ມັນນີແບນ ສູນຈໍາໜ່າຍກະເປົ໋າຍິງ-ຊາຍຫຼາຍຍີ້ຫໍ້

  ຮ້ານ Money Brand ເປັນສູນລວມຈຳໜ່າຍກະເປົາໜັງແຟຊັນຍິງ-ຊາຍທຸກປະເພດຊຶ່ງເປັນຍີ່ຫໍ້ຂອງຄົນລາວທີ່ໄດ້ຄົ້ນຄິດຜະລິດຕະພັນອອກມາມີຄຸນນະພາບ ນອກນັ້ນຍັງໄດ້ຈຳໜ່າຍກະເປົາມືສອງທີ່ແບນນຽມຊັ້ນນຳຍີ່ຫໍ້ຊື່ດັງນຳເຂົ້າຈາກຍີ່ປຸ່ນ, ອີຕາລີ, ອາເມລິກາເປັນຕົ້ນ ຍີ່ຫໍ້ຫຼຸຍ, ເອັມເຄ, ໂຄດ ແລະເຄື່ອງຍີ່ຫໍ້ອື່ນໆດ້ວຍການບໍລິການຂາຍວ່ອງໄວທັນສະໄໝໃຫ້ແກ່ລູກຄ້າ.

ທ່ານນາງ ຈຳປາ ບຣາວ ເຈົ້າຂອງຮ້ານ Money Brand ໃຫ້ສໍາພາດວ່າ: ຮ້ານ Money Brand ຂອງເຮົາສ້າງຕັ້ງຂຶ້ນປີ2019 ທຸລະກິດນີ້ເກີດຈາກຕົນເອງເປັນຄົນມັກໃຊ້ກະເປົາທີ່ເປັນຍີ່ຫໍ້ດັງລາຄາແພງຢູ່ແລ້ວຈາກນັ້ນໄດ້ຫັນໄປເບິ່ງມູມມອງຕະຫຼາດລາວເພື່ອໃຫ້ສັງຄົມທີ່ມີຖານະປານກາງໄດ້ໃຊ້ກະເປົາດັ່ງກ່າວນີ້ຈຶ່ງໄດ້ໄປສຶກສາແລ້ວນຳເອົາກະເປົາມືສອງນຳເຂົ້າມາວາງຂາຍເຊັ່ນ: ຍີ່ຫໍ້ຫຼຸຍ, ເອັມເຄ, ໂຄດ ແລະຍີ່ຫໍ້ອື່ນໆທີ່ກະເປົາແບນນຽມໂດງດັງທຸກປະເພດຈົນໄດ້ຮັບການຕອບສະໜອງການນິຍົມຈາກລູກຄ້າເພີ່ມຂຶ້ນເລື້ອຍໆ ຈາກນັ້ນໄດ້ຄົ້ນຄິດນະວັດຕະກຳຜະລິດພັນກະເປົາທີ່ເປັນຍີ່ຫໍ້ຂອງເຮົາຂຶ້ນມາເອງເຊັ່ນ: ກະເປົາມະນີແບນໃນນີ້ແມ່ນເຮົາໄດ້ອອກ ແບບຄັດເລືອກເອົາໜັງທີ່ມີຄຸນນະພາບມາຜ່ານຂະບວນການຜະລິດທີ່ມີຫຼາຍປະເພດເຊັ່ນ: ກະເປົາເງິນ, ກະເປົາໃສ່ ເຄື່ອງ, ສາຍແອວ ແລະເຄື່ອງນຸ່ງແຟຊັນອື່ນໆມີທັງຍິງ-ຊາຍ ໂດຍລາຄາເລີ່ມຕົ້ນ 2,7 ແສນກີບ ຫາ 1 ລ້ານກີບ.

 

 ສ່ວນກະເປົາຍີ່ຫໍ້ດັງທີ່ນຳເຂົ້າຈາກຕ່າງປະເທດນັ້ນຮ້ານເຮົາໄດ້ເລືອກເອົາສິນຄ້າປະເພດມືສອງຊຶ່ງລູກຄ້າລາຄາສາມາດຊື້ໄດ້ທຸກກຸ່ມໃນນີ້ລາຄາເລີ່ມຕົ້ນ 3 ແສນກີບ ຫາ 10 ກວ່າລ້ານກີບ ພ້ອມໄດ້ຮັບການປະກັນໃຫ້ 6 ເດືອນ ນອກຈາກນັ້ນເມື່ອຊື້ກະເປົາອອກຈາກຮ້ານເຮົາໄດ້ຫຼາຍເດືອນແລ້ວເກີດມີຮອຍເປື້ອນ ຫຼືມີຄວາມເກົ່າຮ້ານເຮົາໃຫ້ບໍລິການແລກປ່ຽນຕື່ມເງິນເອົາໜ່ວຍໃໝ່ ຫຼືມາສະປາທຳຄວາມສະອາດໄດ້ນຳອີກ.

----------   

  ທ່ານນາງ ຈຳປາ ບຣາວ ໃຫ້ຮູ້ຕື່ມອີກວ່າ: ຮ້ານ Money Brand ຂອງເຮົາເປັນສູນຈຳໜ່າຍແບນກະເປົາຊັ້ນນຳທຸກປະເພດແລະທຸກຍີ່ຫໍ້ໃນປະເທດລາວໃນໄວໆນີ້ເຮົາຈະຂະຫຍາຍມະນີສິນຄ້າອອກຕື່ມອີກຊຶ່ງເປັນຜະລິດຕະພັນເສື້ອ, ເຄື່ອງສຳອາງແລະນໍ້າຫອມພ້ອມເນັ້ນການຈຳໜ່າຍສິນຄ້າທີ່ດີໃຫ້ແກ່ລູກຄ້າໂດຍສະເພາະບໍລິການຂາຍວ່ອງໄວພ້ອມສົ່ງໃຫ້ທັນໃຈລູກຄ້າເພື່ອຮັກສາສຳພັນທະມິດທີ່ດີຕໍ່ຜູ້ບໍລິໂພກ,ມີຄວາມຮັບຜິດຊອບຕໍ່ສັງຄົມ ແລະເປັນສ່ວນໜຶ່ງໃນການສະໜັບສະໜູນສ້າງທີ່ເປັນຜະ ລິດຕະພັນຂອງຄົນລາວສຳລັບຮ້ານ Money Brand ຕັ້ງຢູ່ບ້ານສີດຳດວນ ເມືອງຈັນທະບູລີ ນະຄອນຫຼວງວຽງຈັນເຟສ໌ບຸກ: Money Brand ໝາຍເລກໂທລະ ສັບ: 020 58868898.

_____________

ຂຽນໂດຍ:  ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์