ສະຫຼຸບວຽກງານໂຄສະນາອົບຮົມທົ່ວປະເທດ

 ໃນລະຫວ່າງວັນທີ 12-13 ກຸມພາ 2020 ທີ່ນະຄອນຫຼວງວຽງຈັນ ມີກອງປະຊຸມສະຫຼຸບວຽກງານໂຄສະນາອົບຮົມທົ່ວປະເທດ ປະຈຳປີ2018-2019 ແລະທິດ ທາງ, ໜ້າທີ່ວຽກຈຸດສຸມປີ 2020 ພາຍໃຕ້ການເປັນປະທານຂອງທ່ານ ຄໍາພັນ ພົມມະທັດ ຫົວໜ້າຄະນະໂຄສະນາອົບຮົມສູນກາງພັກ ແລະພາກສ່ວນກ່ຽວຂ້ອງເຂົ້າ ຮ່ວມ.

 ທ່ານ ຄຳພັນ ພົມມະທັດ ກ່າວວ່າ: ກອງປະຊຸມຄັ້ງນີ້ຈະໄດ້ພ້ອມກັນຄົ້ນຄວ້າຕີລາຄາບັນດາປັດໄຈຕັ້ງໜ້າ ແລະຫຍໍ້ທໍ້ທີ່ສົ່ງຜົນກະທົບຕໍ່ແນວຄິດ ແລະການ ເຄື່ອນໄຫວວຽກງານໂຄສະນາອົບຮົມບັນຫາທີ່ພົ້ນເດັ່ນທາງດ້ານແນວຄິດໃນປີ 2018-2019 ແລະຫາລືປັບປຸງແກ້ໄຂ ແລະວາງທິດທາງໜ້າທີ່ຈຸດສຸມວຽກງານໂຄສະນາອົບຮົມ ໃນປີ 2020 ໃຫ້ມີເນື້ອໃນເລິກເຊິ່ງແທດຕົວຈິງ ແລະ ສາມາດປະຕິບັດໄດ້ເພື່ອປະກອບສ່ວນອັນສໍາຄັນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດ ຊາດໃຫ້ບັນລຸຕາມລະດັບຄາດໝາຍທີ່ພັກເຮົາວາງໄວ້.

  ທ່ານ ຄຳເຈນ ວົງໂພສີ ຮອງຫົວໜ້າຄະນະໂຄສະນາອົບຮົມສູນກາງພັກກ່າວວ່າ: ໃນໄລຍະ 2 ປີຜ່ານມາຄະນະພັກກະຊວງ, ອົງການແລະທ້ອງຖິ່ນຫຼາຍແຂວງໄດ້ເປັນເສນາທີ່ດີໃຫ້ແກ່ກົມການເມືອງສູນກາງພັກ, ສະພາແຫ່ງຊາດ ແລະລັດ ຖະບານໃນການຈັດຕັ້ງຮໍ່າຮຽນ, ເຜີຍແຜ່ບັນດານິຕິກຳຂອງສູນກາງພັກໃນແຕ່ລະໄລຍະອັນພົ້ນເດັ່ນເປັນຕົ້ນແມ່ນຄຳສັ່ງ ຂອງຄະນະເລຂາທິການສູນກາງພັກ ກ່ຽວກັບການກະກຽມຂອງປະຊຸມໃຫຍ່ 3 ຂັ້ນຂອງພັກ ແລະການແກ້ໄຂຄວາມ ຫຍຸ້ງຍາກທາງດ້ານເສດຖະກິດມະຫາ ພາກ, ການຜະລິດ, ການແກ້ໄຂປາກົດການຫຍໍ້ທໍ້ໃນສັງຄົມ ແລະອື່ນໆ. ນອກ ຈາກນີ້, ຍັງໄດ້ສຸມໃສ່ສ້າງເອກະສານໂຄ ສະນາສຶກສາອົບຮົມການເມືອງ-ແນວຄິດ ໃຫ້ແກ່ພະນັກງານ, ສະມາຊິກພັກ, ທະ ຫານ, ຕຳຫຼວດ ເປັນຕົ້ນແມ່ນ ປຶ້ມປົກຂາວ ສະພາບການພົວພັນລາວ-ກຳປູເຈຍ, ການສ້າງປະຊາຄົມຮ່ວມຊາຕາກຳລາວ-ຈີນ, ໄດ້ສ້າງ ແລະປັບປຸງເອກະສານຝຶກ ອົບຮົມຄວາມຮູ້ພື້ນຖານດ້ານການເມືອງ-ການປົກຄອງ ແລະການສ້າງບ້ານພັດທະນາ, ເອກະສານອົບຮົມ

ການເມືອງ-ແນວຄິດກ່ຽວກັບຈັນຍາບັນ ແລະຄຸນສົມ ບັດສິນທຳປະຕິວັດໃຫ້ແກ່ຂະແໜງ ສວຍສາອາກອນ ແລະພາສີ ແລະອື່ນໆ ພ້ອມທັງເອົາໃຈໃສ່ຕິດຕາມ ແລະເກັບ ກຳສະພາບແນວຄິດ-ຫາງສຽງສັງຄົມຢູ່ບັນດາກະຊວງ-ອົງການອ້ອມຂ້າງສູນກາງ ແລະທ້ອງຖິ່ນໃນແຕ່ໄລຍະໄດ້ຄົບຖ້ວນທົ່ວເຖິງເພື່ອເສີມຂະຫຍາຍດ້ານດີ ແລະແກ້ໄຂບັນຫາປາກົດການຫຍໍ້ທໍ້ຕ່າງໆໃຫ້ສອດຄ່ອງ ແລະທັນການ, ຕິດຕາມ, ເກັບກຳສະພາບການທີ່ພົ້ນເດັ່ນພາຍໃນ ແລະ ສາກົນຄະນະໂຄສະນາອົບຮົມແຂວງ ແລະ ເມືອງໄດ້ເອົາ ໃຈໃສ່ປັບປຸງກົງຈັກການຈັດຕັ້ງຂອງຕົນຕາມພາລະບົດບາດ, ໜ້າທີ່ຄວາມ ຮັບຜິດຊອບເພື່ອເຮັດໃຫ້ຄະນະໂຄສະນາອົບຮົມຂັ້ນທ້ອງຖິ່ນມີຄວາມໜັກແໜ້ນເຂັ້ມແຂງໃນການເປັນເສນາທິການໃຫ້ແກ່ຄະນະພັກຂັ້ນຂອງຕົນພ້ອມກັນນັ້ນຍັງໄດ້ເອົາໃຈໃສ່ຈັດວາງສັບຊ້ອນພະນັກງານເຂົ້າໃສ່ໜ້າວຽກຢູ່ໃນໜ່ວຍງານຕ່າງໆຢ່າງແທດເໝາະກັບ ຄວາມຮຽກຮ້ອງຕ້ອງການຂອງໜ້າທີ່ວຽກງານໂຄສະນາອົບຮົມຂັ້ນທ້ອງຖິ່ນ.

_______________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์