ສັບພະຄຸນທາງຢາຂອງໃບໜາດສະໝຸນໄພພື້ນບ້ານ ທີ່ບໍ່ຄວນເບິ່ງຂ້າມ

 ຕົ້ນໜາດຈັດເປັນໄມ້ຟຸ່ມ, ໄມ້ລົ້ມລຸກທີ່ມີອາຍຸໄດ້ຫຼາຍປີລຳຕົ້ນມີຄວາມສູງປະມານ 0.5-4 ແມັດ ໃບໃຊ້ເປັນຢາບຳລຸງຫຼັງເກີດລູກ, ໃຊ້ເປັນສ່ວນປະສົມໃນຢາຕົ້ມໃຫ້ສະຕີຫຼັງຄອດອາບເພື່ອ ຊ່ວຍໃຫ້ຟື້ນໂຕໄວ, ໃບ ແລະຮາກມີຣົດເຜັດຂົມເລັກນ້ອຍເປັນຢາຮ້ອນເລັກນ້ອຍອອກລິດຕໍ່ຕັບ, ມ້າມ, ກະເພາະ ແລະລຳໄສ້ໃຊ້ເປັນຢາຟອກເລືອດ ເຮັດໃຫ້ຮ່າງກາຍອົບອຸ່ນ, ຊ່ວຍຂັບລົມໃນຮ່າງກາຍ.

 ນອກນັ້ນຮາກໃຊ້ຕົ້ມເອົານໍ້າກິນເປັນຢາແກ້ບວມ, ແກ້ອາການປວດຂໍ້ລວມເຖິງແຜຟົກຊໍ້າ, ສ່ວນໃບນຳມາບົດເປັນຜົງລະອຽດນຳມາປະສົມກັບເຫຼົ້າໃຊ້ໂພະ ຫຼື ທາເປັນຢາແກ້ປວດຂໍ້, ແກ້ບວມ, ແກ້ປວດຫຼັງ, ປວດແອວ.

----

ຮຽບຮຽງໂດຍ: ຟ້າ

แชร์