ໄຊຍະບູລີ ປະຕິບັດລາຍຮັບໄດ້ທັງໝົດ 913,43 ຕື້ກີບ

 ກອງປະຊຸມຈັດຕັ້ງປະຕິບັດແຜນງົບປະມານແຫ່ງລັດປະຈໍາ ປີ 2019 ແລະແຜນງົບປະມານແຫ່ງລັດປະຈໍາປີ 2020 ແຂວງໄຊຍະບູລີ ໄດ້ຈັດຂຶ້ນໃນວັນທີ 3 ກຸມພາ 2020 ທີ່ຫ້ອງປະຊຸມຫ້ອງວ່າການປົກຄອງແຂວງໄຊຍະບູລີ ໂດຍການເປັນປະທານຂອງທ່ານ ເພັງນິລັນ ຄໍາພັນເພັງ ຮອງເຈົ້າ ແຂວງໄຊຍະບູລີ, ມີຫົວໜ້າ, ຮອງຫົວ ໜ້າພະແນກການ,ເຈົ້າເມືອງ,ຮອງເຈົ້າເມືອງ, ຫົວໜ້າ,ຮອງຫົວໜ້າການເງິນເມືອງ 11 ເມືອງ, ຫົວໜ້າດ່ານພາສີສາກົນພ້ອມດ້ວຍພະນັກງານການເງິນເຂົ້າຮ່ວມ.

  ທ່ານ ສໍາລານ ສຸວັນນະໂຊດ ຫົວໜ້າພະແນກການເງິນແຂວງ ໄດ້ຂຶ້ນລາຍງານການຈັດເກັບລາຍ ຮັບໃນ 1 ປີ ຜ່ານມາ ແຂວງໄຊຍະ ບູລີໄດ້ຮັບຕົວເລກຈາກກະຊວງ ການເງິນແຜນເບື້ອງຕົ້ນຈໍານວນ 961,68 ຕື້ກີບ, ດັດແກ້ແຜນຫຼຸດ 3,8 ຕື້ກີບ ລວມແຜນດັດແກ້ໝົດ ປີທັງໝົດ 957,88 ຕື້ກີບ; ທຽບໃສ່ແຜນການປີຜ່ານມາ ເພີ່ມຂຶ້ນ 11,11% ຫຼື ເທົ່າກັບ 93,16 ຕື້ກີບ. ຜ່ານການຈັດຕັ້ງປະຕິບັດເຫັນວ່າ ສາມາດປະຕິບັດໄດ້ທັງໝົດ 913,43 ຕື້ກີບ ເທົ່າກັບ 94,98% ຂອງແຜນເບື້ອງຕົ້ນ ແລະທຽບໃສ່ ມະຕິຮັບຮອງຂອງສະພາປະຊາຊົນ ແຂວງ ເທົ່າກັບ 95,36% ຂອງ ແຜນດັດແກ້ ທຽບໃສ່ໄລຍະດຽວ ກັນເທົ່າກັບ 105,81% ໃນນີ້ລາຍ ຮັບພູດສູນກາງຕົວເລກແຜນການປີ 708,55 ຕື້ກີບ, ທຽບໃສ່ແຜນ ການປີຜ່ານມາເພີ່ມຂຶ້ນ 18,38% ປະຕິບັດໄດ້ 699,74 ຕື້ກີບ ເທົ່າກັບ 98,76% ຂອງແຜນການປີ ແລະ ມະຕິຂອງສະພາປະຊາຊົນແຂວງ ທຽບໃສ່ໄລຍະດຽວກັນຂອງປິ ຜ່ານມາເທົ່າກັບ 111,68% ໃນນີ້ສ່ວຍສາອາກອນແຜນ 690 ລ້ານກີບ ປະຕິບັດໄດ້ 610,89 ລ້ານກີບ ເທົ່າກັບ 88,54% ຂອງແຜນການປີ, ທຽບໃສ່ໄລຍະດຽວກັນຂອງປີຜ່ານມາເທົ່າກັບ 90,38% ຂະແໜງພາສີແຜນ 707 ຕື້ກີບ ປະຕິບັດໄດ້ 697,99 ຕື້ກີບ ເທົ່າກັບ 98,73% ຂອງແຜນການປີ, ທຽບໃສ່ປີຜ່ານມາເທົ່າກັບ 111,69%, ຂະແໜງຄຸ້ມຄອງຊັບສິນຂອງລັດປະຕິບັດໄດ້ 307,54 ລ້ານກີບ ເປັນຮັບບັງເອີນ, ຄຸ້ມຄອງລັດວິສາຫະກິດແຜນ 860 ລ້ານກີບ ປະຕິບັດໄດ້ 836,35 ລ້ານກີບ ເທົ່າກັບ 97,25% ຂອງແຜນການປີ, ທຽບໃສ່ປີຜ່ານມາເທົ່າ ກັບ 98,21%.

 ລາຍຮັບພູດທ້ອງຖິ່ນແຜນ 253,13 ຕື້ກີບ, ດັດແກ້ແຜນຫຼຸດ 3,8 ຕື້ກີບ ລວມແຜນດັດແກ້ໝົດປີ 249,33 ຕື້ກີບ, ທຽບໃສ່ແຜນການປີຜ່ານມາຫຼຸດ 5,38%, ຜ່ານ ການຈັດຕັ້ງປະຕິບັດ 1 ປີຜ່ານມາ ສາມາດເກັບໄດ້ທັງໝົດ 213,68 ຕື້ກີບ ເທົ່າກັບ 84,41% ຂອງແຜນ ເບື້ອງຕົ້ນ ແລະມະຕິຮັບຮອງຂອງສະພາປະຊາຊົນແຂວງເທົ່າກັບ 85,70% ຂອງແຜນດັດແກ້ທຽບໃສ່ໄລຍະດຽວກັນເທົ່າກັບ 90,26% ໃນນີ້ຂະແໜງສ່ວຍສາອາກອນແຜນເບື້ອງຕົ້ນ 246,58 ຕື້ກີບ,ດັດແກ້ແຜ ນຸດ 3,8 ຕື້ກີບ ລວມແຜນດັດແກ້ທັງໝົດ242,78 ຕື້ກີບ ປະຕິບັດໄດ້ 206,87 ຕື້ກີບເທົ່າກັບ83,89% ຂອງແຜນ ເບື້ອງຕົ້ນ ເທົ່າກັບ 85,21% ຂອງແຜນດັດແກ້ ທຽບໃສ່ໄລຍະດຽວ ກັນເທົ່າກັບ 89,90%, ຂະແໜງ ຄຸ້ມຄອງຊັບສິນຂອງລັດແຜນ 6,50 ຕື້ກີບ ປະຕິບັດໄດ້ 6,61 ຕື້ ກີບ ເທົ່າກັບ 101,74% ຂອງແຜນ ການປີ ທຽບໃສ່ໄລຍະດຽວກັນເທົ່າ ກັບ 104,45%, ຄຸ້ມຄອງລັດວິສາ ຫະກິດແຜນ 50 ລ້ານກີບ ປະຕິບັດ ໄດ້ 199,34 ລ້ານກີບ ເທົ່າກັບ 398,70% ຂອງແຜນປີທຽບໃສ່ໄລຍະດຽວກັນເທົ່າກັບ 65,45%.

  ສ່ວນການປະຕິບັດລາຍຈ່າຍຕົວເລກແຜນເບື້ອງຕົ້ນ 548,13 ຕື້ກີບ, ດັດແກ້ແຜນຫຼຸດ 15,99 ຕື້ກີບ ລວມແຜນດັດແກ້ທັງໝົດ 532,14 ຕື້ກີບ ທຽບໃສ່ແຜນ ການປີຜ່ານມາເພີ່ມຂຶ້ນ 2,14% ມາສາມາດຄຸ້ມຄອງລາຍຈ່າຍໄດ້ທັງໝົດ 506,19 ຕື້ກີບ ເທົ່າກັບ 92,35% ຂອງແຜນເບື້ອງຕົ້ນ ແລະມະຕິຂອງສະພາປະຊາ ຊົນແຂວງເທົ່າກັບ 95,12% ຂອງແຜນດັດແກ້ທຽບ ໃສ່ໄລຍະດຽວກັນເທົ່າກັບ 98,88% ໃນນີ້ຈ່າຍເງິນເດືອນ, ເງິນນະໂຍບາຍ, ເງິນບໍລິຫານ, ດັດສົມສົ່ງ ເສີມ, ຈ່າຍບັງເອີນ, ຊື້ຊັບສົມບັດຄົງທີ່, ຈ່າຍການລົງທຶນ, ຈ່າຍດຸ່ນດ່ຽງງົບປະມານ.

__________

ຂຽນໂດຍ: ບຸນທີ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

  

 

แชร์