ເສັ້ນດ້າຍກາຍເປັນເງິນ

  ທຸກຄົນເກີດມາຢູ່ໃນສັງຄົມດໍາລົງຊີວິດຢູ່ຮ່ວມກັນໃນໂລກແຫ່ງນີ້ຕ່າງກໍດີ້ນຮົນເພື່ອຊອກຫາລ້ຽງຊີບສ້າງວຽກເຮັດງານທໍາໃຫ້ມີຢູ່ມີກິນໄປຕາມບ້ານເມືອງ, ກໍຄືແນວທາງການປ່ຽນແປງໃໝ່ຂອງພັກ-ລັດ, ເຮັດໃຫ້ສັງຄົມເຮົາໄດ້ໝູນໃຊ້ພູມປັນຍາຫົວຄິດປະດິດສ້າງທ່າແຮງບົ່ມຊ້ອນທີ່ມີຢູ່ເພື່ອພັດທະນາສ້າງສາເສດຖະກິດແກ້ໄຂຊີວິດການເປັນຢູ່ຂອງຄອບຄົວໃຫ້ດີຂຶ້ນກາຍເປັນຄອບຄົວອົບອຸ່ນຮັ່ງມີຜາສຸກ.

  ສະຫາຍ ທອງຈັນ ໄຊຍະວົງ ຫຼື ຕຸ້ຍ ແມ່ນມີຖິ່ນກໍາເນີດຢູ່ບ້ານປົ່ງ ຫວ່າງ ເມືອງພຽງ ແຂວງໄຊຍະບູລີ ມີອ້າຍເອື້ອຍນ້ອງຮ່ວມອຸທອນນໍາ ກັນ 2 ຄົນ.ທອງຈັນ ເປັນລູກຊາຍ ກົກ ແລະມີນ້ອງສາວ 1 ຄົນ, ພາຍ ຫຼັງທີ່ຮຽນຈົບໂຮງຮຽນເຕັກນິກ ວິຊາຊີບແຂວງຫຼວງພະບາງ ໃນປີ 2002 ກໍໄດ້ໄປສະໝັກຊອກຫາວຽກເຮັດງານທໍານໍາບໍລິສັດເອກະຊົນ ແລະລັດວິສາຫະກິດຢູ່ຫຼາຍ ແຫ່ງແຕ່ກໍບໍ່ບັນລຸໄດ້ຕາມຈຸດປະສົງເປົ້າໝາຍທີ່ກໍານົດໄວ້,ຍ້ອນຄວາມມັກຮັກ ແລະໄຝ່ຝັນບວກ ໃສ່ແນວຄິດປະຕິວັດໃນການປົກປັກຮັກສາສ້າງສາພັດທະນາປະ ເທດຊາດ ເພື່ອປົກປ້ອງເຂດນໍ້າ ແດນດິນອັນແສນຮັກ ສະຫາຍຈຶ່ງ ຕັດສິນໃຈເຂົ້າເປັນທະຫານຮັບໃຊ້ ຊາດ, ຮັບໃຊ້ປະຊາຊົນຢູ່ໃນຊຸດ ເຄື່ອງແບບສີຂຽວຄອບຄົວໃຫ່ຍ ຂອງກອງທັບປະຊາຊົນລາວ ໃນ ປີ 2006 ຢູ່ກອງພັນ 415 ທະຫານແຂວງຫຼວງພະບາງ.

  ໃນເບື້ອງຕົ້ນຜູ້ກ່ຽວບໍ່ມີຄວາມຊິນເຄີຍໃນການປະຕິບັດຂໍ້ກໍານົດກົດລະບຽບຂອງກອງທັບເຊັ່ນວ່າ: 7 ລະບອບ 18 ວຽກໃນແຕ່ລະວັນ,ການກິນຢູ່ບໍ່ພຽງພໍ ແລະຫຼາຍໆບັນ ຫາທີ່ພາໃຫ້ພົບຄວາມຫຍຸ້ງຍາກ ແຕ່ເຖິງຢ່າງໃດກໍຕາມ ທອງຈັນ ໄຊຍະວົງ ກໍໄດ້ມີຄວາມອົດທົນພະຍາຍາມຝຶກຝົນຫຼໍ່ຫຼອມຕົນເອງດ້ວຍການຊອກຮູ້ຮໍ່າຮຽນນໍາພະ ນັກງານ-ນັກຮົບຜູ້ທີ່ຄວາມຮູ້, ຄວາມສາມາດປະສົບການໃນການປະຕິບັດໜ້າທີ່ວຽກງານຢູ່ໃນກົມ ກອງດຽວກັນຈົນສາມາດຜ່ານຜ່າ ອຸປະສັກໄປໄດ້ ແລະກາຍເປັນທີ່ໄວ້ ເນື້ອເຊື່ອໃຈຈາກຄະນະພັກ ແລະ ໝູ່ເພື່ອນກົມກອງດ້ວຍກັນ.

  ຜ່ານໄປເປັນເວລາ 2 ປີ ທອງ ຈັນ ກໍໄດ້ຖືກຍົກຍ້າຍໄປເຮັດໜ້າທີ່ ວິຊາສະເພາະນັກຂັບຂີ່ຢູ່ກອງຮ້ອຍ ປະຕິບັດງານ 303, ຍ້ອນມີພຶດຕິ ກໍາຄວາມດຸໝັ່ນທີ່ດີເດັ່ນຕໍ່ໜ້າທີ່ ວຽກງານວິຊາສະເພາະທີ່ການຈັດ ຕັ້ງມອບໝາຍໃຫ້ ແລະເຮັດສໍາເລັດ ໜ້າທີ່ດ້ວຍຄວາມຮັບຜິດຊອບສູງ ຈຶ່ງເຮັດໃຫ້ ທອງຈັນ ໄຊຍະວົງ ຫຼື ຕຸ້ຍ ຖືກຍົກຍ້າຍມາຢູ່ຫ້ອງການ ເມືອງທະຫານແຂວງໃນປີ 2013 ເປັນຕົ້ນມາ, ວິຊາສະເພາະນັກຂັບ ຂີ່ນັບວ່າເປັນວຽກງານອັນໜຶ່ງທີ່ ໜັກໜ່ວງສົມຄວນແຕ່ລະມື້,ແຕ່ລະວັນຕ້ອງໄດ້ກວດກາເຊັກສະພາບ ລົດໃຫ້ມີຄວາມພ້ອມຮັບປະກັນໄດ້ ເປັນຢ່າງດີສະຫາຍ ແມ່ນພະນັກ ງານນາຍທະຫານຊັ້ນຮ້ອຍໂທ ຜູ້ ໜື່ງທີ່ມີຄວາມຈູບຈ້າວຫ້າວຫັນຕໍ່ໜ້າທີ່ວຽກງານ ແລະປະຕິບັດມະຕິຄໍາສັ່ງຂອງຜູ້ບັນຊາວາງອອກຢ່າງ ເຂັ້ມງວດເຮັດສໍາເລັດໜ້າທີ່ວຽກ ງານທີ່ການຈັດຕັ້ງມອບໝາຍໃຫ້ ໄດ້ດີຕະຫຼອດມາພ້ອມທັງຮັບປະກັນເດີນທາງມີຄວາມປອດໄພ 100%.

 ນອກຈາກວຽກງານວິຊາສະເພາະແລ້ວວຽກໃນຄອບຄົວກິດຈະ ວັດໃນແຕ່ລະວັນຜູ້ກ່ຽວໄດ້ລຸກເດິກ ຕື່ນເຊົ້າ ເພື່ອປັ່ນຫຼອດ, ຊ່າວໄໝ ຊ່ວຍຄອບຄົວຈາກນັ້ນຈຶ່ງໄປການ, ສ່ວນມື້ວັນພັກວັນເສົາ, ວັນອາທິດ, ບໍ່ໄດ້ໄປທາງໃດມົກໝົ້ນຊ່ວຍຄອບ ຄົວ ໂດຍອາໄສເວລາວ່າງໃຫ້ເກີດ ປະໂຫຍດແກ່ຄອບຄົວ, ສະຫາຍ ຮ້ອຍໂທ ທອງຈັນ ໄຊຍະວົງ ໄດ້ ເລົ່າສູ່ຟັງວ່າ: ໃນເບື້ອງຕົ້ນຂັ້ນຕອນ ຜະລິດໄດ້ພົບອຸປະສັກຄວາມຫຸຍ້ງ ຍາກຕ່າງໆຍ້ອນບໍ່ມີບົດຮຽນ, ປະສົບການ ແລະຕົ້ນທຶນການຜະລິດກໍ ມີໜ້ອຍແຕ່ດ້ວຍຄວາມມັກຮັກບໍ່ທໍ້ ຖອຍຄອນແຄນ ແລະສູ້ຢ່າງລູກຜູ້ຊາຍຈົນປະສົບຜົນສໍາເລັດ  ການ ຕໍ່າຫູກທໍໄໝສາມາດສ້າງລາຍຮັບ ໃຫ້ແກ່ຄອບຄົວໄດ້ເປັນຢ່າງດີ ພາໃຫ້ຄອບຄົວຫຼຸດພົ້ນອອກຈາກ ຄວາມທຸກຍາກໄດ້ເທື່ອລະກ້າວ  ກາຍເປັນລາຍຮັບທີ່ດີສາມາດຄໍ້າ ຈູນຊີວິດໃຫ້ຮັ່ງມີເຂັ້ມແຂງດັ່ງຄອບ ຄົວຂອງຕົນເອງທີ່ຢຶດຖືການຕໍ່າ ສີ້ນ, ທໍາອິດກໍ່ມີພຽງ 1 ກີ, ຕໍ່ມາ ຂະຫຍາຍເປັນ 2–3 ກີ ຈົນມາຮອດ ປັດຈຸບັນມີທັງໝົດ 10 ກີ ໂດຍສາ ມາດສ້າງລາຍຮັບເຂົ້າໃນຄອບຄົວ ທີ່ເຫຼືອຈາກຄ້າຈ້າງແຮງງານຜູ້ທີ່ ມາຊ່ວຍໃນການຕໍ່າຫູກ ແລະຄ່າໃຊ້ ຈ່າຍສົ່ງເສີມລູກໃນການສືກສາຮໍ່າ ຮຽນ ແລະກິດຈະວັດໃຊ້ຈ່າຍໃນ ແຕ່ລະວັນ ແລະຊື້ວັດຖຸມາຮັບໃຊ້ ເຂົ້າໃນການຕໍ່ຫູກທໍ່ໄໝແລ້ວຍັງ ໄດ້ປະມານ 6 - 7 ລ້ານກີບ.

 ວິທີການຜະລິດສີ້ນຂາຍໄດ້ເຮັດຢູ່ເຮືອນຂອງຕົນເອງ ແລະເຮືອນພີ່ນ້ອງຄ່າຈ້າງແຮງງານໃນການຕໍ່າພາຍຫຼັງສໍາເລັດແລ້ວໄດ້ຈ່າຍໃຫ້ບຸກຄົນໃນລາຄາຜືນລະ 1 ແສນ -2 ແສນກີບ ຕາມດອກລາຍ ແລະຄວາມຍາກຂອງການຕໍ່າ, ສ່ວນການຈໍາໜ່າຍສົ່ງຂາຍໄດ້ສົ່ງຕາມທ້ອງຕະຫຼາດພາຍໃນແຂວງ ແລະຕ່າງແຂວງ, ບາງຄັ້ງກໍມີລູກຄ້າມາຮັບເອົາກັບເຮືອນກາຍເປັນລູກຄ້າຂາປະຈໍາພາຍໃນແຂວງ ແລະຕ່າງແຂວງ, ສາມາດສ້າງລາຍຮັບເຂົ້າໃນຄອບຄົວປີໜື່ງບໍ່ຕໍ່າກວ່າ 50– 60 ລ້ານກີບ. ສິ່ງນີ້ເຮັດໃຫ້ຊີວິດການເປັນຢູ່ຂອງຄອບຄົວໄດ້ຮັບການພັດທະນາດີຂຶ້ນສາມາດເພິ່ງຕົນເອງ, ກຸ້ມຕົນເອງ ແລະສ້າງຄວາມເຂັ້ມແຂງດ້ວຍຕົນເອງໄດ້ໃນລະດັບທີ່ແນ່ນອນ,

   ຈາກພຶດຕິກໍາບວກກັບຄວາມດຸໝັ່ນຂະຫຍັນພຽນໜັກເອົາເບົາສູ້ເຮັດໃຫ້ເຖິງທີ່ສຸດ ແລະມີຄຸນນະພາບຈຶ່ງເຮັດໃຫ້ ທອງຈັນ ໄຊຍະວົງ ພະນັກງານນາຍທະຫານວິຊາສະເພາະຂັບຂີ່ຢູ່ຫ້ອງການເມືອງ ທະຫານແຂວງຫຼວງພະບາງ ສາມາດນໍາພາຄອບຄົວຫຼຸດພົ້ນອອກຈາກຄວາມທຸກຍາກເທື່ອລະກ້າວ, ມາຮອດປະຈຸບັນສະຫາຍກໍ່ສ້າງ ເຮືອນວິນລາ 2 ຊັ້ນ ມີຂະໜາດ 8 x 9 ແມັດ, ສໍາເລັດແລ້ວ 100%, ແລະ ຍັງໄດ້ມີທຶນຮອນສະສົມໄວ້ສົ່ງລູກເຕົ້າໄດ້ສຶກສາຮໍ່າຮຽນໃນຊັ້ນປະຖົມຢູ່ບ້ານຫາດຫ່ຽນນໍາຕື່ມ 2 ຄົນ.

  ສະຫາຍຍັງບອກຕື່ມວ່າ: “ພາຍຫຼັງທີ່ມາລົງມືເຮັດທຸລະກິດການຕໍ່າຫູກທໍໄໝໄດ້ເຮັດໃຫ້ຊີວິດໄດ້ມີການປ່ຽນແປງຈາກຄົນທໍາມະດາ ສາມັນເບື້ອງຫຼັງພົບແຕ່ອຸປະສັກມີບາງຄັ້ງເກີດມີຄວາມທໍ້ຖອຍສີ້ນຫວັງໝົດຫົນທາງຈະເດີນກັບມາຢືນສູ້ອີກຄັ້ງຈົນປະສົບຜົນສໍາເລັດ” ອັນນີ້ເຮັດໃຫ້ຕົນ ແລະຄອບຄົວຄ່ອຍໆມີບົດບາດພົ້ນເດັ່ນຂຶ້ນຢູ່ໃນ ສັງຄົມຄອບຄົວຂອງລາວ, ປະກອບສ່ວນຊ່ວຍເຫຼືອພັດທະນາສັງຄົມເປັນຕົ້ນແມ່ນໄດ້ຊ່ວຍເຫຼືອທຶນຮອນຈໍານວນໜຶ່ງເຂົ້າໃນການບູລະ ນະສ້າງສາພັດທະນາບ້ານຊ່ອງ, ຊື້ໂຕະ,ຕັ່ງມອບໃຫ້ໂຮງຮຽນປະກອບສ່ວນເຂົ້າວຽກງານການສຶກສາຢູ່ໃນໂຮງຮຽນບ້ານຂອງຕົນ,ການເກັບຄ່າໃຊ້ພາສີອາກອນຕ່າງໆຂອງບ້ານກໍໄດ້ປະຕິບັດຕາມພັນທະ, ຍັງໄດ້ຊ່ວຍເຫຼືອຍາດພີ່ນ້ອງເພື່ອນມິດສະຫາຍໃນເວລາຈໍາເປັນ ແລະປ່ອຍເງິນກູ້ຊາວບ້ານໂດຍຄິດໄລ່ດອກເບ້ຍຕໍ່າຕາມຄວາມເໝາະສົມເປັນການແກ້ໄຂຊ່ວຍເຫຼືອເຊິ່ງກັນ ແລະກັນໃນເວລາມີກໍລະນີສຸກເສີນ.  

   ທອງຈັນ ໄຊຍະວົງ ຍັງແມ່ນ ບຸກຄົນໜຶ່ງທີ່ເປັນຜູ້ປົກຄອງພໍ່ທີ່ດີໃນການສຶກສາອົບຮົມບົ່ມສອນລູກເຕົ້າເພື່ອປູກຈິດສໍານຶກໃຫ້ເຂົາເຈົ້າໄດ້ກາຍເປັນພົນລະເມືອງດີມີຄ່າຕໍ່ສັງຄົມມີນໍ້າໃຈເຊື້ອແພງຊາດ, ມີຄວາມໂອບເອື້ອອາລີຮັກແພງຮູ້ຊ່ວຍເຫຼືອໝູ່ເພື່ອນດ້ວຍກັນໃນການສຶກສາຮໍ່າຮຽນ ແລະ ເວລາຢູ່ເຮືອນກໍຊ່ວຍວຽກພໍ່-ແມ່ເຮັດວຽກ ງານຕາມຄວາມສາມາດ.

  ການຕໍ່າຫູກທໍ່ໄໝແມ່ນວຽກ ງານໜຶ່ງເຖິງຈະບໍ່ແມ່ນກິດຈະ ການໃຫ່ຍໂຕມະໂຫລານເໝືອນ ກັບວຽກງານອັນອື່ນໆ ກໍ່ຕາມແຕ່ ວຽກງານນີ້ກໍແມ່ນພູມປັນຍາຫົວ ຄິດປະດິດສ້າງ ບວກໃສ່ຄວາມອົດ ທົນພະຍາຍາມໃນການຝຶກຝົນຫຼໍ່ຫຼອມຕົນເອງ ຈາກຊີວິດຄົນໆ ໜຶ່ງເກືອບຈະສິ້ນຫວັງໝົດຫົນທາງ ທີ່ຈະເດີນແຕ່ກໍ່ລຸກມາຢືນສູ້ອີກຄັ້ງ ເໝືອນດັ່ງຄອບຄົວຂອງ ທອງຈັນ ໄຊຍະວົງ ຫຼື ຕຸ້ຍ ນາຍທະຫານ ຊັ້ນຮ້ອຍໂທ ຢູ່ຫ້ອງການເມືອງທະຫານແຂວງຫຼວງພະບາງ ສາມາດນໍາເອົາເສັ້ນດາຍທໍາມະດາໃຫ້ກາຍເປັນເງີນໄດ້ເຮັດໃຫ້ຊີວິດການເປັນຢູ່ຄອບຄົວດີຂຶ້ນ.

แชร์