ພະທາດຈອມສີ ອີກສະຖານທີ່ ທ່ອງທ່ຽວຂອງຫຼວງພະບາງ

   ສໍາລັບປະເທດເຮົາກໍເປັນປະເທດທີ່ອຸດົມສົມບູນໄປດ້ວຍແຫຼ່ງທ່ອງທ່ຽວທີ່ຢາຍກັນໄປຢູ່ແຕ່ລະແຂວງຊຶ່ງມີທັງທ່ອງທ່ຽວແບບທໍາມະຊາດ, ດ້ານວັດທະນະທໍາ ແລະທາງປະຫວັດສາດທີ່ໄດ້ຖືກຈັດສັນແລະເປີດໄວ້ເພື່ອບໍລິການໃຫ້ກັບບັນດານັກທ່ອງທ່ຽວທຸກຄົນໂດຍສະເພາະ ແມ່ນວັດພະທາດຈອມສີນີ້ເອງທີ່ເປັນວັດອັນເກົ່າແກ່ ແລະຄູ່ບ້ານຄູ່ ເມືອງກໍໃຫ້ຮັກສາໄວ້ສິ່ງເກົ່າແກ່ເຫຼົ່ານັ້ນໄວ້ບໍ່ໃຫ້ຈາງຫາຍໄປກັບສັງຄົມໂດຍເດັດຂາດ.

ເໝືອນດັ່ງທີ່ເຮົາໄດ້ຮູ້ນໍາກັນ ແລ້ວວ່າແຂວງຫຼວງພະບາງ ເປັນແຂວງທີ່ໜ້າທ່ອງທ່ຽວທີ່ສຸດໃນປະເທດລາວມີຄວາມອຸດົມສົມບູນ ແລະ ຮັ່ງມີໄປດ້ວຍຊັບໃນດິນສິນໃນນໍ້າ ແລະພູຜາປ່າໄມ້ອັນກວ້າງໃຫຍ່ດົກໜາພ້ອມທັງຄວາມຈະເລີນງົດງາມຈາກໄຟແສງສີໃນຍາມລາຕຣີ ແລະສະຖານທີ່ທ່ຽວຊົມຂອງຕົວເມືອງກໍມີອັນຄືກັນ ແລະແຕກຕ່າງກັນໄປ.ເພາະສະນັ້ນໃຫ້ພວກທ່ານລອງມາທ່ຽວຊົມກົ້ມກາບໄຫວ້ວັດພະທາດຈອມສີຫຼວງພະບາງຊຶ່ງພະທາດ ຈອມສີຕັ້ງຢູ່ຕັ້ງຢູ່ໃຈກາງເມືອງຂອງ ຫຼວງພະບາງ, ເປັນວັດອັນເກົ່າແກ່ມິ່ງບ້ານມິ່ງແຂວງເປັນສະຖານທີ່ ເຕົ້າໂຮມເພື່ອຈັດກິດຈະກໍາທາງສາດສະໜາກໍຄືບ່ອນກາບໄຫວ້ ແລະ ສັກກາລະບູຊາຂອງປະຊາຊົນລາວ ແຂວງຫຼວງພະບາງ.

ວັດພະທາດຈອມສີເປັນສະຖານ ທີ່ກາບໄຫວ້ ແລະສັກກາລະບູຊາຂອງອອກຕົນຍາດໂຍມ ແລະປະຊາ ຊົນພາຍໃນແຂວງເທົ່ານັ້ນຍັງເປັນ ສະຖານທີ່ເຕົ້າໂຮມຂອງອອກຕົນ ຍາດໂຍມທີ່ມາຈາກທຸກສາລະທິດເພື່ອມາຈັດກິດຈະກໍາຮ່ວມກັນທາງສາສະໜາເປັນຕົ້ນແມ່ນບຸນປີໃໝ່ລາວ ແລະ ເປັນບ່ອນສຶກສາຮໍ່າຮຽນ ຂອງພະສົງສາມະເນນນໍາອີກດ້ວຍ ຊຶ່ງແຕ່ລະປີຫາກມີງານບຸນຕ່າງໆກໍຈະມີບັນດາອອກຕົນຍາດໂຍມ,ເຈົ້າສັດທາ ແລະຜູ້ມີນໍ້າໃຈໃນການເຮັດບຸນສິນກິນທານກໍໄດ້ລັ່ງໄຫຼເຂົ້າມາ ເປັນຈໍານວນຫຼວງຫຼາຍໃນແຕ່ລະປີ.

    ວັດພະທາດຈອມສີສ້າງຂຶ້ນເມື່ອ ປີ 1804 ເປັນພະທາດຕັ້ງຢູ່ຈອມພູ ຂະໜາດກວ້າງ 10,55 ແມັດ, ສູງ 21 ແມັດ, ຈອມພູສູງຈາກຖົນທາງ 100 ແມັດ, ມີຂັ້ນໄດ 328 ຂັ້ນ.ຢູ່ເທິງພູສາມາດເບິ່ງເຫັນທິວທັດທີ່ສວຍງາມຂອງຫຼວງພະບາງ ໄດ້ ຢ່າງທົ່ວເຖິງ ແລະ ເປັນບ່ອນທີ່ນິຍົມກັນເບິ່ງຕາເວັນຕົກຖ້າຜູ້ໃດໄດ້ໄປແຂວງຫຼວງພະບາງ ກໍຢ່າລືມໄປ ທ່ຽວຊົມແລະກາບໄຫວ້ວັດດັ່ງກ່າວ ແດ່ເດີເພື່ອຮັບເອົາພອນອັນປະເສີດ ເລີດລໍ້ານໍາມາບັນເທົາຄວາມທຸກ ໂສກ ແລະຊ່ວຍໃຫ້ທ່ານມີຄວາມສຸກກາຍສະບາຍໃຈ.

 

แชร์