ນັກສຶກສາລາວ 12 ຄົນເຂົ້າຮ່ວມກອງປະຊຸມ ນັກສຶກສາ ຍີ່ປຸ່ນ-ອາຊຽນ

 ໃນວັນທີ 8 ກຸມພາ 2020, ນັກສຶກສາລາວ 12 ຄົນ ໄດ້ເດີນ ທາງຈາກສະໜາມບິນສາກົນວັດໄຕ ໄປຍັງປະເທດຍີ່ປຸ່ນ ເພື່ອເຂົ້າຮ່ວມກອງປະຊຸມນັກສຶກສາ ຍີ່ປຸ່ນ-ອາ ຊຽນ ຫຼື ໂຄງການທີ່ດຳເນີນພາຍ ໃຕ້ໂຄງການ JENESYS 2019, ທີ່ໄດ້ຮັບການສະໜັບສະໜູນຈາກ ລັດຖະບານຍີ່ປຸ່ນ, ພວກເຂົາຈະໄດ້ ໄປພັກຢູ່ທີ່ຍີ່ປຸ່ນໃນລະຫວ່າງວັນທີ 9 ຈົນເຖິງ 18 ກຸມພາ 2020.

  ກອງປະຊຸມນັກສຶກສາຍີ່ປຸ່ນ-ອາຊຽນແມ່ນປະກອບດ້ວຍບັນດານັກສຶກສາຈາກປະເທດສະມາຊິກອາ ຊຽນ, ຕີມໍເລສເຕ ແລະຍີ່ປຸ່ນ, ກອງປະຊຸມດັ່ງກ່າວແມ່ນແນໃສ່ການສົ່ງເສີມຄວາມໄວ້ເນື້ອເຊື່ອໃຈຂອງທັງສອງຝ່າຍ ແລະຄວາມເຂົ້າໃຈລະຫວ່າງປະຊາຊົນດ້ວຍກັນລວມທັງເພື່ອເປັນການສ້າງພື້ນຖານໃຫ້ກັບ ມິດຕະພາບ ແລະການຮ່ວມມືໃນອະນາຄົດລະຫວ່າງປະເທດ.

   ນັກສຶກສາທັງ 12 ຄົນ ໄດ້ຖືກ ຂັດເລືອກຈາກບັນດາຜູ້ສະໝັກທີ່ ເກັ່ງໂດຍຄັດເລືອກທີ່ປະກອບໄປ ດ້ວຍບັນດາຕົວແທນຈາກກະຊ່ວງສຶກສາທິການ ແລະກີລາ ແລະສະຖານທູດຍີ່ປຸ່ນປະຈຳ ສປປ ລາວ, ນັກສຶກສາເຫຼົ່ານີ້ຈະໄດ້ລວມຕົວກັນ ກັບບັນດານັກສຶກສາຈາກປະເທດ ອື່ນ ແລະຈະໄດ້ຖືກແບ່ງອອກເປັນ 5 ກຸ່ມເພື່ອສົນທະນາໃນກອງປະຊຸມຕາມແຕ່ລະຫົວຂໍ້ດັາງຕໍ່ໄປນີ້: ຫຼາຍ ກວ່າການທ່ອງທ່ຽວ ແລະການພັດ ທະນາການທ່ອງທ່ຽວແບບຍືນຍົງ, ແຮງງານຕ່າງປະເທດ, ການສຶກສາທີ່ມີຄຸນນະພາບ, ຄວາມຮັບຮູ້ ຂອງການຫຼຸດຜ່ອນໄພພິບັດ, ບັນ ດາຜູ້ເຂົ້າຮ່ວມທຸກຄົນຖືກຄາດຫວັງ ທີ່ຈະພິຈາລະນາວ່າແນວໃດພວກ ເຂົາຈະສາມາດເຂົ້າຮ່ວມໃນກິດຈະກຳທາງສັງຄົມທີ່ກ່ຽວຂ້ອງໃຫ້ໄດ້ ຫຼາຍຂຶ້ນໃນປະເທດຂອງພວກເຮົາ.

  ໂຄງການ JENESYS ແມ່ນ ໂຄງການແລກປ່ຽນຈາກຄົນສູ່ຄົນ ລະຫວ່າງຍີ່ປຸ່ນ ແລະຂົງເຂດອາຊີປາຊິຟິກ ຊຶ່ງໄດ້ເລີ່ມຕົ້ນໃນປີ 2007, ລັດຖະບານຍີ່ປຸ່ນຈະເຊື້ອເຊີນໄວໜຸ່ມລາວປະມານ 120 ຄົນ ໄປຢ້ຽມຢາມປະເທດຍີ່ປຸ່ນໃນສົກຮຽນ ປີນີ້ (ເມສາ 2019-ມີນາ 2020).

แชร์