ຈາກໃຈມັກ ກາຍເປັນຜູ້ຜະລິດຝຸ່ນຊີວະພາບ ແລະ ເຂົ້າປອດສານພິດ

  ນາງ ດາລີວັນ ສິດພະໄຊ ປະທານບໍລິສັດພູນເງິນການຄ້າ ຂາເຂົ້າ-ຂາອອກຈຳກັດ ຜູ້ດຽວ ເປັນຄົນໜຶ່ງທີ່ເພິ່ນມີຫົວໃຈມັກຮັກ ແລະດຳລົງຊີວິດແບບດ້ານ ກະສິກຳມາແຕ່ໃດມາ ແລະດ້ານໜຶ່ງເພິ່ນກໍ່ເຫັນຄວາມສຳຄັນໃນໃຊ້ຊີວິດສັງຄົມໃຫ້ປາສະຈາກສານເຄມີເພິ່ນຈິ່ງຕັດສິນໃຈສ້າງໂຮງງານຜະລິດຝຸ່ນຊີວະພາບ ແລະເຂົ້າປອດສານຜິດຂຶ້ນທີ່ເພິ່ນໃສ່ໃຈເນັ້ນບໍລິການໃຫ້ໄດ້ຮັບຄຸນນະພາບມາດຖານຜ່ານມາຕະຫຼາດເປັນທີ່ຍອມຮັບຂອງສັງຄົມດີຂະນະອະນາຄົດຈະປັບປຸງ ແລະຂະຫຍາຍຈຳໜ່າຍໃຫ້ທົ່ວປະເທດບໍລິໂພກອາຫານປອດສານພິດເພື່ອສຸຂະພາບທີ່ດີ.

 ທ່ານ ນາງ ດາລີວັນ ສິດພະໄຊ ປະທານບໍລິສັດພູນເງິນການຄ້າ ຂາອອກ-ຂາເຂົ້າ ຈຳກັດຜູ້ດຽວ ເປີດໃຈໃຫ້ສຳພາດວ່າ: ກ່ອນຈະດຳເນີນທຸລະກິດຍ້ອນສ່ວນ ຕົວເອງມີຈິດໃຈມັກຮັກດ້ານກະສິກຳດັ່ງນັ້ນຈິ່ງໄດ້ມີຫົວຄິດຜະລິດຊີວະພາບກາຈຳປາຄຳຂຶ້ນເພື່ອໃຫ້ ເປັນມິດຕໍ່ຜູ້ຊົມໃຊ້ ແລະຜູ້ບໍລິໂພກຜົນຜະລິດຈາກໄຮ່ ນາ, ດິນສວນ ແລະຝຸ່ນຊີວະພາບດັ່ງກ່າວຍັງເປັນອາຫານສຳຄັນໃຫ້ແກ່ດິນສິ່ງແວດລ້ອມ ແລະສາມາດຫຼໍ່ລ້ຽງບຳລຸງດິນໃຫ້ຝຸ່ນງອກງາມກັບສູ່ທຳມະຊາດອີກດ້ວຍຊ່ວຍໃຫ້ຜົນຜະລິດປອດສານຜິດ ແລະມີຄວາມເປັນທຳມະ ຊາດ100%.

  ປະທານບໍລິສັດຍັງໃຫ້ຮູ້ຕື່ມວ່າ: ໂຮງງານແມ່ນສ້າງມາແຕ່ປີ 2011 ຊຶ່ງກ່ອນຈະມາສ້າງໂຮງງານເບື້ອງຕົ້ນແມ່ນເຂົ້າສຶກສາກ່ຽວກັບດິນ, ກະສິກຳ ແລະຝຸ່ນ ວ່າດິນຕ້ອງການຝຸ່ນແບບໃດເພາະເນື່ອງຈາກຊາວກະສິກອນສ່ວນໃຫຍ່ມັກໃຊ້ຝຸ່ນວ່າດິນເຄມີທີ່ເລັ່ງໃຫ້ພືດຜັກ-ຕົ້ນໄມ້ໃຫຍ່ໄວແຕ່ມັນຈະເຮັດໃຫ້ດິນເສຍຄວາ ມເປັນທຳມະຊາດເຊັ່ນດິນແຂງ ແລະບໍ່ດູດຊືມນ້ຳໄດ້ດີຈົນກາຍເປັນດິນຕາຍສະນັ້ນທາງບໍລິສັດຈິ່ງຮ່ວມກັບກະຊວງກະສິກຳ ແລະປ່າໄມ້ເພື່ອຂໍອະນຸຍາດຜະລິດຝຸ່ນຊີວະພາບຂຶ້ນທີ່ບໍ່ທຳລາຍທຳມະຊາດ ແລະຊ່ວຍໃຫ້ປະຊາຊົນປອດສານເຄມີໂດຍສ່ວນປະສົມມີຊື້ຂີ້ເຈຍ, ຂີ້ອ້ອຍ, ຝຸ່ນຄອກ, ໃບໄມ້, ໄນໂດເຈນ, ຟອດຟໍ່ ຣັດໂປຣ ເຕັດຊຽມ, ທາດອາຫານສຳຮອງ, ແຄມຊຽມ, ແມັກນີ່ຊຽມ, ເຫຼັກ ແລະໄຮໂດເຈນ.

  ບໍລິສັດພູນເງິນການຄ້າຂາ ເຂົ້າ-ຂາອອກຈຳກັດ ຜູ້ດຽວ ນອກຈາກຜະລິດຝຸ່ນຊີວະພາບແລ້ວຍັງຈຳໜ່າຍເຂົ້າຫ້ອມປອດສານຜິດທີ່ຮັບປະກັນເລື່ອງຄຸນນະ ພາບທີ່ໄດ້ຄັດເລືອກເອົາແນວເກດດີ ແລະຍັງໄດ້ກະຕຸກຊຸກຍູ້ສະໜອງແນວພັນເຂົ້າ ແລະຝຸ່ນຊີວະພາບໃຫ້ແດ່ຊາວກະສິກອນ ແລະ ຮັບຊື້ເຂົ້າເປືອກຈາກປະ ຊາຊົນເພື່ອນຳຜົນຜະລິດປອດສານຜິດແບບສຳເລັດຮູບ.

  ປະຈຸບັນບໍລິສັດມີຕະຫຼາດວາງຈຳໜ່າຍຕາມນະຄອນຫຼວງວຽງຈັນ ແລະບໍລິຄຳໄຊ ແລະຊຽງຂວາງ ແລະອະນາຄົດແມ່ນຈະຂະຫຍາຍໃຫ້ທົ່ວປະເທດເພື່ອໃຫ້ສັງຄົມຊົມໃຊ້ຜະລິດຕະພັນຄຸນນະພາບຫ່າງໄກຈາກສານເຄມີ.

  ແນວໃດກໍ່ຕາມຫາກ ທ່ານໃດ ສົນໃຈ 2 ຜະລິດຕະພັນກໍ່ສາມາດເຂົ້າສອບຖາມໄດ້ທີ່ບໍລິສັດພ້ອມໃຫ້ຄຳປຶກສາທີ່ຊ່ວຍໃຫ້ຫ່າງຈາກສານເຄມີຫ້ອງການໃຫຍ່ຕັ້ງຢູ່ສູນການຄ້າອາຊຽນມໍ ຫ້ອງເບີ H9 ບ້ານໂພນທັນ ເມືອງ ໄຊເສດຖາ ນະຄອນຫຼວງວຽງຈັນ.

แชร์