ລັດຖະມົນຕີກະຊວງສາທາ ຊີ້ນໍາດ່ານສາກົນບໍ່ແຕນ

 ວັນທີ 10 ກຸມພາ 2020 ນີ້ ທ່ານ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນາສຸກພ້ອມດ້ວຍຄະນະໄດ້ລົງຊີ້ນໍາວຽກງານສາທາລະນະສຸກປະຈຳຢູ່ດ່ານ ສາກົນບໍ່ເຕ່ນແຂວງຫຼວງນໍ້າທາ.

  ທ່ານ ຄໍາຈັນ ອິນທອງໄຊ ຫົວໜ້າພະແນກສາທາລະນະສຸກ ແຂວງຫຼວງນໍ້າທາ ໄດ້ລາຍງານ ການຈັດຕັ້ງປະຕິບັດວຽກງານການກວດກາ ແລະ ສະກັດກັ້ນພະຍາດທີ່ເກີດຈາກ ສປ ຈີນ ຄື: ພະຍາດໄວຣັດໂຄໂຣນາໃຫ້ທ່ານລັດຖະມົນຕີກະຊວງສາທາລະນະສຸກຊາບກ່ຽວກັບການນໍາໃຊ້ອຸປະກອນ ການແພດເຊັ່ນ: ເຄື່ອງກວດອຸຫະພູມ, ເຄື່ອງວັດແທກ, ເຄື່ອງສະແກນ, ຈຸດກວດກາເຄື່ອງ ແລະອື່ນໆ.

  ຈາກນັ້ນທ່ານລັດຖະມົນຕີພ້ອມດ້ວຍຄະນະກໍ່ໄດ້ລົງກວດກາອຸປະກອນການແພດໃນການກວດກາເຊື້ອພະຍາດຄົນເຂົ້າ-ອອກເມືອງ ແລະ ຊີ້ນໍາດ້ານວິຊາການແພດໃນການເຝົ້າລະວັງ, ຕ້ານ, ສະກັດກັ້ນຕໍ່ພະຍາດໄວຣັດ ໂຄໂຣນາ, ພ້ອມທັງໄດ້ກວດກາ ບ່ອນທີ່ຈະຕັ້ງຫ້ອງແຍກປ່ຽວເພື່ອ ປິ່ນປົວຄົນເຈັບ ໃນກໍລະນີທີ່ກວດພົບຜູ້ຕິດເຊື້ອດັ່ງກ່າວ,ນອກນັ້ນທ່ານຍັງໄດ້ເນັ້ນໜັກໃຫ້ພະນັກງານແພດ, ທຸກພາກສ່ວນ ,ຈົ່ງເອົາໃຈໃສ່ຮ່ວມກັນເຝົ້າລະວັງ, ຕ້ານ ແລະສະກັດກັ້ນພະຍາດໄວຣັດໂຄໂຣນາທີ່ເກີດຂຶ້ນຢູ່ ສປ ຈີນ ຢ່າງເຂັ້ມງວດເພື່ອບໍ່ໃຫ້ແຜ່ລະບາດລາມເຂົ້າມາ ສປປ ລາວ ເວົ້າລວມ, ເວົ້າສະເພາະກໍ່ຄືແຂວງຫຼວງນໍ້າທາ ແລະບ່ອນອື່ນໆຕື່ມອີກ.

___________

ໜັງສືພິມເສດຖະກິດ-ສັງຄົມ

• 13/02/2020