ຈີໂນ່ ໜຸ່ມນ້ອຍມີຄວາມສາມາດກ້າວເປັນສິລະປິິນ

ທ້າວ ບຸນເລີມ ຈັນທະສັກ ຫຼືຈີໂນ່ ເປັນໜຸ່ມນ້ອຍຄົນໜຶ່ງທີ່ມີຖິ່ນຖານບ້ານເກີດຢູ່ເມືອງນໍ້າບາກ ແຂວງຫຼວງພະບາງ ປະຈຸບັນກໍາລັງຮຽນຢູ່ຊັ້ນມັດທະຍົມ ມ6, ຈີໂນ່ ມີຄວາມສາມາດຢ່າງຫຼວງຫຼາຍບໍ່ວ່າຈະເປັນການແຕ່ງເພງ ແລະ ຮ້ອງເພງນອກນັ້ນ, ຍັງມີພອນສະຫວັນດ້ານການແຕ້ມຮູບພາບອີກດ້ວຍຊຶ່ງໄດ້ເຂົ້າຮ່ວມແຂ່ງຂັນຢູ່ທັງພາຍໃນ ແລະຕ່າງປະເທດພ້ອມທັງໄດ້ຮັບລາງວັນຢ່າງຫຼວງຫຼາຍ.

  ຈີໂນ່ ເປັນຄົນທີ່ມີໃຈຮັກໃນດ້ານສິລະປະ ໂດຍສະເພາະແມ່ນ ການແຕ້ມຮູບ ແລະຮ້ອງເພງດັ່ງ ນັ້ນ, ຈີໂນ່ ຈຶ່ງໄດ້ເຂົ້າຮ່ວມກິດຈະກໍາການແຂ່ງຂັນປະກວດນັກຮ້ອງສຽງດີຂອງເພຈ໌: ໂຕເອງສະຕູ ດິໂອ ທີ່ໄດ້ຈັດຂຶ້ນຄັ້ງທໍາອິດໃນປີ ຜ່ານມາ ຊຶ່ງເປັນການປະກວດຮ້ອງເພງຜ່ານທາງອອນລາຍ, ມີຜູ້ເຂົ້າຮ່ວມແຂ່ງຂັນທັງໝົດ 100 ກວ່າຄົນ ແລະຈີໂນ່ ກໍໄດ້ຮັບລາງວັນຮອງຊະນະເລີດ ອັນດັບ 1 ຈາກການປະກວດດັ່ງກ່າວໃນທີ່ສຸດ ຈີໂນ່ ກໍໄດ້ມີຜົນງານທໍາອິດ ເປັນຂອງຕົນເອງນັ້ນກໍຄືເພງ “ຮັກສອງເຮົາ” ຊຶ່ງໄດ້ປ່ອຍອອກອາກາດທາງຢູທູບຂອງ Toeng Studio ແລະວິທະຍຸທຸກຄື້ນທົ່ວປະເທດໃນວັນທີ 10 ກຸມພາ2020, ເພງດັ່ງກ່າວ ຈີໂນ່ ເປັນຄົນແຕ່ງ ເອງ ແລະຖ່າຍທອດຜ່ານອາລົມ ຕົນເອງໄດ້ດີທີ່ສຸດ, ຜົນງານເພງ “ຮັກສອງເຮົາ” ຄວບຄຸມການຜະລິດໂດຍໜຸ່ມ ໂຊນ່ານ ແຈັກເກັດ ເຈົ້າຂອງຊ່ອງຢູທູບ ແລະເພຈໂຕ ເອງສະຕູດິໂອ (Toeng Studio) ເນື້ອເພງດັ່ງກ່າວໄດ້ສ່ອງແສງໃຫ້ ເຫັນເຖິງຄວາມຮັກລະຫວ່າງບ່າວສາວທີ່ຢູ່ເຂດຊົນນະບົດ ຊຶ່ງໃນ ເມື່ອກ່ອນອາດຈະເຄີຍຢູ່ນໍາກັນຕາມທົ່ງໄຮ່ທົ່ງນາ ແລະຫາເຊົ້າ ກິນຄໍ່າຕາມວິຖີຊີວິດຂອງຄົນບ້ານ ນອກເມື່ອມາຮອດມື້ທີ່ຝ່າຍຍິງໄດ້ ມາຮໍ່າຮຽນສຶກສາຢູ່ເມືອງໃຫຍ່ ຝ່າຍຊາຍກໍຄິດຮອດຫ່ວງຫາ ແລະ ຫວັງຢາກໃຫ້ຝ່າຍຍິງນໍາຄວາມຮູ້ ກັບມາພັດທະນາບ້ານເກີດຕົນເອງ, ເພງນີ້ມີຈັງຫວະມ່ວນອອນຊອນ ແບບສະໄຕລ໌ເພງຮິບຮ໋ອບບ້ານນາຟັງແລ້ວຮູ້ສຶກເພີດເພີນໄປກັບສຽງເພງ.

  ສຸດທ້າຍກໍຝາກຕິດຕາມຜົນ ງານຂອງນ້ອງ ຈີໂນ່ ໄວ້ກັບທຸກຄົນ ແລະໃນໄວໄວນີ້ຈະມີມິວສິກວີ ດິໂອຮູບແບບເຕັມອອກມາໃຫ້ໄດ້ ຮັບຊົມກັນຢ່າງແນ່ນອນສາມາດຕິດຕາມຜົນງານການເຄື່ອນໄຫວ ຂອງສິລະປິນໄດ້ທີ່ເພຈ໌ ແລະຢູທູບ: Toeng Studio.

____________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์