ສຶກສາໄຊຍະບູລີ ຈັດກອງປະຊຸມຖອດຖອນບົດຮຽນພາກຮຽນທີ 1

 ກອງປະຊຸມຖອດຖອນບົດຮຽນພາກຮຽນທີ 1 ສົກຮຽນ 2019-2020 ຂອງພະແນກສຶກສາທິການ ແລະກີລາແຂວງ ແລະການສອບເສັງເລື່ອນຂັ້ນ, ຈົບຊັ້ນສາຍສາ ມັນສຶກສາໄດ້ຈັດຂຶ້ນໃນຕອນເຊົ້າຂອງວັນທີ 10 ກຸມພາ ຜ່ານມາທີ່ຫ້ອງປະຊຸມພະແນກດັ່ງກ່າວໂດຍເຂົ້າຮ່ວມຂອງ ທ່ານ ກາບແກ້ວ ສີບຸນມາ ຫົວໜ້າພະແນກສຶກສາທິການລະກີລາແຂວງ ໄຊຍະບູລີ, ມີທ່ານ ຮອງຫົວໜ້າພະແນກສຶກສາທິການ ແລະກີລາ, ຫົວໜ້າ-ຮອງຫົວໜ້າຫ້ອງການສຶກສາທິການ ແລະກີລາເມືອງ 11 ເມືອງ, ຜູ້ອຳນວຍການໂຮງຮຽນອ້ອມຂ້າງແຂວງ, ຜູ້ອຳນວຍການໂຮງຮຽນເຕັກນິກວິຊາຊິບແບບປະສົມແຂວງ, ຫົວໜ້າ-ຮອງຫົວໜ້າຂະແໜງການ, ອຳນວຍການສູນ ແລະວິຊາການທີ່ກ່ຽວຂ້ອງເຂົ້າຮ່ວມ.

   ໂອກາດນີ້ທ່ານ ກາບແກ້ວ ສີບຸນມາ ຫົວໜ້າພະແນກສຶກສາທິການ ແລະກີລາແຂວງໄຊຍະບູລີ ໄດ້ມີຄຳເຫັນຕໍ່ກອງປະຊຸມໂດຍໄດ້ຮຽກຮ້ອງໃຫ້ຜູ້ເຂົ້າຮ່ວມກອງປະຊຸມຈົ່ງພ້ອມກັນປະກອບຄຳຄິດຄຳເຫັນຢ່າງມີເນື້ອໃນຍົກຕົວຈິ່ງມາຢັ້ງຢືນ ແລະຊອກຫາວິທີແກ້ໄຂຢ່າງຖືກຕ້ອງເພື່ອພັດທະນາວຽກງານການສຶກສາກໍຄືວຽກງານປັບປຸງຄຸນ ນະພາບການສຶກສາ ແລະກີລາຂອງແຂວງໃຫ້ສູງຂຶ້ນເລື້ອຍໆ ແລະສືບຕໍ່ຢືນຢັນຢູ່ແຖວໜ້າຂອງປະເທດໃນຫຼາຍໆດ້ານໄປຕາມທິດພັດທະນາແບບຍືນຍົງ.

  ຈາກນັ້ນທ່ານ ຕູ້ ສົມບັດ ຮອງຫົວໜ້າຂະແໜງສາມັນສຶກສາພະແນກສຶກສາທິການ ແລະກີລາແຂວງໄຊຍະບູລີ ໄດ້ຜ່ານບົດສະຫຼຸບການຈັດຕັ້ງສອບເສັງຈົບຊັ້ນສາຍສາ ມັນສຶກສາ ແລະກີລາຜ່ານບົດວິໄຈຄະແນນສອບເສັງ (ປ5, ມ4 ແລະມ7) ສົກຮຽນ 2018-2019 ພ້ອມນີ້ຜູ້ແທນກອງປະຊຸມຍັງໄດ້ ສຸມທຸກສະຕິປັນຍາເຂົ້າໃນຮ່າງບົດສະຫຼຸບປະກອບຄຳຄິດຄຳເຫັນໃສຮ່າງບົດສະຫຼຸບພາກຮຽນທີ I ແລະແຜນພາກຮຽນທີ II ສົກຮຽນ 2019-2020, ຮັບຟັງການລາຍງານຜົນການກວດກາການສຶກສາຮອບດ້ານພາກຮຽນ I, ການຈັດຕັ້ງປະຕິບັດແຜນການລົງທຶນ ແລະງົບປະມານສົກປີ  2019 ແລະແຜນງົບປະມານສົກປີ 2020.

______________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์