ໄຊຍະ ປະກາດແຕ່ງຕັ້ງຮອງຫົວໜ້າພະແນກກະສິກຳ ແລະປ່າໄມ້

  ພະແນກກະສິກຳ ແລະປ່າໄມ້ແຂວງໄດ້ຈັດພິທີປະກາດການແຕ່ງຕັ້ງຮອງຫົວໜ້າພະແນກກະສິກຳ ແລະປ່າໄມ້ແຂວງໃນວັນທີ 12 ກຸມພາຜ່ານມາໂດຍການເຂົ້າຮ່ວມຂອງທ່ານ ຍັງຍົງ ສີປະເສີດ ຮອງເຈົ້າແຂວງໄຊຍະບູລີມີທ່ານ ສົມຫວັງ ແກ້ວວິໄລສັກ ຫົວໜ້າພະແນກກະສິກຳ ແລະປ່າໄມ້ແຂວງຕາງໜ້າພະແນກການ,ທີມງານຂອງແຂວງ, ຫົວໜ້າຮອງຫົວໜ້າຂະແໜງອ້ອມຂ້າງພະແນກ, ຕະຫຼອດພະນັກງານພາຍໃນພະແນກ.

 ໃນພິທີຜູ້ເຂົ້າຮ່ວມໄດ້ຮັບຟັງຜ່ານຂໍ້ຕົກລົງວ່າດ້ວຍການແຕ່ງຕັ້ງຮອງຫົວໜ້າພະແນກກະສິກຳ ແລະປ່າໄມ້ແຂວງແຂວງໄຊຍະບູລີ ສະບັບເລກທີ 153/ຈຂ.ຊຍລົງ ວັນ ທີ 11/2/2020 ເຈົ້າແຂວງໄຊຍະບູລີຕົກລົງແຕ່ງຕັ້ງທ່ານ ພົງແກ້ວ ບຸນຍາວົງ ຫົວໜ້າຂະແໜງປ່າໄມ້ຂຶ້ນເປັນຮອງຫົວໜ້າພະແນກກະສິກຳ ແລະປ່າໄມ້ແຂວງ.

  ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ ໄດ້ໃຫ້ກຽດຂຶ້ນໂອລົມຕໍ່ພະນັກງານຊຶ່ງບາງຕອນທ່ານກ່າວວ່າຈຸດປະສົ່ງຂອງການແຕ່ງຕັ້ງພະນັກງານ-ລັດຖະກອນໃນຄັ້ງນີ້ກໍ່ເພື່ອເປັນການປັບປຸງວຽກງານໃຫ້ເໝາະກັບວິຊາສະເພາະຂອງໃຜລາວຄວາມຮຽກຮ້ອງຕ້ອງວຽກງານໃນໄລຍະໃໝ່ທີ່ມີຄວາມຈຳເປັນເພື່ອໄປພັດທະນາວຽກ ງານຂົງເຂດກະສິກຳໃຫ້ນັບມື້ນັບດີຂຶ້ນ.

  ພາຍຫຼັງສຳເລັດພິທີປະກາດແຕ່ງຕັ້ງຮອງຫົວໜ້າພະແນກແລ້ວ, ພະແນກກະສິກຳ ແລະປ່າໄມ້ແຂວງໄຊຍະບູລີຍັງໄດ້ຈັດພິທີປາຖະກະຖາຫວນຄືນມູນເຊື້ອ 64 ປີ ແຫ່ງການກຳເນີດ ແລະ ເຕີບໃຫ່ຍຂະຫຍາຍຕົວຂອງອົງການຈັດຕັ້ງກຳມະບານລາວຄືວັນທີ 1 ກຸມພາ 1956–1 ກຸມພາ 2020 ໂດຍໃຫ້ກຽດປາຖະຖາຂອງສະ ຫາຍ ບຸນຫຼາຍ ຄຳພູມມີ ຮອງຫົວໜ້າພະແນກກະສິກຳ ແລະ ປ່າໄມ້, ຊຶ່ງຈຸດປະສົງປະຖະກະຖາຄັ້ງນີ້ແມ່ນເພື່ອໂຄສະນາສຶກສາອົບຮົມໃຫ້ພະນັກງານສະມາຊິກພັກ, ພະນັກງານ-ລັດຖະກອນໃນທົ່ວພະແນກການຂອງຕົນມີຄວາມຮັບຮູ້ເຂົ້າໃຈຢ່າງເລິກເຊິ່ງຕໍ່ມູນເຊື້ອການຕໍ່ສູ້ພິລະອາດຫານຂອງກຳມະກອນລາວ ແລະ ປະຊາຊົນບັນດາເຜົ່າ, ພ້ອມທັງຮຽກຮ້ອງໃຫ້ບັນດາສະຫາຍຈົ່ງກຳແໜ້ນວັນປະຫວັດສາດສຳຄັນຂອງຊາດ, ພ້ອມກັນປົກປັກຮັກສາ ແລະ ເສີມຂະຫຍາຍມູນເຊື້ອວັນສຳຄັນດັ່ງກ່າວເຂົ້າໃນການພັດທະນາແຂວງໄຊຍະບູລີໃຫ້ກ້າວຂຶ້ນຢ່າງບໍ່ຢຸດຢັ້ງ.

________________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์