ໝາກມ່ວງປ່າ ສາມາດປ້ອງກັນມະເຮັງໄດ້

  ໝາກມ່ວງປ່າພົບໄດ້ທົ່ວໄປຕາມພາກເໜືອ ຂອງລາວເຊັ່ນ: ແຂວງຊຽງຂວາງ, ຫົວພັນ, ຫຼວງ ພະບາງ, ມັກພົບຕາມປ່າປະສົມ, ປ່າດົງດິບແລ້ງ, ເປັນພັນໄມ້ພົບໄດ້ທົ່ວໄປ, ມັນເປັນຕົ້ນໄມ້ສູງຂະໜາດໃຫຍ່ພໍສົມຄວນໄມ້ຂອງມັນມີຄົນມັກຕັດມາ ເຮັດເຄື່ອງໃຊ້ສອຍ ແລະເຟີນີເຈີຕ່າງໆເຮັດໃຫ້ຈຳນວນຕົ້ນໃນທຳມະຊາດຫຼຸດລົງ.

    ແຕ່ການເກັບມາຂາຍຢູ່ຕະຫຼາດສ່ວນຫຼາຍ ບໍ່ມັກເຫັນແຕ່ໃນທ້ອງຖີ່ນມີຄວາມນີຍົມກັນກິນເພາະວ່າມັນຈະມີລົດສົ້ມຫວານ ແລະມີກິ່ນຫອມ ເລັກນ້ອຍ, ເອົາເຮັດເປັນໝາກມ່ວງກວນ ຫຼື ໝາກ ມ່ວງແຜ່ນໄດ້, ຍອດອ່ອນຂອງມັນຍັງເຮັດເປັນຜັກ ກັບລາບ ຫຼື ເຮັດຊຸບແບບຊຸບຜັກໄດ້, ນອກນັ້ນໝາກມ່ວງມັນມີວິຕາມີນຊີຫຼາຍສາມາດປ້ອງກັນມະເຮັງໄດ້, ເປັນທາດປ້ອງກັນພະຍາດໄດ້ ແລະເຮັດໃຫ້ຮ່າງກາຍແຂງແຮງບໍ່ໃຫ້ເຖົ້າກວ່າໄວອັນຄວນ.

---

ຮຽບຮຽງໂດຍ: ຟ້າ

แชร์