ເມືອງນອງ ແລະເມືອງວິລະບູລີ ແຂ່ງຂັນກີລາມິດຕະພາບ

  ເພື່ອເປັນການສ້າງຄວາມສຳພັນທະໄມຕີລະຫວ່າງການນຳ ເມືອງກັບເມືອງຄື: ເມືອງນອງ ແລະເມືອງວິລະບູລີ ຈັດກິດຈະກຳງານພົບປະສ້າງສັນກິລາບານເຕະທີ່ເດີນກີລາເທສະບານເມືອງນອງ ໃນວັນທີ 9 ກຸມພາ 2020 ໂດຍເມືອງນອງ ເປັນເຈົ້າພາບໃນການຈັດການແຂ່ງຂັນກກີລາບານເຕະຄັ້ງນີ້ເມືອງວິລະບູລີ ນຳທີມງານມາໂດຍທ່ານ ຄຳຜຸຍ ສີບຸນເຮືອງ ເລຂາພັກເມືອງເຈົ້າເມືອງວິລະບູລີ ແລະໃຫ້ກຽດຕ້ອນຮັບຈາກ ທ່ານ ລຳແກ້ວ ແສງໜູທອງ ຮັກສາການເລຂາພັກເມືອງເຈົ້າເມືອງນອງພ້ອມດ້ວຍທີມງານ.

 ໃນການຈັດກິດຈະກຳຄັ້ງນີ້ຈຸດປະສົງກໍ່ເພື່ອສ້າງຄວາມສຳພັນ,ຄວາມສາມັກຄີ,ໃຫ້ກັບສອງເມືອງໃນການໄປມາຫາສູ່ກັນເວົ້າລວມເວົ້າສະເພາະເພື່ອເປັນການສ້າງຄວາມສຳພັນແລກປ່ຽນບົດຮຽນ ແລະວຽກງານໃຫ້ສະດວກສະບາຍ ຂຶ້ນກວ່າເກົ່າຈາກນັ້ນທີມນັກກີລາ ເມືອງນອງ ແລະເມືອງວິລະບູລີ ກໍ່ໄດ້ເປີດສາກລົ່ງສູ່ເດີ່ນ ແລະໃນນາທີຕໍ່ມາເມືອງວິລະບູລີນຳເຈົ້າພາບໄປ 3 ປະຕູຕໍ່ 1 ແລະເຄິ່ງເວລາທີສອງເຈົ້າພາບນຳມາໄດ້ 3 ປະຕູລວມເປັນ 4 ປະຕູຕໍ່ 3 ເຮັດໃຫ້ເຈົ້າພາບຊະນະໄປຢ່າງສູສີ, ຈາກນັ້ນທາງການນຳເມືອງວິລະບູລີກໍ່ໄດ້ມີການມອບຊຸດນັກກີລາຈຳນວນ 20 ຊຸດໃຫ້ແກ່ທີມນັກກີລາການນຳຂອງເມືອງນອງເພື່ອເປັນຂອງຂວັນເລັກໜ້ອຍໃນການເອົາຊະນະຄັ້ງນີ້.

_________________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์