ຢາກກິນອາຫານແຊບຕ້ອງໄປຮ້ານຕຳແຊບຕູບນ້ອຍອິນເຕີ

   ຮ້ານຕຳແຊບຕູບນ້ອຍອິນເຕີເປັນອີກໜຶ່ງທີ່ມີຊື່ສຽງໂດ່ງດັງໃນເຂດດົງໂດກ ເມືອງໄຊທານີ ນະຄອນຫຼວງວຽງຈັນ ໂດຍບໍລິການອາຫານແຊບເນັ້ນເມນູສູດເດັ່ນເປັນເອ ກະລັກຄຸນນະພາບໃຫ້ລູກຄ້າໂດຍສະເພາະກຸ່ມນັກສຶກສາ, ພະນັກງານ ແລະນັກທຸລະກິດບຸກຄົນທົ່ວໄປນອກນີ້ພາຍໃນຮ້ານຍັງໄດ້ອອກແບບມີຕູບໃຫ້ນັ່ງພ້ອມມີຄຳຂວັນມ່ວນໆທີ່ແອບແຝງດ້ວຍຄວາມຮັກ.

   ທ່ານ ນາງ ພອນມາລາ ສະດາຈິດ ເຈົ້າຂອງຮ້ານຕຳແຊບຕູບນ້ອຍອິນເຕີ ໃຫ້ສຳພາດວ່າ: ຮ້ານຕຳແຊບຕູບນ້ອຍອິນເຕີຂອງເຮົາເປີດບໍລິການປີ 2018 ທຸລະກິດດັ່ງ ກ່າວເກີດຂຶ້ນຈາກຄອບຄົວເຄີຍເຮັດຮ້ານອາຫານມາກ່ອນຢູ່ແລ້ວແຕ່ໄລຍະຊ່ວງນັ້ນລູກຄ້າຈະບໍ່ຄ່ອຍມີປານໃດພໍຮຽນຈົບເລີຍໄດ້ຕັດສິນໃຈຂະຫຍາຍຮ້ານມາຕັ້ງຢູ່ເຮືອນຕົວເອງຈົນໄດ້ປະສົບການຄວາມຮູ້ ແລະໄດ້ຮັບການຕອບສະໜອງການນິຍົມຈາກລູກຄ້າເພີ່ມຂຶ້ນເລື້ອຍໆ ປະຈຸບັນຮ້ານຕຳແຊບ ຕູບນ້ອຍອິນເຕີ ຖືວ່າເປັນອີກແຫ່ງໜຶ່ງໃນການບໍລິການປະເພດຕຳແຊບທີ່ຊື່ສຽງໃນເຂດດົງໂດກນະຄອນຫຼວງວຽງຈັນ ເປັນຕົ້ນຕຳທະເລ, ຕຳຖາດ, ລາບ, ເອາະ, ຊີ້ນຈຸ່ມ, ປີ້ງປາ ແລະອາຫານລາວອື່ນໆ ລວມທັງໝົດ 100 ກວ່າລາຍການລາຄາເລີ່ມຕົ້ນຈານ 15 ພັນກີບ ຫາ 1 ແສນກີບ ສ່ວນວັດຖຸດິບແມ່ນເອົາຜະລິດຕະພັນທີ່ສົດສະອາດມີຄຸນນະພາບແລ້ວມາຜ່ານການປຸງແຕ່ງໃຫ້ມີຄວາມລະອຽດເປັນສູດເອກະລັກຂອງຮ້ານໂດຍເນັ້ນລົດຊາດແຊບບໍ່ຄືກັບຮ້ານອາຫານທົ່ວໄປ.

  ປະຈຸບັນຮ້ານຕຳແຊບຕູບນ້ອຍອິນເຕີມີ 20 ຕູບ ຈຸດເດັ່ນຂອງຮ້ານແມ່ນນໍ້າປາແດກຫອມແຊບເປັນເອກະລັກສູດຂອງຮ້ານພ້ອມນັ້ນມີຕູບໃຫ້ນັ່ງພ້ອມມີຄຳຂວັນມ່ວນໆທີ່ແອບແຝງດ້ວຍຄວາມຮັກ ແລະເປັນສະຖານທີ່ມີຮົ້ມໄມ້ປົກຄຸມລົມພັດເຢັນແບບທຳມະຊາດລູກຄ້າສ່ວນໃຫຍ່ຈະເປັນນັກສຶກສາໃນເຂດຊຸມຊົນ ມຊ, ພະນັກງານ ແລະນັກທຸລະກິດທົ່ວໄປຜ່ານການເປີດບໍລິການຈົນຮອດປະຈຸບັນເຫັນວ່າໄດ້ຮັບຄວາມຕ້ອງການດີສົມຄວນຊຶ່ງສະແດງອອກຢູ່ບ່ອນວ່າເມື່ອລູກຄ້າທ່ານໃດເຂົ້າມາຮ້ານເຮົາມັກຈະຍ້ອງສະເໝີວ່າອາຫານແຊບ ແລະຢຶດເຊື້ອໝັ້ນເປັນລູກຄ້າປະຈຳ.

 ທ່ານນາງ ພອນມາລາ ສະດາຈິດ ກ່າວຕື່ມອີກວ່າ: ຮ້ານຕຳຂອງເຮົາເປັນຮ້ານນ້ອຍທຸລະກິດຄອບຄົວແຕ່ບໍລິການຈຳໜ່າຍຜະລິດຕະພັນອາຫານທີ່ດີໃຫ້ແກ່ລູກຄ້າ ໂດຍເນັ້ນການຂາຍວ່ອງໄວພ້ອມສົ່ງຕາມຮູບແບບລູກຄ້າຕ້ອງການ ແລະໃຫ້ມີຄຸນນະພາບມາດຕະຖານທີ່ສຸດເພື່ອຮັກສາສຳພັນທະມິດທີ່ດີຕໍ່ຜູ້ບໍລິໂພກ, ມີຄວາມຮັບຜິດຊອບຕໍ່ສັງຄົມ ແລະ ເປັນສ່ວນໜຶ່ງໃນການຮັກສາຜະ ລິດຕະພັນອາຫານລາວໃຫ້ສືບທອດລຸ້ນຕໍ່ມາພວກເຮົາຈະພັດທະນາສີມືຂຶ້ນໄປເລື້ອຍໆ ແລະປະຈຸບັນກຳລັງຈະຂະຫຍາຍຕູບນັ່ງອອກອີກ 10 ຕູບ ເພື່ອໄວ້ຮອງຮັບ ລູກຄ້າສະດວກສະບາຍຂຶ້ນສຳລັບທ່ານໃດຢາກກິນຕຳທະເລ ຫຼື ກິນລາບແຊບໆກໍ່ໄປລອງແວ່ຊິມຮ້ານຕຳແຊບຕູບນ້ອຍອິນເຕີໄດ້ທີ່ບ້ານໜອງວຽງຄໍາ ເຂດດົງໂດກ ເມືອງໄຊທານີ ນະຄອນຫຼວງວຽງຈັນ ເຟສ໌ບຸກ: ຕໍາແຊບຕູບນ້ອຍອິນເຕີເບີໂທລະສັບ:

020 57227878, 020 54895131, 020 52790897.

__________

ຂຽນໂດຍ: ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

 

แชร์