ທ່ຽວຊົມຖໍ້າກອງລໍ ທີ່ແສນງົດງາມ

  ຖໍ້າກອງລໍ ກໍແມ່ນອີກສະຖານທີ່ທ່ອງທ່ຽວແຫ່ງໜຶ່ງທີ່ມີ ຄວາມໂດດເດັ່ນ ແລະສວຍສົດງົດ ງາມຕັ້ງຢູ່ລະຫວ່າງເຂດບ້ານກອງ ລໍ-ນາຕານຫ່າງຈາກເທສະບານ ເມືອງຄູນຄໍາ ແຂວງຄໍາມ່ວນ ປະມານ 46 ກິໂລແມັດ ເປັນຖໍ້າທີ່ມີສາຍນໍ້າຫີນບູນໄຫຼຜ່ານອຸໂມງ ຂອງພູຫີນປູນ ແລະສາມາດຂີ່ເຮືອ ເຂົ້າໄປທ່ຽວຊົມໄດ້ໃນລະດູແລ້ງ ແມ່ນເໝາະສົມທີ່ສຸດເພາະຈະໄດ້ ເຫັນ ແລະໄດ້ຊົມຄວາມງົດງາມ ພາຍໃນຖໍ້າ, ເພາະລະດັບນໍ້າຫຼຸດ ລົງເມື່ອຮອດລະດູຝົນລະດັບນໍ້າ ພາຍໃນຖໍ້າເພີ່ມຂຶ້ນສູງບໍ່ສາມາດ ເຂົ້າໄປໄດ້.

  ຖໍ້າກອງລໍ ມີຄວາມຍາວ ແລະ ເລິກປະມານ 7,5  ກິໂລແມັດ, ກວ້າງ 30 ແມັດ ແລະສູງແຕ່ 20-100 ແມັດ, ພາຍໃນຖໍ້າມີແກ້ງ, ມີຫີນ ຍ້ອຍ, ຫີນງອກ ແລະຫາດຊາຍຈໍານວນ 20 ກວ່າຈຸດ, ໂດຍນັກທ່ອງ ທ່ຽວສາມາດລົງຍ່າງເລາະຫຼິ້ນ  ຕາມຫາດຊາຍຂາວເພື່ອຊົມຄວາມ ງົດງາມຂອງຫີນຍ້ອຍ, ຫີນງອກ ທີ່ມີຫຼາຍຮູບຫຼາຍແບບຢ່າງມີສີ ສັນທີ່ໂດດເດັ່ນເຫັນແລ້ວໜ້າປະທັບໃຈແທ້ໆທັງໄດ້ສໍາພັດກັບອາ ກາດທີ່ເຢັນສະບາຍພາຍໃນຖໍ້າອີກ ດ້ວຍ.

  ທາງເຂົ້າປາກຖໍ້າເຂດບ້ານ ກອງລໍ ຈະມີໝູ່ປານ້ອຍ-ໃຫຍ່ ນັບ ເປັນພັນໆໂຕມາລອຍຫຼິ້ນໃຫ້ເຮົາ ໄດ້ເບິ່ງໄດ້ຊົມ, ຊຶ່ງເປັນປາທໍາມະ ຊາດຈາກຫ້ວຍນໍ້າຫີນບູນທີ່ໄຫຼຜ່ານອຸໂມງຖໍ້າກອງລໍນັ້ນເອງ, ໂດຍ ໄດ້ອະນຸລັກຮັກສາໄວ້ມານານ ຫຼາຍປີ ຈຶ່ງເຮັດໃຫ້ປາທຸກໂຕມີ ຄວາມຜູກພັນ ແລະລື້ງເຄີຍກັບຄົນ ຫຼາຍຂຶ້ນເພາະສະນັ້ນ, ນັກທ່ອງ ທ່ຽວກ່ອນຈະຂີ່ເຮືອເຂົ້າຊົມຖໍ້າ ກ່ອນອື່ນໝົດກໍຕ້ອງໄດ້ຊື້ອາຫານ ມາເກືອປາກ່ອນເພື່ອໃຫ້ປາຟູຂຶ້ນ ມາໄດ້ເຫັນໄດ້ຊົມໃກ້ໆເປັນຕາສະອອນແທ້ໆ, ຈາກນັ້ນ ນັກທ່ອງທ່ຽວ ຈຶ່ງໄດ້ຂີ່ເຮືອເຂົ້າທ່ຽວຊົມພາຍໃນ ຖໍ້າ, ໂດຍໃຊ້ເວລາໄປປະມານ 1 ຊົ່ວໂມງ ຈຶ່ງຈະຮອດປາກຖໍ້າອອກ ໄປຫາບ້ານນາຕານ ແລະຈະເຫັນ ປະຊາຊົນຫາປູຫາປາຢູ່ຕາມຍອດຫ້ວຍດັ່ງກ່າວ.

 ນອກຈາກພວກທ່ານໄດ້ຂີ່ເຮືອທ່ຽວຊົມຄວາມງົດງາມຂອງຖໍ້າ ແລ້ວ, ທ່ານຍັງໄດ້ຮູ້ຈັກກັບວິຖີຊີ ວິດ ແລະຮີດຄອງປະເພນີຂອງ ປະຊາຊົນເຂດບ້ານກອງລໍ-ນາຕານ, ຊຶ່ງປະຊາຊົນທັງສອງບ້ານ ນີ້ແມ່ນດໍາລົງຊີວິດແບບລຽບງ່າຍ ດ້ວຍການປະກອບອາຊີບເຮັດນາ-ເຮັດສວນ ແລະລ້ຽງສັດ ໂດຍຕິດ ພັນກັບທໍາມະຊາດທີ່ອຸດົມສົມບູນ ໄປດ້ວຍພູຜາປ່າໄມ້ອັນຂຽວງາມອຸ່ມທຸ່ມເຫັນແລ້ວໜ້າທ່ຽວໜ້າຊົມແທ້ເນີທ່ານເອີຍ.

----

ໂດຍ: ຊາຍພະເນຈອນ

แชร์