ກຽມຈັດບຸນພະທາດຍາຄູຂີ້ຫອມ

ໃນວັນທີ 3 ກຸມພາຜ່ານມານີ້ທ່ານ ອຸໄພວັນ ໄຊຍະວົງ ເຈົ້າເມືອງອາດສະພັງທອງ ພ້ອມດ້ວຍຄະນະໄດ້ລົງສໍາຫຼວດໃນການກະກຽມຄວາມພ້ອມການຈັດງານບຸນນະມັດ ສະການພະທາດຍາຄູຂີ້ຫອມປະຈໍາປີ 2020 ໃຫ້ເປັນຂະບວນການທີ່ຟົດຟື້ນທີ່ບ້ານດົງກຶມ, ເມືອງອາດສະພັງທອງ, ແຂວງສະຫວັນນະເຂດ ໂດຍພາຍໃຕ້ການຕ້ອນຮັບຢ່າງອົບອຸ່ນຂອງທ່ານ ເກນຄໍາ ສຸລິຍະ ນາຍບ້ານດົງກຶມພ້ອມດ້ວຍຄະນະຕະຫຼອດຮອດປະຊາຊົນພາຍໃນບ້ານກໍໄດ້ຕ້ອນຮັບຢ່າງພ້ອມພຽງ.

  ໃນການລົງສໍາຫຼວດໃນຄັ້ງນີ້; ທ່ານ ເກນຄໍາ ສຸລິຍະວົງ ກໍ່ໄດ້ລາຍງານຄວາມກຽມພ້ອມໃນແຕ່ລະດ້ານເປັນຕົ້ນກໍ່ແມ່ນການກະກຽມຄວາມພ້ອມທາງດ້ານສະຖານທີ່, ດ້ານສາດສະໜາ ແລະດ້ານຕ່າງໆໄດ້ 90% ແລ້ວງານບຸນແມ່ນຈະໄດ້ເປີດຂຶ້ນຢ່າງເປັນທາງການໃນວັນທີ  8 ກຸມພາ 2020 ນີ້

  ຈາກນັ້ນ; ທ່ານເຈົ້າເມືອງອາດສະພັງທອງ ກໍ່ໄດ້ເດີນສໍາຫຼວດບໍລິເວນເດີນວັດ, ອ້ອມພະທາດ, ສິມ 400 ກວ່າປີ ແລະຂົວຂ້າມຫ້ວຍພັງໂຮທີ່ຈະໄດ້ສ້າງຂົວເບເລຂ້າມ ຕື່ມອີກດ້ວຍ.

  ທັງນີ້; ກໍ່ເພື່ອເປັນການຫ້າງຫາກະກຽມຄວາມພ້ອມໃນແຕ່ລະດ້ານເພື່ອຮັບກັບຄຸນນະພາບ ແລະ ເຮັດໃຫ້ງານບຸນມີຄວາມຄຶກຄືນມ່ວນຊື່ນກວ່າຄັ້ງທີ່ຜ່ານມາຕື່ມອີກດ້ວຍ.

______________

ຂຽນໂດຍ: ສາຍສະໝຸດ ສິມພະລີວົງ  
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  

แชร์