ເມືອງແອດ ປະກາດບ້ານນາຂາມເປັນບ້ານວັດທະນະທຳ

  ທ້າຍເດືອນມັງກອນ 2019 ນີ້, ເມືອງແອດແຂວງຫົວພັນໄດ້ຈັດພິທີປະກາດບ້ານນາຂາມກຸ່ມບ້ານນາພຽງ ເປັນບ້ານວັດທະນະທຳບ້ານທີ  45 ຂອງເມືອງ ແລະ ບ້ານທີ 414 ຂອງແຂວງຫົວພັນ.

ບ້ານນາຂາມປະກອບມີ 29 ຫຼັງຄາເຮືອນ, ມີ 35 ຄອບຄົວ, ພົນລະເມືອງ 131 ຄົນ, ຍິງ 71  ຄົນ, ເປັນຊົນເຜົ່າໄຕແດງ 100%, ປະກອບມີ 1 ໜ່ວຍພັກ, ມີສະມາ ຊິກພັກ 14 ສະຫາຍ, ຍິງ 1 ສະ ຫາຍພ້ອມນີ້ພາຍໃນບ້ານຍັງປະກອບມີບັນດາອົງການຈັດຕັ້ງມະຫາຊົນຕ່າງໆຄົບຊຸດເຄື່ອນໄຫວຖືກຕ້ອງຕາມພາລະບົດບາດໜ້າທີ່ຂອງອົງການຈັດຕັ້ງຂອງຕົນ. ອາຊີບຕົ້ນຕໍຂອງປະຊາຊົນສ່ວນຫຼາຍແມ່ນເຮັດນາປູກເຂົ້າ ແລະ ປູກພືດ, ລ້ຽງສັດ, ຕໍ່າຫູກທໍໄໝ, ການບໍລິການຕ່າງໆເປັນອາຊີບສຳ ຮອງ, ທົ່ວບ້ານມີເນື້ອທີ່ທັງໝົດ 1125 ເຮັກຕາ, ໃນນີ້ມີເນື້ອທີ່ປຸກ ສ້າງ 3 ເຮັກຕາ, ເນື້ອທີ່ທຳການ ຜະລິດ 300 ເຮັກຕາ, ໃນນີ້ມີເນື້ອ ທີ່ນາປີ 11, 44 ເຮັກຕາ ສະມັດ ຕະພາບຜົນຜະລິດໄດ້ 4,5 ໂຕນຕໍໍ່  ເຮັກຕາ, 1 ປີສະເລ່ຍໃສ່ພົນລະ ເມືອງຜູ້ໜຶ່ງໄດ້ຮັບເຂົ້າເປືອກ 667 ກິໂລກະລາມຕໍ່ຄົນຕໍ່ປີ, ລາຍຮັບ ຈາກການປູກພືດໄດ້ 31 ລ້ານກວ່າກີບ, ລາຍຮັບຈາກການລ້ຽງສັດ, ຕໍ່າຫູກທໍ່ໄໝ ແລະການບໍລິການ ຕ່າງໆໄດ້ 234 ລ້ານກວ່າກີບລວມຍອດພະລິດຕະພັນພາຍໃນ  ໄດ້ 458 ລ້ານກວ່າກີບ, ສະເລ່ຍ ໃສ່ພົນລະເມືອງຜູ້ໜຶ່ງໄດ້ 3 ລ້ານກວ່າກີບຕໍ່ຄົນຕໍ່ປີ, ດ້ານວັດທະນະ ທຳ-ສັງຄົມເດັກເກນອາຍຸໄດ້ເຂົ້າ ໂຮງຮຽນ 100%, ໄດ້ປະກາດ ລືບລ້າງການກືກໜັງສືໃນປີ 2001, ດ້ານສຸຂະອະນາໄມກໍ່ໄດ້ເອົາໃຈໃສ່ປະຕິບັດຫຼັກອະນາໄມສາມສະອາດ ໄດ້ປະກາດເປັນບ້ານສາທາລະນະສຸກປີ 2015 ນອກຈາກນີ້ພາຍ ໃນບ້ານຍັງໄດ້ເສີມຂະຫຍາຍມູນ ເຊື້ອ, ຮັກສາຮີດຄອງປະເພນີອັນ ດີງາມຂອງຂອງເຜົ່າຕົນໄວ້, ມີ ຄວາມສາມັກຄີຊ່ວຍເຫຼືອເຊິ່ງກັນ ແລະກັນປະກອບສ່ວນເຂົ້າໃນວຽກງານປ້ອງກັນຊາດປ້ອງກັນຄວາມສະຫງົບພາຍໃນບ້ານມີຄວາມສະ ຫງົບໂດຍພື້ນຖານ.

    ເຂົ້າຮ່ວມໃນພິທີມີທ່ານ ຫວັນໄຫວ ເວີນພູຄຳ ຫົວໜ້າຄະນະຈັດຕັ້ງເມືອງແອດ, ມີພາກສ່ວນກ່ຽວຂ້ອງຂັ້ນແຂວງ, ເມືອງແອດ, ເລຂາ ຄະນະພັກເຂດ, ຫ້ອງການທີ່ກ່ຽວຂ້ອງຂັ້ນເມືອງ, ແຂກຖືກເຊີນ ແລະ ອຳນາດການປົກຄອງບ້ານພ້ອມ ດ້ວຍພໍ່ແມ່ປະຊາຊົນ,ນ້ອງຫຼານນັກຮຽນເຂົ້າຮ່ວມຢ່າງຫຼວງຫຼາຍ.

แชร์