ສັບພະຄຸນທາງຢາຂອງເຄືອຕົດໝາ ທ່ານບໍ່ຄວນເບິ່ງຂ້າມ

  ເຄືອຕົດໝາຈັດເປັນພັນໄມ້ເຄືອປະເພດລົ້ມລຸກໃບ ແລະເຄືອໃຊ້ກິນເປັນຢາແກ້ໄຂ້, ແກ້ໂຕຮ້ອນ, ໃຊ້ຕົ້ມນໍ້າດື່ມແກ້ພິດໄຂ້ເມື່ອເວລາເປັນໄຂ້ໃຫ້ໃຊ້ນໍ້າຕົ້ມຈາກເຄືອ ຫຼືໃບນຳມາເຊັດໂຕ ຫຼືນຳຜ້າສະອາດມາຈຸ່ມນໍ້ານຳມາວາງໄວ້ເທີງຫົວກໍຈະເຮັດໃຫ້ອາການໄຂ້ຫຼຸດລົງໄດ້ເປັນຢ່າງດີ, ທັງຕົ້ນໃຊ້ຕົ້ມດື່ມເປັນຢາຂັບປັດສະວະ, ຊ່ວຍແກ້ພິດຕ່າງໆ, ນອກນັ້ນຍັງນຳໃບມາຕົ້ມດື່ມກໍ່ຊ່ວຍຂັບໜີ້ວອອກຈາກກະເພາະປັດສະວະໄດ້ດ້ວຍ.

 ວິທີນໍາໃຊ້: ໂດຍນຳເອົາເຄືອຕົດໝາ 1 ກຳມືປະສົມກັບຜັກບົ່ວເລືອດ (ຫວ້ານຈອດ) 3 ຫົວ, ຂີ້ໝີ້ນ 7 ປ່ຽງ, ຫວ້ານຕູບໝູບ 7 ຫົວ ແລະຫວ້ານໄພ 7 ປ່ຽງ, ຫຼັງ ຈາກນັ້ນນໍາເອົາສ່ວນປະກອບທັງໝົດປະສົມກັນນຳໄປຕົ້ມກັບນໍ້າ 1,5 ລິດໃຫ້ຟົດ, ຕອງດ້ວຍແພຂາວສະອາດແລ້ວແບ່ງດື່ມ 3 ເວລາ (ເຊົ້າ, ສວຍ, ແລງ) ຈົນກວ່າອາການຈະດີຂຶ້ນ.

_________

ຮຽບຮຽງໂດຍ: ຟ້າ

• 17/02/2020