ່ອງແຄ້ວ.

 ນອກຈາກ NTT ແລ້ວ, ທຸລະກິດຫຼາຍແຫ່ງໄດ້ປະກາດນະໂຍບາຍໃໝ່ເພື່ອປ້ອງກັນການຕິດເຊື້ອໄວຣັດລວມທັງບໍລິສັດ Dwango ຊຶ່ງເປັນບໍລິສັດໂທລະຄົມມະນາ ຄົມໄດ້ອະນຸຍາດໃຫ້ພະນັກງານ 1.000 ຄົນ ເຮັດວຽກຈາກເຮືອນ, ລົດເມທ່ອງທ່ຽວໃນໂຕກຽວໄດ້ຮຽກຮ້ອງໃຫ້ຜູ້ໂດຍສານໃສ່ໜ້າກາກອະນາໄມ ແລະໃສ່ເຈວທຳຄວາມສະອາດທີ່ປະໄວ້ໃກ້ປະຕູ ເພື່ອສົ່ງເສີມໃຫ້ຜູ້ໂດຍສານລ້າງມືໃຫ້ສະອາດ.

แชร์