ລູກຄ້າເພິ່ງພໍໃຈກັບການໃຊ້ບໍລິການໂອນເງິນຜ່ານ "ເອຊີລີດາ ທັນໃຈ"

 ໃນຂະແໜງການທະນາຄານການສົ່ງເງິນ ຫຼືການໂອນເງິນແມ່ນມີຄວາມສຳຄັນ ແລະສາມາດປັບປຸງການເປັນຢູ່ຂອງສະມາຊິກໃນຄອບຄົວ ແລະກະຕຸ້ນເສດຖະກິດຂອງປະເທດອີກດ້ວຍ. ທະນາຄານເອຊີີລີດາ ລາວ ຈຳກັດ, ປະຊາທະນາຄານທີ່ທ່ານໄວ້ວາງໃຈ ແລະ ມີວິໄສທັດເປັນຜູ້ນຳດ້ານທະນາຄານເພື່ອທຸລະກິດຂະໜາດນ້ອຍ ແລະຂະໜາດກາງໃນ ສປປ ລາວ ເຫັນເຖິງການເພີ່ມຂຶ້ນຂອງທຸລະກຳການໂອນເງິນໃນປີ 2019 ໄດ້ຢ່າງຊັດເຈນເຊັ່ນ: ການໂອນເງິນພາຍໃນປະເທດ, ການໂອນຕ່າງປະ ເທດດ້ວຍລະບົບສະວິບ ແລະ ເວສເຕີ້ນຢູນຽນໄປຫຼາຍກວ່າ 168 ປະເທດທົ່ວໂລກ ແລະ ໂອນເງິນໄດ້ທຸກວັນທຸກເວລາທຸກສະຖານທີ່ຜ່ານແອັບເທິງມືຖືຂອງທະນາຄານ ເອຊີລີດາ ລາວຈຳກັດ ເຊິ່ງເປັນທີ່ຮູ້ດີໃນນາມ “ເອຊີລີດາ ທັນໃຈ” ທະນາຄານໃນມືຂອງທ່ານ. ໃນປີ 2019 ທະນາຄານ ເອຊີລີດາ ລາວຈຳກັດ ໄດ້ໃຫ້ບໍລິການເງິນໂອນເງິນໃຫ້ແກ່ລູກຄ້າເປັນຈຳນວນເງິນປະມານ 100 ລ້ານໂດລາສະຫະລັດ. ການໂອນເງິນພາຍໃນປະເທດເພີ່ມຂຶ້ນເຖິງ 18.12% ເປັນຈຳນວນເງິນ 21.50 ລ້ານໂດ ລາສະຫະລັດ ແລະ ການໂອນເງິນເຂົ້າຈາກຕ່າງປະເທດເພີ່ມຂຶ້ນ 14% ເປັນຈຳນວນເງິນ 21 ລ້ານໂດລາສະຫະລັດ. ການດຳລົງຊີວິດຢູ່ໃນຍຸກດິຈິຕອລ, ລູກຄ້າມີຄວາມເພິ່ງພໍໃຈໃນການໃຊ້ບໍລິການໂອນເງິນຜ່ານແອັບເທິງມືຖື “ເອຊີລີດາທັນໃຈ” ທີ່ມີເຕັກໂນໂລຢີທັນສະໄໝທີ່ມີຈຳນວນຜູ້ລົງທະບຽນນຳໃຊ້ເພີ່ມຂຶ້ນເຖິງ 64%. ທະ ນາຄານໄດ້ເລັງເຫັນເຖິງການໂອນເງິນເພີ່ມຂຶ້ນເຖິງສອງເທົ່າໃນກາງປີຄຽງຄູ່ກັບການເພີ່ມຂຶ້ນຂອງບັນຊີເງິນຝາກປະຢັດ, ບັນຊີບໍລິສັດ, ບັນຊີເງິນຝາກໄລຍະຍາວ ແລະໂດຍສະເພາະສິນເຊື່ອເງິນດ່ວນ SME, ການປ່ອຍກູ້ SME, ສິນເຊື່ອທຸລະກິດຂະໜາດກາງ ແລະ ຂະໜາດໃຫຍ່ສູງເຖິງ 20 ຕື້ກີບ ຫຼື 2,3 ລ້ານໂດລາສະຫະລັດຕໍ່ລູກຄ້າໂດຍອີງຕາມຄວາມເໝາະສົມ.

  ທ່ານ ດຣ ຮາຍ ສະວາຍ ຜູ້ອຳນວຍການໃຫຍ່ທະນາຄານເອຊີລີດາ ລາວຈຳກັດ ໄດ້ກ່າວວ່າ ຖ້າຫາກບໍ່ມີເທັກໂນໂລຢີ, ຜູ້ໂອນເງິນໄປຫາຄອບຄົວຫຼືຄູ່ຮ່ວມທຸລະກິດຈະໃຊ້ເວລາປະມານ 2-3 ວັນ. ແຕ່ໃນປະຈຸບັນນີ້ພວກເຂົາຕ້ອງການໃຊ້ເວລາໜ້ອຍກວ່າ 2-3 ນາທີ ໂດຍການໂອນຜ່ານເອຊີລີດາທັນໃຈ. ນອກຈາກສິ່ງອຳນວຍຄວາມສະດວກດ້ານຜະລິດຕະພັນເງິນຝາກ ແລະສິນເຊື່ອແລ້ວ, ທະນາຄານເອຊີລີດາຍັງມີລະບົບເຕັກໂນໂລຊີທີ່ທັນສະໄໝ ແລະມີຄວາມປອດໄພສູງເພື່ອໃຫ້ບໍລິການລູກຄ້າທຸກພາກສ່ວນໃນການໂອນເງິນປະເພດຕ່າງໆລວມທັງການໂອນເງິນຜ່ານເອຊີລີດາທັນໃຈໃນມືຖື, ການໂອນເງິນພາຍໃນປະເທດລາວ, ການໂອນເງິນຕ່າງປະເທດເຂົ້າ-ອອກລະຫວ່າງປະເທດໃນທົ່ວໂລກ.

  ທ່ານນາງ ນິດຕາຍາ ທິຣະສັກ ຫົວໜ້າພະແນກບໍລິການໄດ້ກ່າວວ່າທະນາຄານ ເອຊີລີດາ ລາວຈຳກັດ ໃຫ້ບໍລິການລູກຄ້າ ແລະສາທະລະນະຊົນດ້ວຍຄວາມວ່ອງໄວ ແລະສະດວກສະບາຍ, ການໂອນເງິນພາຍໃນປະເທດລະຫວ່າງພາຍໃນແຂວງໄປຫາເມືອງ ຫຼືຈາກແຂວງ-ເມືອງ ໄປຫາບ່ອນອື່ນໆໃນ ສປປ ລາວ ແລະໂອນເງິນໄປຕ່າງປະເທດຫຼາຍກວ່າ 168 ປະເທດດ້ວຍມູນຄ່າຫຼາຍລ້ານໂດລາສະຫະລັດໃນທ້າຍປີ 2019. ລູກຄ້າທຸກທ່ານສາມາດໃຊ້ຜະລິດຕະພັນ ແລະ ການບໍລິການຂອງທະນາ ຄານເອຊີລີດາໄດ້ຢ່າງງ່າຍດາຍຕາມທຸກສາຂາໃກ້ບ້ານທ່ານຫຼືນຳໃຊ້ເອຊີລີດາທັນໃຈເຊິ່ງເປັນຜະລິດຕະພັນດິຈິຕອລທີ່ທັນສະໄໝປຽບສະເໝືອນລູກຄ້າມີທະນາຄານຢູ່ໃນ ມືຕະຫຼອດເວລາ “ທະນາຄານໃຫ້ບໍລິການໂອນເງິນແກ່ລູກຄ້າທຸກທ່ານຢ່າງມີປະສິດທິພາບ ແລະໂປ່ງໃສ”.

  ສະເຫຼີມສະຫຼອງ 12 ປີແຫ່ງການດຳເນີນທຸລະກິດຢູ່ລາວ, ທະນາຄານເອຊີລີດາ ລາວ ຈໍາກັດ ໄດ້ຮັບການຍອມຮັບວ່າ ເປັນທະນາຄານທຸລະກິດອັນດັບ 1 ທີ່ປະກອບສ່ວນເຂົ້າໃນການສ້າງວຽກເຮັດງານທຳໃນຂະແໜງການທະນາຄານໃຫ້ແກ່ປະຊາຊົນລາວ.”ເອຊີລີດາທັນໃຈ” ແອັບເທິງມືຖືທີ່ຊ່ວຍໃຫ້ລູກຄ້າສາມາດດຳເນີນທຸລະກຳໄດ້ທຸກວັນ, ທຸກທີ່, ທຸກເວລາ. ໃນລະດັບພູມີພາກ, ກຸ່ມເອຊີລີດາປະກອບມີທະນາຄານເອຊີລີດາມະຫາຊົນສ້າງຕັ້ງຂຶ້ນໃນປີ 1993 ແລະມີ 4 ບໍລິສັດລູກທີ່ດໍາເນີນທຸລະ ກິດຢູ່ປະເທດກຳປູເຈຍ,ລາວແລະມຽນມາດ້ວຍຊັບສິນທັງໝົດຫຼາຍກວ່າ 6 ຕື້ໂດລາສະຫະລັດ, ມີ 313 ສາຂາ-ສໍານັກງານ, 683 ຕູ້ ATM ໃຫ້ບໍລິການລູກຄ້າຫຼາຍລ້ານຄົນ ແລະບໍລິການໂອນເງິນໄປທົ່ວໂລກ.

______________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์