ໜ່ວຍສະຫະພັນແມ່ຍິງ ລາວໂທລະຄົມສາລະວັນ ສຳເລັດກອງປະຊຸມໃຫຍ່

  ເມື່ອບໍ່ດົນຜ່ານມານີ້ໜ່ວຍ ສະຫະພັນແມ່ຍິງລາວໂທລະຄົມມະນາຄົມມະຫາຊົນ ສາຂາແຂວງສາລະວັນ ສຳເລັດກອງປະຊຸມໃຫຍ່ ຄັ້ງທີ II ໂດຍການເປັນປະທານ ຂອງ ທ່ານ ນາງ ບົວສະຫວັນ ວົງ ຈອມສີ ປະທານສະຫະພັນແມ່ຍິງ ໜ່ວຍບໍລິສັດລາວໂທລະຄົມມະນາຄົມມະຫາຊົນສາຂາສາລະວັນ, ເປັນກຽດເຂົ້າຮ່ວມຂອງ ທ່ານ ນາງ ດວງມາລາ ສີສະໝຸດ ຮອງປະທານສະຫະພັນແມ່ຍິງແຂວງ, ທ່ານ ຖາວອນ ກິ່ງສັກດາ ຮອງຜູ້ ອຳນວຍການບໍລິສັດລາວໂທລະຄົມມະນາຄົມ ມະຫາຊົນ ສາຂາສາລະວັນ ພ້ອມດ້ວຍແຂກທີ່ຖືກເຊີນຈາກອ້ອມຂ້າງ ແລະສະມາຊິກແມ່ຍິງພາຍໃນໜ່ວຍເຂົ້າຮ່ວມ.

  ທ່ານ ນາງ ສຸນີ ວິລະວົງ ຮອງ ປະທານໜ່ວຍສະຫະພັນແມ່ຍິງບໍ ລິສັດລາວໂທລະຄົມໄດ້ຜ່ານບົດ ລາຍການເມືອງ ຕີລະຄາໃນໄລຍະ 5 ປີ ( 2015-2019) ຜ່ານມາ: ຄະນະໜ່ວຍ, ຄະນະສາຂາແມ່ນ ໄດ້ເອົາໃຈໃສ່ໃນການຊີ້ນໍາໆພາ, ສຶກສາອົບຮົມການເມືອງແນວຄິດເປັນກົກ, ພ້ອມນັ້ນກໍ່ໄດ້ເຜີຍ ແຜ່ນເຊື່ອມຊຶມບັນດາເອກະສານ, ມະຕິ, ຄຳສັ່ງ-ຄຳແນະນຳ ແລະຂໍ້ ກໍານົດລະບຽບຕ່າງໆ ມາສຶກສາອົບຮົມໃຫ້ສະມາຊິກແມ່ຍິງໄດ້ ຮັບຮູ້, ເຂົ້າໃຈຕໍ່ແນວທາງນະໂຍ ບາຍຂອງພັກ-ລັດໃຫ້ກວ້າງຂວາງ ແລະເລິກເຊິ່ງ, ໄດ້ຜັນຂະຫຍາຍແຜນພັດທະນາແມ່ຍິງແຂວງໃນ 7 ແຜນງານ 23 ໂຄງການມາເປັນແຜນພັດທະນາແມ່ຍິງຂັ້ນຂອງຕົນແມ່ນໄດ້ 2 ແຜນງານ 4 ໂຄງ ການ, ນອກນັ້ນກໍ່ໄດ້ຖືເອົາວຽກງານປັບປຸງ ແລະຂະຫຍາຍການ ຈັດຕັ້ງສະຫະພັນແມ່ຍິງ, ກໍ່ສ້າງພະນັກງານ-ສະມາຊິກແມ່ຍິງ, ນະໂຍ ບາຍ-ຍ້ອງຍໍ, ວຽກງານປົກປ້ອງ ສິດຜົນປະໂຫຍດຂອງແມ່ຍິງ-ເດັກນ້ອຍ, ການສົ່ງເສີມຄວາມກ້າວໜ້າຂອງແມ່ຍິງ ແລະການສົ່ງເສີມຄວາມສະເໝີພາບຍິງ-ຊາຍ ແລະ ວຽກພັດທະນາຊີວິດການເປັນຢູ່ ເພື່ອແກ້ໄຂຄວາມທຸກຍາກໃຫ້ ແມ່ຍິງ ແລະເດັກນ້ອຍ, ໄດ້ເອົາໃຈໃສ່ປຸກລະດົມສົ່ງເສີມແມ່ຍິງໃຫ້ມີຄວາມດຸໝັ່ນຂະຫຍັນພຽນໃນການປູກຝັງລ້ຽງສັດ ເພື່ອສ້າງລາຍໄດ້ ໃຫ້ກັບຄອບຄົວໃຫ້ນັບມື້ນັບດີຂຶ້ນ.

  ຈາກນັ້ນຜູ້ເຂົ້າຮ່ວມກອງປະຊຸມຍັງໄດ້ຮັບຟັງການຜ່ານຂໍ້ຕົກລົງຍ້ອງຍໍໜ່ວຍສະຫະພັນແມ່ຍິງ ລາວໂທລະຄົມມະນາຄົມມະຫາຊົນທີ່ມີຜົນງານດີເດັ່ນ ແລະບຸກຄົນທີ່ມີຜົນງານດີເດັ່ນຈຳນວນ 5 ທ່ານທີ່ຜົນງານ 5 ປີຕໍ່ເນື່ອງຕື່ມ ອີກ, ພ້ອມນັ້ນກອງປະຊຸມກໍ່ຜ່ານມາດຖານເງື່ອນໄຂຂອງຜູ້ສະຈະສະໜັກເຂົ້າໃນໂຄງປະກອບຂອງໜ່ວຍສະຫະພັນແມ່ຍິງຊຸດໃໝ່, ຊຶ່ງມີຜູ້ສະໝັກ 5 ທ່ານ, ເລືອກເອົາ 2 ທ່ານ, ດ້ວຍການໃຊ້ສິດປະຊາທິປະໄຕໃນການປ່ອນບັດຄັດເລືອກເອົາຄະນະໜ່ວຍ, ກອງປະຊຸມຄັ້ງປະຖົມມະລຶກໄດ້ເຫັນດີເລືອກເອົາ ທ່ານ ນາງ ບົວສະຫວັນ ວົງຈອມສີ ເປັນປະທານໜ່ວຍສະຫະພັນ ແມ່ຍິງ ແລະທ່ານ ນາງ ສຸນີ ວິລະວົງ ເປັນຮອງປະທານ ທັງເປັນປະທານກວດກາ.

---

ໂດຍ: ທິດລານີ ໂຄດໂຍທາ

แชร์