ບໍ່ຄຳ-ທອງເຊໂປນສະໜັບສະໜຸນວຽກງານການຕອບໂຕ້ພະຍາດອັກເສບປອດ

 ໃນວັນທີ14 ກຸມພາ2020, ບໍລິສັດລ້ານຊ້າງ ມີເນໂຣນສ໌ ລີມິເຕັດ (LXML) ບໍ່ຄຳ-ທອງເຊໂປນຕາງໜ້າໂດຍທ່ານ ຈັນທອນ ເນົາວະລາດ ຫົວໜ້າສາຍງານພົວພັນລັດຖະບານໄດ້ມອບເງິນ 15 ພັນໂດລາສະຫະລັດ ໃຫ້ແກ່ກະຊວງພະລັງງານ ແລະ ບໍ່ແຮ່ຕາງໜ້າໂດຍ ທ່ານ ເພັດສະຫວັນ ລັດຕະນະວົງໄຊ ຫົວໜ້າຫ້ອງການທີ່ກະ ຊວງພະລັງງານ ແລະບໍ່ແຮ່ການປະກອບສ່ວນຄັ້ງນີ້ຈະໄດ້ໂຮມເຂົ້າກັບທຶນທີ່ທາງສະມາຄົມມິດຕະພາບລາວ-ຈີນ ຮ່ວມກັບນະຄອນຫຼວງວຽງຈັນໄດ້ຈັດຂຶ້ນເພື່ອລະດົບທຶນໄປຊ່ວຍເຫຼືອປະຊາຊົນຜູ້ປະສົບເຄາະຮ້າຍຈາກພະຍາດປອດອັກເສບສາຍພັນໃໝ່ໂຄໂຣນາໄວຣັດ (Covid-19) ຢູ່ ສປ ຈີນ.

 ນັບຕັ້ງແຕ່ການລະບາດຂອງໂຄໂຣນາໄວຣັດ ທີ່ເມືອງອູຮັ້ນໃນເດືອນທັນວາ 2019, ພະຍາດດັ່ງກ່າວກໍໄດ້ລະບາດຢ່າງໄວວາໃນທົ່ວ ສປ ຈີນ ແລະໃນຫຼາຍກວ່າ 20 ປະ ເທດໃນໂລກໃນວັນທີ 30 ມັງກອນ 2020, ອົງການອະນາໄມໂລກໄດ້ປະກາດການລະບາດດັ່ງກ່າວໃຫ້ເປັນເຫດການສຸກເສີນດ້ານສາທາລະນະສຸກລະດັບໂລກຊຶ່ງຮຽກ ຮ້ອງໃຫ້ມີການປະສານງານຢ່າງກວ້າງຂວາງ ແລະແໜ້ນແຟ້ນຂຶ້ນເພື່ອຮັບມືກັບການລະບາດດັ່ງກ່າວ.

ທ່ານ ສະໝານ ອະເນກາ ຜູ້ອຳນວຍການໃຫຍ່ຂອງ LXML ໄດ້ກ່າວວ່າ: “ສປ ຈີນ ແລະ ສປປ ລາວ ເປັນເພື່ອນບ້ານ ແລະມີສາຍພົວພັນມິດຕະພາບອັນແໜ້ນແຟ້ນກວ້າງຂວາງພວກເຮົາຫວັງວ່າການປະກອບສ່ວນຄັ້ງນີ້ຈະສາມາດຊ່ວຍເຫຼືອປະຊາຊົນຢູ່ປະເທດເພື່ອນບ້ານຂອງພວກເຮົາທີ່ ສປ ຈີນ.”

-----------------

ຂຽນໂດຍ: ລ້ານຊ້າງ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์