ລາວມອບອຸປະກອນການແພດໃຫ້ຈີນຊ່ວຍຕ້ານພະຍາດອັກເສບປອດ

  ໃນວັນທີ 14 ກຸມພາຜ່ານມາທີ່ດ່ານບໍ່ເຕ່ນ-ບໍ່ຫານ (ຫຼັກໝາຍຊາຍ ແດນເລກທີ 29) ໄດ້ພິທີມອບ-ຮັບອຸປະກອນການແພດໃຫ້ແກ່ປະຊາຊົນຈີນເພື່ອປະກອບສ່ວນຕ້ານພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ COVID-2019 ລະຫວ່າງ ທ່ານ ພົນ ຈັດຕະວາສີພັນ ພຸດທະວົງ ຫົວໜ້າກົມ ທະຫານຊາຍແດນກົມໃຫຍ່ເສນາທິການກອງທັບປະຊາຊົນລາວ ແລະທ່ານ ພົນໂທ ຫູ ຈູ ຈູນ ຮອງຫົວໜ້າກອງບັນຊາການຕໍາຫຼວດແຂວງຢູນນານ, ມີຫົວໜ້າກົມເສນາຮັກກົມໃຫຍ່ພາລາທິການກອງທັບປະຊາຊົນລາວ, ຫົວໜ້າກອງບັນຊາການທະຫານແຂວງຫຼວງນໍ້າທາ ແລະ ຫົວໜ້າກອງບັນຊາການຕໍາຫຼວດລາດຕະເວນທາງນໍ້າ ແຂວງຢູນນານເຂົ້າ ຮ່ວມ.

  ເຄື່ອງທີ່ນໍາມາຊ່ວຍເຫຼືອຄັ້ງນີ້ປະກອບມີ: ຖົງມືການແພດ 170 ແກັດ, ມັດ J 95 ຈໍານວນ 10 ແກັດ, ມັດ 3M ຈໍານວນ 20 ແກັດ, ມັດການແພດ 40 ແກັດ ແລະເຈວລ້າງມືຈໍານວນ 77 ແກັດ ລວມມີມູນຄ່າທັງໝົດ 2.493 ລ້ານກີບ ຊຶ່ງເປັນນໍ້າໃຈຈາກກອງທັບກໍຄືປະຊາຊົນລາວເພື່ອເປັນການຊ່ວຍເຫຼືອ, ແບ່ງເບົາຄວາມທຸກໂສກຮ່ວມພີ່ນ້ອງຊາວຈີນທີ່ໄດ້ຮັບຜົນກະທົບຈາກການລະບາດຂອງເຊື້ອຈຸລະໂລກສາຍພັນໃໝ່ COVID-2019 ຢູ່ເມືອງອູຮັ້ນ ແຂວງຫູ ເປີຍ ສປ ຈີນ, ເພື່ອເປັນກໍາລັງໃຈອັນແຮງກ້າຊ່ວຍປະຊາຊົນຈີນໃຫ້ຫຼຸດພົ້ນອອກຈາກການລະບາດຂອງພະຍາດດັ່ງກ່າວໂດຍໄວ.

______________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์