ນະຄອນຫຼວງພະບາງ ສອບເສັງນັກຮຽນເກັ່ງ

  ຫ້ອງການສຶກສາທິການ ແລະກີລານະຄອນຫຼວງພະບາງໄດ້ຈັດພິທີສອບເສັງຄັດເລືອກນັກ ຮຽນເກັ່ງຊັ້ນປະຖົມສຶກສາ (ປ5), ຊັ້ນມັດທະຍົມສຶກສາຕອນຕົ້ນ (ມ4) ແລະຊັ້ນມັດທະຍົມປາຍ (ມ7) ປະຈຳສົກຮຽນ 2019-2020 ເພື່ອຄັດເລືອກເອົານັກຮຽນເກັ່ງ ຂັ້ນນະຄອນຫຼວງພະບາງ ເຂົ້າຮ່ວມໃນຂັ້ນແຂວງພິທີດັ່ງກ່າວໄດ້ຈັດ ຂຶ້ນເມື່ອວັນທີ 11 ກຸມພາຜ່ານມາ ທີ່ໂຮງຮຽນປະຖົມສົມບູນສີ ຖານນະຄອນຫຼວງພະບາງ ແຂວງ ຫຼວງພະບາງ ໂດຍໃຫ້ກຽດເຂົ້າຮ່ວມຂອງທ່ານ ບົວແຫວນ ບຸນທະວົງ ຫົວໜ້າຫ້ອງການສຶກສາທິການ ແລະກີລານະຄອນຫຼວງພະບາງ ພ້ອມດ້ວຍຄະນະກຳມະການຍາມຫ້ອງສອບເສັງ, ພະນັກງານ, ຄູ-ອາຈານ ແລະນັກຮຽນເກັ່ງ ປ5,ມ4 ແລະ ມ7 ທັງພາກລັດ ແລະ ເອກະຊົນທົ່ວນະຄອນຫຼວງພະບາງ ເຂົ້າຮ່ວມ.

  ທ່ານ ສົມບັດ ຈັນສະໝອນ ຫົວໜ້າໜ່ວຍງານສຶກສາກ່ອນໄວ ຮຽນກ່າວວ່າ: ການສອບເສັງນັກຮຽນເກັ່ງຂັ້ນນະຄອນຫຼວງພະບາງໃນຄັ້ງນີ້ແມ່ນເພື່ອເປັນການຄັດເລືອກເອົານັກຮຽນເກັ່ງຂັ້ນນະຄອນຫຼວງພະບາງ ກຽມເຂົ້າຮ່ວມ ໃນຂັ້ນແຂວງທີ່ຈະຈັດຂື້ນໃນມໍ່ໆນີ້ ແລະທັງເປັນການປະເມີນຄວາມຮູ້ ຄວາມສາມາດຂອງນ້ອງນັກຮຽນ ທີ່ໄດ້ສຶກສາຄົ້ນຄວ້າຮໍ່າຮຽນຈາກ ຄູ-ອາຈານ ອີກດ້ານໜຶ່ງກໍ່ເພື່ອເປັນການແຂ່ງຂັນການສອນດີ-ຮຽນ ເກັ່ງຂອງຄູ-ນັກຮຽນໃນແຕ່ລະຂັ້ນຮຽນ, ຊັ້ນຮຽນຕ່າງໆ ພ້ອມຮັບປະກັນໄດ້ທາງດ້ານປະສິດທິພາບ, ຄຸນນະພາບ, ຍ້ອງຍໍຄູທີ່ສອນດີ,ນັກຮຽນເກັ່ງຕາມແຜນຍຸດທະຍາດ ການສຶກສາໃນໄລຍະໃໝ່ກໍ່ຄືແຜນ ພັດທະນາຊັບພະຍາກອນມະນຸດຂອງພະແນກສຶກສາທິການ ແລະ ກີລາແຂວງ, ນະຄອນຫຼວງພະບາງ ວາງໄວ້ໃຫ້ມີທ່າກ້າວດີຂຶ້ນຢ່າງບໍ່ ຢຸດຢັ້ງ.

  ສະເພາະເປົ້າໝາຍການສອບເສັງຄັດເລືອກນັກຮຽນຊັ້ນປະຖົມສຶກສາ (ປ5), ຊັ້ນມັດທະຍົມສຶກ ສາຕອນຕົ້ນ (ມ4) ແລະຊັ້ນມັດທະຍົມປາຍ (ມ7) ແມ່ນມາຈາກ ໂຮງຮຽນລັດ ແລະເອກະຊົນໃນນະຄອນຫຼວງພະບາງ ແມ່ນເປົ້າໝາຍໜື່ງໃນການຈັດຕັ້ງປະຕິບັດຊອກຫານັກຮຽນເກັ່ງທີ່ມີພອນສະຫວັນໃນແຕ່ລະວິຊາຮຽນຂັ້ນນະຄອນຫຼວງພະບາງ ແລ້ວຈັດຕັ້ງສອນບໍາລຸງເພື່ອເປັນຕົວແທນຂອງນະຄອນຫຼວງພະບາງ ໃນການເຂົ້າຮ່ວມການແຂ່ງຂັ້ນຄັດເລືອກໃນຂັ້ນແຂວງ,ສ່ວນຄະນະກຳມະການຍາມຫ້ອງສອບເສັງເເມ່ນພະນັກ ງານຈາກຫ້ອງການສຶກສາທິການ ແລະກີລານະຄອນຫຼວງພະບາງ ແລະຄູ-ອາຈານ ຈາກໂຮງຮຽນ ພາຍໃນນະຄອນຈຳນວນໜຶ່ງ.

  ສຳລັບການສອບເສັງຊັ້ນ ປ5 ມີນັກສອບເສັງທັງໝົດ 80 ນ້ອງ, ຍິງ 55 ນ້ອງ, ຈັດເປັນ 4 ຫ້ອງ, ສອບເສັງໃນ 3 ວິຊາຫຼັກຄື: ວິຊາ ໂລກອ້ອມຕົວ, ພາສາລາວ-ວັນນະຄະດີ ແລະວິຊາຄະນິດສາ, ຊັ້ນມັດທະຍົມຕອນຕົ້ນ (ມ4) ມີນັກສອບ ເສັງ 93 ນ້ອງ, ຍິງ 52 ນ້ອງ, ຈັດເປັນ 4 ຫ້ອງສອບເສັງໃນ 4 ວິຊາຄື:ວິຊາພາສາລາວ-ວັນນະຄະດີ, ຄະນິດສາດ, ຟີຊິກສາດ ແລະເຄມີສາດ, ຊັ້ນມັດທະຍົມປາຍ (ມ7) ມີນັກສອບເສັງ 34 ນ້ອງ, ຍິງ 31 ນ້ອງ ແລະຈັດເປັນ 2 ຫ້ອງ.

แชร์