ເຜີຍແຜ່ເອກະສານສຳຄັນຂອງພັກ-ລັດ

  ຄະນະບໍລິຫານງານສູນກາງພັກ ແລະລັດຖະບານໄດຈັດກອງປະຊຸມເຜີຍແຜ່, ເຊື່ອມຊຶມເອກະສານສໍາຄັນຂອງພັກ-ລັດ ໃນວັນທີ 11 ກຸມພາ ທີ່ນະຄອນຫຼວງວຽງ ຈັນ ພາຍໃຕ້ການເປັນປະທານຂອງທ່ານ ພັນຄໍາ ວິພາວັນ ກໍາມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນາກາງພັກ,ຮອງປະທານປະເທດແຫ່ງ ສປປ ລາວ, ມີບັນດາທ່ານກໍາມະການກົມການເມືອງ, ເລຂາທິການສູນກາງພັກ, ຜູ້ແທນທີ່ມາຈາກກະຊວງ, ອົງການ ແລະທ້ອງຖິ່ນເຂົ້າຮ່ວມ.

  ກອງປະຊຸມໄດ້ຮັບຟັງການເຜີຍແຜ່ກ່ຽວກັບຜົນການເຄື່ອນໄຫວວຽກງານຕ່າງປະເທດຂອງການນໍາພັກ-ລັດໃນປີ 2019 ແລະ ຕົ້ນປີ 2020 ເປັນຕົ້ນແມ່ນຜົນສໍາເລັດຂອງການຢ້ຽມຢາມ ແລະເຮັດວຽກຢູ່ ສສ ຫວຽດນາມ, ສປ ຈີນ ແລະລາຊະອານາຈັກກໍາປູເຈຍຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະບໍລິຫານງານສູນາງພັກ, ປະທານປະເທດ ແຫ່ງ ສປປ ລາວ, ສະຫາຍ ທອງລຸນ ສີສຸລິດ ນາຍົກລັດຖະມົນຕິແຫ່ງ ສປປ ລາວ ກ່ຽວກັບການກະກຽມສະເຫຼີມສະຫຼອງວັນປະຫວັດສາດສໍາຄັນຂອງຊາດ-ຂອງພັກ ໃນປີ 2020 ເພື່ອໃຫ້ຄະນະພັກ, ກະຊວງ, ອົງການ ແລະທ້ອງຖິ່ນໄດ້ເຊື່ອມຊຶມ, ກໍາແໜ້ນ ແລະພ້ອມກັນຈັດຕັ້ງຜັນຂະຫຍາຍບັນ ດາຂໍ້ຕົກລົງການພົວພັນ ຮ່ວມມືໃນແຕ່ລະຄົງເຂດວຽກງານກໍຄືໂຄງການຕ່າງໆ ກັບປະເທດເພື່ອນມິດໃຫ້ເຂົ້າສູ່ຕົວຈິງ ແລະມີ ປະສິດທິຜົນສູງພ້ອມກັນນັ້ນກໍ່ເຮັດໃຫ້ກະກຽມສະເຫຼີມສະຫຼອງວັນສໍາຄັນປະຫວັດສາດໂດຍສະເພາະແມ່ນວັນສ້າງຕັ້ງພັກປະຊາຊົນປະ ຕິວັດລາວຄົບຮອບ 65 ປີ, ວັນ ຊາດທີ 2  ທັນວາ ຄົບຮອບ 45 ປີ, ວັນເກີດປະທານໄກສອນ ພົມວິຫານ ຜູ້ນໍາທີແສນເຄົາລົບຮັກຄົບຮອບ 100 ປີ ແລະວັນສໍາຄັນອື່ນໆເຕັມໄປດ້ວຍຄວາມເບີກບານມ່ວນຊື່ນ,ມີຄວາມເອກອ້າງພາກພູມໃຈຕໍ່ໝາກຜົນໃນການປົກປັກຮັກສາ ແລະສ້າງສາພັດທະນາປະເທດຊາດ.

  ທ່ານ ພັນຄໍາ ວິພາວັນ ໄດ້ເນັ້ນໜັກໃຫ້ຜູ້ແທນເຂົ້າຮ່ວມກອງປະຊຸມຈົ່ງໄດ້ຍົກສູງຄວາມຮັບຜິດຊອບການເມືອງໃນການສືບຕໍ່ນໍາໄປຄົ້ນຄວ້າເຊື່ອມຊືມ ແລະຈັດຕັ້ງຜັນຂະຫຍາຍເຂົ້າໃນແຕ່ລະຂົງເຂດວຽກງານທີ່ຕົນຮັບຜິດຊອບຢ່າງເປັນເຈົ້າການ, ຖືເອົາໝາກຜົນຂອງການພົວພັນຮ່ວມມືກັບບັນດາປະເທດເພື່ອນມິດກໍຄືການສະເຫຼີມສະ ຫຼອງວັນສໍາຄັນປະຫວັດສາດຂອງຊາດ,ຂອງພັກໃນປີ 2020 ເປັນຂະບວນການທີ່ແຂງແຮງ,ຟົດຟື້ນຕໍ່ເນື່ອງໃນຂອບເຂດທົ່ວປະເທດເພື່ອສືບຕໍ່ຍູ້ແຮງການຈັດຕັ້ງປະຕິ ບັດກອງປະຊຸມໃຫຍ່ຄັ້ງທີ 10 ຂອງພັກ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 8 ໃຫ້ມີຜົນສໍາເລັດຕາມລະດັບຄາດໝາຍ ແລະມີດ້ານລື່ນຄາດໝາຍ, ຕິດພັນກັນການກະກຽມ ແລະດໍາເນີນກອງປະຊຸມໃຫຍ່ຄັ້ງທີ 11 ຂອງພັກໃນຕົ້ນປີ 2021 ດ້ວຍທ່າທີໜັກແໜ້ນ ແລະໃຫ້ເປັນຂະບວນການກວ້າງຂວາງທົ່ວປວງຊົນລາວບັນດາເຜົ່າ.

_____________

ຂຽນໂດຍ: ວົງມະນີ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์