ເມືອງຫົງສາປິດໂຄງການຝຶກອົບຮົມສິນລະທຳ ກຳມະຖານ ຄັ້ງທີ II

  ພິທີປິດໂຄງການຝຶກອົບຮົມສິນລະທຳກຳມະຖານຄັ້ງທີ II ຂອງເມືອງຫົງສາ ແຂວງໄຊຍະບູລີ ໄດ້ຈັດຂຶ້ນໃນວັນທີ 1 ກຸມພາ 2020, ພາຍຫຼັງທີ່ໄດ້ດຳເນີນມາເປັນເວລາ 7 ວັນ, ທີ່ວັດທົ່ງສວນແຖນ ນາຣາມ ບ້ານສີບຸນເຮືອງ ໂດຍມີ ພຣະອາຈານ ສົມພອນ ຄຳຈະເລີນ ອຳນວຍການໂຮງຮຽນມັດທະຍົມ ຕອນຕົ້ນສົງ ເມືອງຫົງສາ, ມີທ່ານ ນາງ ດາວວິນ ລາດຊະກິດ ຮອງເລ ຂາພັກເມືອງ, ທ່ານ ແຫຼ້ ອ່ອນສົມ ບູນ ຮອງເຈົ້າເມືອງຫົງສາ, ມີຄະ ນະຮັບຜິດຊອບ ແລະຊາວພຸດທະສາສະນິກະຊົນເຂົ້າຮ່ວມ.

 ການຈັດຕັ້ງໂຄງການຝຶກອົບຮົມສິນລະທຳກຳມະຖານ ຄັ້ງທີ II ທີ່ວັດທົ່ງສວນແຖນນາຣາມ ບ້ານສີບຸນເຮືອງ ເມືອງຫົງສາ ໄດ້ເລີ່ມປະຕິບັດມາແຕ່ວັນທີ 25 ມັງກອນ ຫາ ວັນທີ 1 ກຸມພາ 2020, ດຳເນີນໄປເປັນເວລາ 7 ວັນ, ມີ ຊາວພຸດທະສາສະນິກະຊົນມາລົງ ທະບຽນຮ່ວມໂຄງການທັງໝົດ 280 ຄົນ, ໂດຍມີຈຸດປະສົງເປົ້າໝາຍເອົານັກຮຽນໂຮງຮຽນມັດ ທະຍົມຕອນຕົ້ນສົງ ແລະຜູ້ທີ່ໄຝ່ບຸນ ກຸສົນເຂົ້າບວດຂາວຝຶກອົບຮົມສິນ ລະທຳ, ຈະຣິຍະທຳໄລຍະສັ້ນ, ມີ ພະສົງສຳມະເນນ-ເຖົ້າແກ່ເຂົ້າ ຮ່ວມປະຕິບັດຝຶກອົບຮົມໃນໂຄງ ການ ລວມທັງໝົດ 40 ອົງ, ໃນນັ້ນ ພະສົງ 36 ອົງ, ສາມະເນນ 29 ອົງ ແລະແມ່ຂາວ 4 ຕົນ, ການຈັດ ຕັ້ງກິດຈະກຳພາຍໃນໂຄງການຄັ້ງ ນິີ້ ແມ່ນໄດ້ປະຕິບັດຕາມຮີດຄອງ ປະເພນີທີ່ໄດ້ສືບທອດກັນມາ ຕາມ ພິທີກຳຕ່າງໆ ນອກນັ້ນຍັງໄດ້ອອກ ບິນທະບາດໃນຕອນເຊົ້າທຸກໆວັນ ຢູ່ບັນດາວັດພາຍໃນເທສະບານ ເມືອງ.

  ຊຶ່ງເມືອງຫົງສາມີຮີດຄອງປະ ເພນີ ແລະວັດທະນະທຳອັນດີງາມມາແຕ່ດຶກດຳບັນປະຊາຊົນສ່ວນ ຫຼາຍແມ່ນນັບຖືພຸດທະສາສະໜາການຝຶກອົບຮົມກຳມະຖານກໍ່ເປັນ ອີກຂະບວນການໜຶ່ງໃນການພັດທະນາດ້ານຈິດໃຈຂອງຊາວພຸດ ທັງຫຼາຍ ໃນການສ້າງບຸນກຸສົນ ເຂົ້າຮ່ວມການສຶກສາພະທຳຄຳ ສອນຂອງພຸດທະສາສະໜາ, ຮີດ ຄອງປະເພນີອັນດີງາມຂອງຊາດເພື່ອຫ່າງໄກຈາກອະບາຍຍະມຸກ ຕ່າງໆ ທັງເປັນການຕ້ານ ແລະ ສະກັດກັ້ນປາກົດການຫຍໍ້ທໍ້ຕ່າງໆໃນສັງຄົມອີກຕື່ມ.

---

ໂດຍ: ໄກເພັດ ຄຳມູງແກ້ວ

แชร์