ອາຊຽນ-ອີຢູ ໜູນຄົນຮຸ່ນໃໝ່ຮ່ວມພາລະກິດບັນລຸເປົ້າໝາຍ ເອສດີຈີ

 ເວທີປະຊຸມອາຊຽນ-ອີຢູດ້ານການພັດທະນາທີ່ຍືນຍົງໜູນຄົນຮຸ່ນໃໝ່ຮ່ວມພາລະກິດບັນລຸເປົ້າໝາຍເອສດີຈີສ້າງລະບົບເສດຖະກິດສີຂຽວເປັນມິດຕໍ່ສິ່ງແວດລ້ອມເຊື່ອມໂຍງການຄ້າສອງພາກພື້ນ.

 ທ່ານ ດອນປໍຣະມັດວິໄນ ລັດຖະມົນຕີວ່າ ການກະຊວງການຕ່າງປະເທດຂອງໄທໃນຖານະປະເທດຜູ້ປະສານງານຄວາມສຳພັນອາຊຽນ-ສະຫະພາບເອີຣົບ (ອີຢູ) ຮ່ວມກັບນາງ ຍຸດຕ້າອູຣປີໄລເນນກຳມາທິການເອີຣົບດ້ານຮຸ້ນສ່ວນຄວາມຮ່ວມມືລະຫວ່າງປະເທດເປັນປະທານຮ່ວມໃນຊ່ວງຫາລືລະດັບສູງຂອງກອງປະຊຸມອາຊຽນ-ອີຢູດ້ານການພັດທະນາທີ່ຍືນຍົງ (ASEAN-EU Dialogue on Suistainable Development) ຄັ້ງທີ 2 ໃນວັນທີ 10 ກຸມພາ 2020 ທີ່ນະຄອນຫຼວງບຣຸກ ແຊນປະເທດແບນຊິກໂດຍມີເຈົ້າໜ້າທີ່ອາວຸໂສປະເທດສະມາຊິກອາຊຽນ ແລະ ອີຢູຜູ້ແທນຈາກສຳນັກເລຂາທິການອາຊຽນ ແລະ ຄະນະກຳມາທິການເອີຣົບຕະຫຼອດຈົນຜູ້ແທນຈາກອົງການຕ່າງໆຂອງສະຫະປະຊາຊາດເຂົ້າຮ່ວມ.

  ທ່ານ ດອນ ກ່າວຕອນໜຶ່ງໃນກອງປະຊຸມວ່າອີຢູເປັນພັນທະມິດຂອງອາຊຽນຕໍ່ການດຳເນີນງານວາລະການພັດທະນາທີ່ຍືນຍົງຊຶ່ງປະຈຸບັນປະຊາຊົນໃນອາຊຽນມີລາຍໄດ້ຕໍ່ຫົວຄົນເຕີບໂຕຢ່າງຕໍ່ເນື່ອງທີ່ສູງເຖິງ 33 ເທົ່ານັບຕັ້ງແຕ່ມີການລວມຕົວກັນຂອງພາກພື້ນ ແລະມີຂະໜາດເສດຖະກິດໃຫຍ່ເປັນອັນດັບ 6 ຂອງໂລກຂະນະດຽວ ກັນມີໂອກາດທີ່ຈະກ້າວຂຶ້ນມາມີເສດຖະກິດໃຫຍ່ເປັນອັນດັບ 4 ຂອງໂລກໃນປີ 2030.

____________

ໜັງສືພິມເສດຖະກິດ-ສັງຄົມ

แชร์