ຜາໄຊສໍາເລັດການຈັດແຂ່ງຂັນກີລາທົ່ວເມືອງ

     ພາຍຫຼັງທີ່ໄດ້ດໍາເນີນມາ ແຕ່ວັນທີ 25-29 ມັງກອນ 2019 ກ່ຽວກັບງານແຂ່ງຂັນກີລາ-ສິລະປະສາຍນັກຮຽນສາມັນສຶກສາຊັ້ນປະຖົມ ແລະມັດທະຍົມຕອນຕົ້ນທົ່ວ ເມືອງຜາໄຊ ຄັ້ງທີ IV, ມາຮອດຕອນບ່າຍຂອງວັນທີ 29 ມັງກອນ ງານດັ່ງກ່າວໄດ້ປິດສາກລົງດ້ວຍ ຜົນສໍາເລັດທີ່ໂຮງຮຽນມັດທະຍົມຕອນຕົ້ນລາດແສນໂດຍໃຫ້ກຽດ ເປັນປະທານກ່າວປິດຂອງທ່ານ ບຸນມາ ສຸຍະວົງ ຮອງເຈົ້າເມືອງ ຜາໄຊ, ເຂົ້າຮ່ວມມີທ່ານ ສີອໍາໄພ ບຸດດາລາທົນຫົວໜ້າຫ້ອງ ການສຶກສາທິການ ແລະກີລາເມືອງ, ຜູ້ຕາງໜ້າຈາກພະແນກສຶກສາທິການ ແລະ ກີລາແຂວງ,ພາກສ່ວນທີ່ກ່ຽວຂ້ອງຫ້ອງການສຶກສາທິການ ແລະ ກີລາ ເມືອງ,ແຂກທີ່ຖືກເຊີນຕະຫຼອດຮອດ ມວນຊົນເຂົ້າຮ່ວມຢ່າງຫຼວງຫຼາຍ.   

  ທ່ານ ສອນທະວີບຸນຕະວັນ ຜູ້ອໍານວຍການໂຮງຮຽນ ມຕ ລາດ ແສນໄດ້ຂຶ້ນຜ່ານບົດສະຫຼຸບການຈັດງານແຂ່ງຂັນກີລາ-ສິລະປະທົ່ວ ເມືອງຜາໄຊ ຄັ້ງທີ IV ວ່າ: ບານເຕະຊາຍຊັ້ນມັດທະຍົມຕົ້ນທີ 1 ໄດ້ແກ່ໂຮງຮຽນ ມຕ ນໍ້າສຽມ, ທີ 2 ມສ ລາດຄ້າຍ; ບານເຕະຍິງຊັ້ນມັດທະ ຍົມຕົ້ນທີ 1 ມຕ ລາດແສນ, ທີ 2 ມຕ ບ້ານທາງ; ບານເຕະຊາຍ ຊັ້ນປະຖົມທີ 1 ປະຖົມ ລາດຄ້າຍ, ທີ 2 ປະຖົມ ຕໍາລຶງ; ຍິງ ທີ 1 ປະຖົມ ລາດຄ້າຍ, ທີ 2 ແສນອຸດົມ; ບານ ສົ່ງຊາຍ ຊັ້ນມັດທະຍົມຕົ້ນທີ 1 ມຕ ບ້ານພາ, ທີ 2 ມສ ລາດຄ້າຍ; ບານສົ່ງຍິງ ທີ 1 ມຕ ລາດແສນ, ທີ 2 ມສ ບ້ານໜອງ; ກະຕໍ້ຊັ້ນມັດ ທະຍົມຕົ້ນທີ 1 ມສ ລາດຄ້າຍ, ທີ 2 ມຕ ນໍ້າສຽມ; ເປຕັ໋ງຊາຍ ຊັ້ນ ມັດທະຍົມຕົ້ນ ທີ 1 ມຕ ນໍ້າສຽມ, ທີ 2 ມຕ ບ້ານພາ; ກີລາເປຕັງຍິງ ທີ 1 ມສ ບ້ານໜອງ, ທີ 2 ມຕ ບ້ານພາ; ກີລາແລ່ນຊາຍ ຊັ້ນມັດທະຍົມຕົ້ນ ທີ 1 ທ້າວ ໄຊພອນ ມຕ ບ້ານພາ, ທີ 2 ທ້າວ ກົງລໍ່ ມຕ ບ້ານທາງ; ກີລາແລ່ນຍິງ ທີ 1 ນາງ ເຢັ່ງລີ ມຕ ບ້ານທາງ, ທີ 2 ນາງ ຄໍາຫຼ້າ ມຕ ລາດແສນ; ກີລາແລ່ນຊາຍ ຊັ້ນປະຖົມ ທີ 1 ທ້າວ ຄໍາຮຸ່ງ ປະຖົມ ລາດຄ້າຍ, ທີ 2 ທ້າວ ຫົງ ປະຖົມ ນາປັນ; ກີລາແລ່ນຍິງ ທີ 1 ນາງ ອາມິນປະຖົມລາດຄ້າຍ, ທີ 2 ນາງ ອານິງ ປະຖົມຫໍກາງ; ກີລາດຶງເຊືອກຊາຍ ຊັ້ນປະຖົມ ທີ 1 ປະຖົມນໍ້າສຽມ, ທີ 2 ປະຖົມຫໍສິມ-ບ້ານໜອງ; ດຶງເຊືອກຍິງ ຊັ້ນປະຖົມທີ 1 ປະຖົມນໍ້າສຽມ, ທີ 2 ປະຖົມລາດຄ້າຍ; ກີລາເຕັ້ນຍາວຊາຍ ທີ 1 ທ້າວ ສົມຊາຍ ມຕ ລາດແສນ, ທີ 2 ທ້າວ ບຸນລ້ຽງ ມຕ ລາດແສນ; ກີລາເຕັ້ນຍາວຍິງທີ 1 ນາງເປົ້າ ມສ ບ້ານໜອງ, ທີ 2 ນາງ ຕູ້ມີດ ມຕ ລາດແສນ; ຕະຫຼອດໄລຍະການແຂ່ງຂັນບັນຍາກາດເຕັມໄປດ້ວຍ ຄວາມເບີກບານມ່ວນຊື່ນສະໜຸກສະໜານມີມວນຊົນມາຮ່ວມຊົມຮ່ວມ ເຊຍ ແລະ ໃຫ້ກໍາລັງໃຈນັກກີລາຢ່າງ ຄັບຄາໜ້າແໜ້ນ.

  ໂອກາດນີ້ທ່ານ ບຸນມາ ສຸຍະວົງໄດ້ສະແດງຄວາມຊົມເຊີຍ ແລະຕີ ລາຄາສູງຕໍ່ຜົນສໍາເລັດການຈັດງານ ແຂ່ງຂັນກີລາ-ສິລະປະທົ່ວເມືອງ ຄັ້ງນີ້ເພາະເປີດໂອ ກາດໃຫ້ນັກຮຽນໄດ້ສະແດງອອກທາງດ້ານຄວາມຮູ້ຄວາມສາມາດ  ແລະພອນສະຫວັນ ທາງດ້ານວຽກງານກີລາ-ສິລະປະ, ເປັນການຊຸກຍູ້ສົ່ງເສີມວຽກງານກີລາ-ສິລະປະພາຍໃນເມືອງໃຫ້ ເປັນຂະບວນກ້ວາງ ແລະ ໄດ້ຮັບການພັດ ທະນາດີຂຶ້ນ. ສ້າງໃຫ້ເດັກມີສຸຂະ ພາບສົມບູນແຂງແຮງຮູ້ໃຊ້ເວລາ ວ່າງໃຫ້ເກີດປະ ໂຫຍດ, ພ້ອມທັງ ເປັນການປະຕິບັດຕາມ 5 ຫຼັກມູນ ການສຶກສາທີ່ທາງກະຊວງສຶກສາທິ ການ ແລະ ກີລາວາງອອກໃຫ້ປາກົດ ຜົນເປັນຈິງອີກດ້ວຍ.

  ສໍາລັບການແຂ່ງຂັນກີລາ-ສິລະປະທົ່ວເມືອງຄັ້ງຕໍ່ໄປຈະຈັດຂຶ້ນ ໃນປີ 2021 ໂດຍມອບໝາຍໃຫ້ ໂຮງຮຽນ ມຕ ບ້ານທາງເປັນເຈົ້າ ພາບຈັດການແຂ່ງຂັນ.

 

แชร์