5 ປີຕໍ່ໜ້າເມືອງເລົ່າງາມ ຈະສູ້ຊົນລວມຍອດຜະລິດຕະພັນພາຍໃນບັນລຸ 7.874 ຕື້ກີບ

  ທ່ານ ນາງ ຄຳຜູຍ ໄຊຍະແສງ ຮອງເລຂາພັກເມືອງ ປະທານແນວລາວສ້າງຊາດເມືອງເລົ່າງາມໄດ້ລາຍງານຕໍ່ກອງປະຊຸມໃຫ່ຍຜູ້ແທນອົງຄະນະພັກເມືອງເລົ່າງາມຄັ້ງທີ 12 ຊຶ່ງໄຂຂຶ້ນບໍ່ດົນມານີ້ທີ່ສະໂມສອນຂອງເມືອງໃຫ້ຮູ້ວ່າ: ໃນໄລຍະ 5 ປີຜ່ານມາເສດຖະກິດຂອງເມືອງເລົ່າງາມຍັງສືບຕໍ່ຂະຫຍາຍຕົວຢ່າງຕໍ່ເນື່ອງຢູ່ໃນລະດັບ 8,3 5%, ລວມຍອດຜະລິດຕະພັນພາຍໃນບັນລຸໄດ້ 5.011 ຕື້ກີບ, ໃນນັ້ນຂະແໜງກະສີກຳ-ປ່າໄມ້ເພີ່ມຂຶ້ນ 7,08%, ກວມເອົາ 44,50%, ຂະແໜງອຸດສາຫະກຳເພີ່ມຂຶ້ນ 11,85%, ກວມເອົາ 21,50%, ຂະແໜງການບໍລິການ ເພີ່ມຂຶ້ນ 10,55%, ກວມເອົາ 34%, ສະເລ່ຍລາຍຮັບຕໍ່ຄົນຕໍ່ປີ ບັນລຸໄດ້ 14 ລ້ານກວ່າກີບ ເທົ່າກັບ 1.853 ໂດລາສະຫະລັດ,ສາມາດຍາດແຍ່ງການລົງທຶນໄດ້ທັງໝົດຫຼາຍກວ່າ 108 ໂຄງການລວມມູນຄ່າ 2.027 ຕື້ກີບ,ທຶນຂອງລັດມີ 65 ໂຄງການ ມູນຄ່າ 769,84 ຕື້ກີບ, ປະຕິບັດໄດ້ 46,76%, ທຶນຊ່ວຍເຫຼືອລ້າເພື່ອພັດທະນາ 27 ໂຄງການ, ມີມູນຄ່າ 44,21 ຕື້ກີບ ປະຕິບັດໄດ້ 98%, ທຶນເອກະຊົນພາຍໃນ ແລະຕ່າງປະເທດ ມີ 16 ໂຄງການ, ມີມູນຄ່າ 1.193 ຕື້ກີບ, ປະຕິບັດໄດ້ 92%, ທຶນສົມ ທົບຂອງປະຊາຊົນມູນຄ່າ 2,4 ຕື້ກີບ, ດ້ານການຈັດເກັບລາຍຮັບເຂົ້າງົບປະມານ 5 ປີ ບັນລຸໄດ້ 24,38 ຕື້ກີບ, ລື່ນແຜນ 28%, ດ້ານລາຍຈ່າຍປະຕິບັດໄດ້79,12 ຕື້ກີບ ແລະ ສາມາດລະດົມເງິນຝາກໄດ້ 37 ຕື້ກວ່າກີບ ແລະ ປ່ອຍສິນ ເຊື້ອເງິນກູ້ໄດ້ທັງໝົດ 54 ຕື້ກວ່າກີບ ເທົ່າກັບ 97% ຂອງແຜນການ, ໃນນັ້ນປ່ອຍໃສ່ຂົງເຂດກະສີກຳກວມ 41%, ການຄ້າ 32%, ການບໍລິການ 20% ແລະຂະແໜງການອື່ນໆ 7% ແລະ ໄດ້ສົມທົບກັບໂຄງການການເງິນຈຸລະພາກສ້າງຕັ້ງທະນາຄານປະຈຳບ້ານໄດ້ 40 ບ້ານ, ມີສະມາຊິກ 5.356 ຄົນ, ມີເງິນຝາກທັງ ໝົດ 8,75 ຕື້ກີບ, ດ້ານການສົ່ງອອກສິນຄ້າປະຕິບັດໄດ້ 3.464 ຕື້ກີບ, ສິນຄ້ານຳເຂົ້າປະຕິບັດໄດ້399,78 ຕື້ກີບ.

  ທິດທາງ 5 ປີ ຕໍ່ໜ້າ ເມືອງເລົ່າງາມຈະສູ້ຊົນເຮັດໃຫ້ເສດຖະກິດຂອງເມືອງມີການຂະຫຍາຍຕົວຢູ່ໃນລະດັບ 9-10%, ລວມຍອດມູນຄ່າຜະລິດຕະພັນພາຍໃນບັນລຸ 7.874 ຕື້ກີບ, ສະເລ່ຍລາຍຮັບຕໍ່ຄົນຕໍ່ປີໃຫ້ໄດ້ 21 ລ້ານກວ່າກີບ ຫຼື ເທົ່າກັບ 2.700 ໂດລາສະຫະລັດ, ດ້ານການລົງທຶນບໍ່ໃຫ້ຫຼຸດ 870 ຕື້ກີບ ໃນນັ້ນຈາກງົບປະ ມານຂອງລັດ 87ຕື້ກວ່າກີບ,ກວມເອົາ 10%ຂອງການລົງທຶນທັງໝົດ,ໃນນັ້ນທຶນຊ່ວຍເຫຼືອທາງການເພື່ອການພັດທະນາມູນຄ່າ 134 ຕື້ກວ່າກີບ,ກວມເອົາ 15%, ສູ້ຊົນຈັດເກັບລາຍຮັບມອບເຂົ້າງົບປະມານຮອດປີ 2024 ໃຫ້ໄດ້ 10 ຕື້ກວ່າກີບ ຂຶ້ນໄປ ດ້ວຍອັດຕາສ່ວນເພີ່ມຂຶ້ນຢູ່ໃນລະດັບ 30% ຕໍ່ປີ, ດ້ານລາຍຈ່າຍເມືອງຮອດປີ 2024 ໃຫ້ຢູ່ໃນລະດັບ 40 ຕື້ກວ່າກີບ ແລະ ລະດົມເງິນຝາກໃຫ້ໄດ 500 ຕື້ກີບ, ໂດຍສະເພາະເລ່ງໃສ່ຂະແໜງກະສີກຳໃຫ້ໄດ້ 80% ແລະຂະແໜງການອື່ນໆ 20%.

-----

ຂຽນໂດຍ: ສິດຕາ ເພັດວົງສາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์