ອັງກິດຜ່ານດ່ານເບຣັກຊິດທຳອິດ ແຕ່ຍັງມີດ່ານເຈລະຈາຂໍ້ຕົກລົງອີຢູປີນີ້

  ອັງກິດໄດ້ແຍກຕົວຢ່າງເປັນ ທາງການອອກຈາກສະຫະພາບ ເອີຣົບ (Brexit) ເມື່ອວັນທີ 31 ມັງກອນຫຼັງຈາກນັ້ນກໍໄດ້ເລີ່ມເຂົ້າສູ່ຊ່ວງເວລາການປ່ຽນຜ່ານ 11 ເດືອນຈົນເຖິງທ້າຍປີນີ້ ເພື່ອເຮັດການເຈລະຈາກັບສະຫະພາບເອີຣົບ (EU) ໃນປະເດັນຕ່າງໆນັບຕັ້ງແຕ່ ການຄ້າໄປຈົນເຖິງຄວາມໝັ້ນຄົງ.

ທ່ານ ບໍຣິສ ຈອນສັນ ນາຍົກລັດຖະມົນຕີອັງກິດປະສົບຄວາມສຳເລັດໃນການໂນ້ມນ້າວໃຫ້ລັດຖະສະພາອັງກິດໃຫ້ການອະນຸມັດ ຂໍ້ຕົກລົງ Brexit ຫຼັງຈາກທີ່ສະພາໄດ້ປະຕິເສດຂໍ້ຕົກລົງດັ່ງກ່າວ ເຖິງ 3 ຄັ້ງພາຍໃຕ້ລັດຖະບານ ຂອງນາງເທເຣຊາເມ.

   ຢ່າງໃດກໍດີອະນາຄົດຂອງອັງກິດບໍ່ໄດ້ສະດວກສະບາຍເພາະຍັງ ມີຄວາມບໍ່ແນ່ນອນຫຼາຍຢ່າງລໍຖ້າຢູ່ ໂດຍອັງກິດມີເປົ້າໝາຍທີ່ຈະບັນລຸຂໍ້ຕົກລົງການຄ້າໃນການສົ່ງອອກສິນຄ້າໄປຍັງ EU ໂດຍບໍ່ຖືກເອີ້ນເກັບພາສີນຳເຂົ້າ ແລະບໍ່ມີກຳນົດໂຄວຕາຂະນະທີ່ EU ຢືນຢັນວ່າອັງກິດຕ້ອງປະຕິບັດຕາມເງື່ອນ ໄຂຂອງ EU ແລະມີການແຂ່ງຂັນທີ່ເປັນທຳລວມທັງບໍ່ມີການສົ່ງອອກສິນຄ້າໃນລາຄາຕໍ່າເກີນໄປເພື່ອທຸ່ມຕະຫຼາດ EU ນອກຈາກ ນີ້ທ່ານຈອນສັນຈະບໍ່ສາມາດເຂົ້າຮ່ວມກອງປະຊຸມສຸດຍອດຜູ້ນຳ EU ຫາກບໍ່ໄດ້ຮັບເຊີນເປັນກໍລະນີພິເສດ.

แชร์