ແຫຼ່ງທ່ອງທ່ຽວຖໍ້າກະເດືອງ ເມືອງໃໝ່

  ຖໍ້າກະເດືອງ ຖືເປັນສະຖານທີ່ທ່ອງທ່ຽວທາງທໍາມະຊາດອີກແຫ່ງໜຶ່ງຂອງແຂວງຜົ້ງສາລີ ທີ່ໄດ້ຮັບຄວາມສົນໃຈ ໂດຍການໄປທ່ຽວຊົມຂອງບັນດານັກທ່ອງ ທ່ຽວທັງພາຍໃນ ແລະຕ່າງປະເທດ ເປັນຈໍານວນຫຼວງຫຼາຍໃນແຕ່ລະວັນໂດຍສະເພາະວັນພັກການ ແລະວັນເທສະການຕ່າງໆ ເນື່ອງຈາກວ່າເປັນຖໍ້າທີ່ມີຄວາມສວຍງາມຕະການຕາຍາມເມື່ອພົບເຫັນ, ອຸດົມສົມບູນໄປດ້ວຍຜືນປ່ານາໆຊະນິດ ຂຽວກະຈີອັນມີອາກາດສົດຊື່ນບໍ ລິສຸດ ຊຶ່ງເໝາະສົມທີ່ສຸດໃນການ ຍ່າງທ່ຽວຊົມທໍາມະຊາດອາກາດ ບໍລິສຸດຍິ່ງຍາມອາກາດແບບນີ້ຖ້າ ໄດ້ສໍາຜັດຄືຈະເຢັນສະບາຍຄາຍຄຽດໄດ້ເປັນຢ່າງດີຄວາມອຸດົມສົມບູນດ້ານທໍາມະຊາດ, ອາກາດທີ່ ແສນບໍລິສຸດຂອງຖໍ້າດັ່ງກ່າວໄດ້ສ້າງແຮງຈູງໃຈແກ່ບັນດານັກ ທ່ອງທ່ຽວທັງພາຍໃນ ແລະຕ່າງປະເທດໃຫ້ເດີນທາງມາທ່ຽວຊົມຢ່າງຫຼວງຫຼາຍໃນແຕ່ລະປີ.

 ສໍາລັບຖໍ້າດັ່ງກ່າວຕັ້ງຢູ່ເມືອງໃໝ່ ແຂວງຜົ້ງສາລີ ບໍ່ໄກພໍເທົ່າໃດຈາກເທສະບານເມືອງການເຂົ້າຫາແຫຼ່ງທ່ອງທ່ຽວແມ່ນສະດວກສະບາຍຊຶ່ງຕັ້ງຢູ່ທ່າມກາງປ່າດົງ ເຍືອກເຢັນມີຕົ້ນໄມ້ ແລະຊີວະນາໆ ພັນທີ່ອຸດົມສົມບູນຊຶ່ງນັກທ່ອງທ່ຽວສາມາດໄປເບິ່ງຄວາມງົດງາມໄດ້ເລີຍ,ປະຈຸບັນຖໍ້າແຫ່ງນີ້ແມ່ນໄດ້ຮັບຄວາມນິຍົມຈາກນັກ ທ່ອງທ່ຽວພາຍໃນ ແລະຕ່າງປະເທດເຂົ້າມາທ່ຽວຊົມໃນແຕ່ລະວັນ ເປັນຈຳນວນຫຼາຍ.

  ຖ້າທ່ານໃດສົນໃຈຢາກມາແວະຊົມ ຫຼື ເຂົ້າໄປສໍາພັດສາມາດເດີນທາງໄປທ່ຽວຊົມໄດ້, ເມື່ອທ່ານໄດ້ໄປສໍາພັດກັບທິວທັດທໍາມະຊາດແລະອາກາດທີ່ສົດໃສຈະເຮັດໃຫ້ ຊີວິດຂອງທ່ານມີຄວາມສົດຊື່ນ ດີຂຶ້ນ.

------

ໂດຍ: ວົງມະນີ

แชร์