ຫຼວງນໍ້າທາ ເປີດງານວາງສະແດງສິນຄ້າມິນິໄທແລນວີກ

  ວັນທີ 5 ກຸມພາ 2020 ແຂວງຫຼວງນໍ້າທາເປີດງານວາງສະແດງສິນຄ້າມິນິໄທແລນວີກໂດຍເຂົ້າຮ່ວມມີທ່ານ ຄໍາໄຫຼ ສີປະເສີດ ຮອງເຈົ້າແຂວງໆ ຫຼວງນໍ້າທາ, ທ່ານ ນາງ ປະວິຕາມ່ວງ ສະກຸນ ທີ່ປຶກສາຝ່າຍການຄ້າສຳນັກງານສົ່ງເສີມການຄ້າຕ່າງປະເທດປະຈໍາຢູ່ ນະຄອນຫຼວງວຽງຈັນ, ມີຜູ້ຕາງໜ້າຈາກສະພາການຄ້າແຫ່ງຊາດ, ນາຍົກສະມາຄົມນັກທຸລະກິດໄທປະຈຳຢູ່ ສປປ ລາວ ແລະຜູ້ຕາງໜ້າຈາກພະແນກການຂອງແຂວງ, ເມືອງພ້ອມດ້ວຍມວນຊົນຊາວຫຼວງນໍ້າທາເຂົ້າຮ່ວມ.

  ທ່ານນາງ ປະວິຕາ ມ່ວງສະກຸນ ໄດ້ລາຍງານກ່ຽວກັບງານວາງສະແດງສິນຄ້າມິນິໄທແລນວີກເປັນງານປະຈຳປີຂອງການວາງສະແດງສິນຄ້າທີ່ມີຄຸນນະພາບຈາກປະ ເທດໄທ ແລະທີ່ເຄີຍຈັດມາບັນດາແຂວງຕ່າງໆໃນປະເທດລາວໄດ້ຈັດຂຶ້ນທີ່ແຂວງຫຼວງນໍ້າທາໂດຍມີ 38 ບໍລິສັດຊັ້ນນຳທີ່ໄດ້ນຳເອົາສິນຄ້າມີຄຸນນະພາບມາວາງສະແດງ

ແລະຈຳໜ່າຍເປັນຕົ້ນແມ່ນ: ອາຫານ, ເຄື່ອງດື່ມ, ເຄື່ອງແຟຊັນ, ສຸຂະພາບ, ຄວາມງາມ, ການສຶກສາ ລວມໄປເຖິງ ອຸປະກອນເຄື່ອງໃຊ້ໃນຄົວເຮືອນຕ່າງໆ ລວມທັງ ໝົດມີ 51 ຮ້ານສາມາດເຂົ້າມາຜ່ອນຄາຍ ແລະອີ່ມສະບາຍກັບອາຫານ ແລະສິນຄ້າດ້ວຍລາຄາປະຢັດພ້ອມກັບກິດຈະກຳອື່ນໆ ຊຶ່ງເລີ່ມວາງສະແດງ ແລະຈຳໜ່າຍແຕ່ວັນທີ 5-9 ກຸມພາ 2020.

--------

  ຈາກນັ້ນການນຳທັງສອງຝ່າຍລາວ-ໄທກໍ່ໄດ້ມອບຂອງຂວັນທີ່ລະນຶກພ້ອມທັງກ່າວເປີດງານວາງສະແດງສິນຄ້າມິນິໄທແລນວີກຢ່າງເປັນທາງການ.

____________

ຂຽນໂດຍ: ມູນຕີ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์