ອາເມລິກາຝຶກຫຸ່ນຍົນເອໄອ ໃຫ້ຮຽນຮູ້ການສູ້ຮົບຈາກສະໝອງຂອງເກມເມີ

  ທີມວິໄຈດ້ານປັນຍາປະດິດ ຫຼື AI ຈາກ University of Buffalo ໄດ້ວາງແຜນທີ່ຈະຮຽນຮູ້ສະໝອງ ແລະ ການເຄື່ອນໄຫວຂອງດວງຕາຂອງເກມເມີທັງໝົດ 25 ຄົນຂະນະຫຼິ້ນເກມຈາກນັ້ນນັກວິໄຈຈະໃຊ້ຂໍ້ມູນທີ່ໄດ້ມາຈາກເກມເມີເພື່ອນຳໄປຝຶກ AI ຕໍ່ໄປ.

ສຳນັກງານໂຄງການວິໄຈຂັ້ນສູງດ້ານການປ້ອງກັນປະເທດອາເມລິກາ ຫຼືທີ່ຮູ້ຈັກກັນດີໃນນາມ DARPA ໄດ້ມອບເງິນທຶນຈຳນວນ 16 ພັນໂດລາສະຫະລັດແກ່ນັກວິໄຈຈາກ Souma Chowhury ຊຶ່ງນັກວິໄຈໄດ້ສ້າງເກມວາງແຜນການສູ້ຮົບແບບຕົວຈິງສຳລັບການວິໄຈໂດຍໃຊ້ເວລາປະມານ 5-10 ນາທີ ໃນການຫຼິ້ນໃຫ້ຈົບໃນ 1 ເກມໂດຍນັກວິໄຈລະບຸວ່າໃຫ້ເກມເມີຫຼິ້ນເກມປະເພດນີ້ຄົນລະ 6-7 ຮອບກໍຈະໄດ້ຂໍ້ມູນທີ່ພຽງພໍສຳລັບການຝຶກ AI.

  ນັກວິໄຈກ່າວວ່າມະນຸດມີຄວາມສາມາດໃນການວາງກົນລະຍຸດທີ່ບໍ່ຄືໃຜຊຶ່ງ AI ບໍ່ສາມາດຮຽນຮູ້ຈາກບ່ອນໃດໄດ້ສິ່ງທີ່ເຮົາເຫັນ  AI ເຮັດນັ້ນຄ່ອນຂ້າງເປັນສະພາວະທີ່ ແນ່ນອນແຕ່ຫາກຕ້ອງປ່ຽນແປງໄປກໍຍັງສູ້ມະນຸດບໍ່ໄດ້.

  ສຸດທ້າຍທີມວິໄຈລະບຸວ່າຂໍ້ມູນດັ່ງກ່າວສາມາດໃຊ້ຝຶກຫຸ່ນຍົນທັງທາງໜ້າດິນ ແລະອາກາດໄດ້.

แชร์