ເອຊີລີດາ ເປີດນຳໃຊ້ “ການຖອນເງິນຜ່ານຕູ້ເອທີເອັມໂດຍບໍ່ໃຊ້ບັດ” ຢ່າງເປັນທາງການ

 ໃນວັນທີ 14 ກຸມພາ 2020 ທະນາຄານເອຊີລີດາ ລາວ ຈຳກັດ, ປະຊາທະນາຄານທີ່ທ່ານໄວ້ວາງໃຈ ແລະມີວິໄສທັດເປັນຜູ້ນຳດ້ານທະນາຄານເພື່ອທຸລະກິດຂະໜາດນ້ອຍ ແລະ ຂະໜາດກາງໃນ ສປປ ລາວ ເປີດນຳໃຊ້ການບໍລິການໃໝ່ທີ່ມີຊື່ວ່າ “ການຖອນເງິນຜ່ານຕູ້ເອທີເອັມໂດຍບໍ່ໃຊ້ບັດ” ຢ່າງເປັນທາງການຊຶ່ງລູກຄ້າຂອງທະນາ ຄານເອຊີລີດາ ລາວ ຈຳກັດ ສາມາດຖອນເງິນຜ່ານຕູ້ເອທີເອັມຂອງທະນາຄານເອຊີລີດາໂດຍບໍ່ຕ້ອງໃຊ້ບັດເອທີເອັມ.

  ເນື່ອງຈາກທ່າອ່ຽງທາງດ້ານເຕັກໂນໂລຢີມີຄວາມວ່ອງໄວ ແລະບໍ່ຢຸດຢັ້ງ, ປະຊາຊົນລາວ ແລະຫຼາຍໆຄົນໃນໂລກໄດ້ມີການຍົກລະດັບຮູບແບບການດຳລົງຊີວິດໂດຍການນຳໃຊ້ Smart phone, ອຸປະກອນເອເລັກໂຕຣນິກ ແລະການບໍລິການທະນາຄານດິຈິຕອລທີ່ທັນສະໄໝເຊັ່ນ: ເອຊີລີດາທັນໃຈແອັບພລິກເຄຊັ່ນນອກຈາກແອັບ ແລະການຈະເລີນເຕີບ ໂຕໄປພ້ອມກັນກັບລູກຄ້າຂອງພວກເຮົາ, ການຖອນເງິນໂດຍບໍ່ໃຊ້ບັດແມ່ນມີ ຄວາມສະດວກສະບາຍ, ວ່ອງໄວ ແລະ ທັນສະໄໝພ້ອມດ້ວຍຄວາມປອດໄພສູງ ແລະ ໄດ້ມາດຕະຖານສາກົນທີ່ຕອບສະໜອງຕາມຄວາມຕ້ອງການຂອງລູກຄ້າ ແລະ ສາທາລະນະຊົນໃນການໃຊ້ບໍລິການດິຈິຕອລຂອງທະນາຄານເອຊີລີດາລາວ ຈຳກັດ.

 ທະນາຄານ ເອຊີລີດາ ລາວ ຈຳກັດ ເປັນທະນາຄານແຫ່ງທຳອິດໃນລາວທີ່ໃຫ້ບໍລິການຖອນເງິນໂດຍບໍ່ໃຊ້ບັດຜ່ານຕູ້ ATM ໂດຍນຳໃຊ້ລະຫັດ OTP. “ການຖອນເງິນສົດຜ່ານຕູ້ເອທີເອມໂດຍບໍ່ໃຊ້ບັດ” ແມ່ນໜຶ່ງໃນຄຸນລັກສະນະຂອງເອຊີລີດາທັນໃຈຊຶ່ງລູກຄ້າສາມາດຖອນເງິນຜ່ານຕູ້ເອທີເອັມໂດຍບໍ່ໃຊ້ບັດເອທີເອັມລູກຄ້າສາມາດຖອນເງິນຈາກບັນຊີທັນໃຈ, ບັນຊີທະນາຄານ ແລະຖອນເງິນໂອນຈາກເບີໂທລະສັບທີ່ບໍ່ໄດ້ລົງທະບຽນທັນໃຈກໍໄດ້ເຊັ່ນກັນ.

  ປະຈຸບັນມີຫຼາຍກວ່າ 40.000 ລູກຄ້າທີ່ໄດ້ນຳໃຊ້ເອຊີລີດາທັນໃຈຫຼັງຈາກໄດ້ມີການເປີດຕົວໃນກາງປີ 2018 ລູກຄ້າຍັງສາມາດໃຊ້ເອຊີລີດາທັນໃຈໃນການຊຳລະເງິນຜ່ານ QR code, ໂອນເງິນ,ຊຳລະໃບບິນ (ນໍ້າປະປາ, ໃບບິນຂອງບໍລິສັດລາວໂທລະຄົມ),ຕື່ມມູນຄ່າໂທ (ລາວໂທລະຄົມ ແລະອີທີເເອລ), ກວດສອບຍອດເງິນ, ອັດ ຕາແລກປ່ຽນ ແລະຂໍ້ມູນອື່ນໆທີ່ກ່ຽວຂ້ອງ ແລະຍັງມີການອື່ນໆທີ່ຈະເປີດນຳໃຊ້ໃນໄວໆນີ້ຊຶ່ງລວມມີການຈ່າຍໃບບິນອິນເຕີເນັດ, ການຕື່ມມູນຄ່າໂທຂອງເຄືອຂ່າຍອື່ນໆ ອີກ ແລະການຊຳລະໃບບິນສາທາລະນູປະໂພກຕ່າງໆ.

  ໃນລະກັບພູມີພາກ, ກຸ່ມຂອງເອຊີລີດາມີທະນາຄານເອຊີລີດາມະຫາຊົນຊຶ່ງເປັນບໍລິສັດແມ່ ແລະມີ 4 ບໍລິສັດລູກທີ່ປະຕິບັດງານຢູ່ປະເທດກຳປູເຈຍ, ສປປ ລາວ ແລະມຽນມາ ແລະໃຫ້ບໍລິການໂອນເງິນໃນທົ່ວໂລກ.

  ກຸ່ມເອຊີລີດາມີຊັບສິນລວມທັງໝົດຫຼາຍກວ່າ 6 ຕື້ໂດລາສະຫະລັດ ແລະມີ 313 ສາຂາ-ສໍານັກງານ, ຕູ້ເອທີເອັມ 683 ຕູ້ ແລະໃຫ້ບໍລິການລູກຄ້າຫຼາຍລ້ານຄົນທີ່ນຳໃຊ້ຜະລິດຕະພັນ ແລະການບໍລິການຂອງທະນາຄານ.

_____________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์