ນໍ້າຕົກຕາດນໍ້າແຈ ສະຖານທີ່ທ່ອງທ່ຽວທຳມະຊາດ

  ປີ 2020 ນີ້ຖ້າໃຜຍັງບໍ່ຮູ້ວ່າຈະໄປທ່ຽວສະຖານທີ່ໃດຈຶ່ງຈະໄດ້ສຳພັດກັບທຳມະຊາດ, ອາກາດເຢັນສະບາຍ, ພ້ອມມີສະຖານທີ່ພັກກິນເຂົ້າກັບັນຍາກາດທີ່ສວຍງາມມື້ນີ້ຜູ້ຂຽນຂໍແນະນຳສະຖານທີ່ທ່ອງທ່ຽວນໍ້າຕົກຕາດນໍ້າແຈ ບ້ານທ່າມື່ນ ຕັ້ງຢູ່ທາງທິດຕາເວັນອອກຂອງບ້ານທ່າມື່ນ ເມືອງແບງ ແຂວງອຸດົມໄຊ ປະຈຸບັນພວມໄດ້ຮັບຄວາມສົນໃຈຈາກນັກທ່ອງທ່ຽວທັງພາຍໃນ ແລະຕ່າງປະເທດ.

  ນໍ້າຕົກຕາດນໍ້າແຈສະຖານທີ່ທ່ອງທ່ຽວແຫ່ງນີ້ເປັນສະຖານທີ່ທີ່ມີຄວາມສົມບູນຂອງທຳມະຊາດ,ປະກອບດ້ວຍປ່າໄມ້ທີ່ຕຶບໜາ ແລະພືດພັນຫຼາຍຊະນິດ, ທັງຍັງເປັນ ແຫຼ່ງທ່ອງທ່ຽວຕາກອາກາດ, ຍ່າງ ປ່າຊົມທິວທັດທຳມະຊາດນໍ້າຕົກ ຕາດທີ່ວ່ານີ້ປະກອບດ້ວຍສອງພັກ, ພັກທີໜຶ່ງ ສູງປະມານ 7 ແມັດ, ພັກທີສອງ ສູງປະມານ 8 ແມັດ ຊຶ່ງນັກທ່ອງທ່ຽວສາມາດລົງຫຼິ້ນນໍ້າທີ່ເຢັນສະບາຍໄດ້ຢູ່ບໍລິເວນກ້ອງນໍ້າຕົກ, ສ່ວນຢູ່ດ້ານລຸ່ມຂອງຕາດກໍມີໂງ່ນຫີນໄວ້ໃຫ້ທ່ານໄດ້ນັ່ງພັກຜ່ອນຢ່ອນໃຈນອກຈາກຄວາມສວຍງາມເຫຼົ່ານັ້ນແລ້ວອາກາດກໍຍັງເປັນມິດກັບຜູ້ຄົນທີ່ໄປທ່ອງທ່ຽວ, ຍ້ອນວ່າອາກາດສົດຊື່ນເຢັນສະບາຍມີລົມພັດຜ່ານເປັນໄລຍະ.

  ຕາມການບອກເລົ່າຂອງຜູ້ເຖົ້າຜູ້ແກ່ວ່າຕາດນໍ້າແຈເປັນຕາດທ່ອນກາງຂອງເງືອກໃນປາງກ່ອນ, ສ່ວນທ່ອນຫົວຕົກຢູ່ຫົວນໍ້າຫາວໃກ້ຊາຍແດນເມືອງງາ ແລະທ່ອນຫາງຕົກຢູ່ຫົວນໍ້າແມດ (ບ້ານນາແມດ), ຍ້ອນການຂ້າຟັນລັນແທງລະຫວ່າງມະນຸດກັບເງືອກສາເຫດແມ່ນຍາດຜູ້ສາວມາເປັນເມຍ ແລະສາເຫດທີສອງທີ່ເອີ້ນກັນຕາດນໍ້າແຈຍ້ອນເປັນທ່ອນໂຮມຊຸມນຸມກິນແຈ (ໝ້ຽງ) ຂອງຄົນສະໄໝກ່ອນ.

---------

ໂດຍ: ວົງມະນີ

แชร์