ເຢຍລະມັນຍອມຈ່າຍເງິນ 8 ແສນເອີໂຣໃຫ້ໄມໂຄຣຊອຟ ອັບເດດວິນໂດວ 7

 ທາງລັດຖະບານເຢຍລະມັນກຳລັງຈະເສຍເງິນປະມານ 8 ແສນເອີໂຣເນື່ອງຈາກມີຄອມພິວເຕີໃນຫຼາຍໜ່ວຍງານທີ່ຍັງໃຊ້ລະບົບປະຕິບັດການ Windows 7 ແລະບໍ່ສາມາດອັບເດດເປັນ Win dows 10 ໄດ້ທັນເວລາ.

  Microsoft ໄດ້ຢຸດການສະ ໜັບສະໜູນລະບົບປະຕິບັດການ Windows 7 ເມື່ອວັນທີ 14 ມັງກອນທີ່ຜ່ານມາເຮັດໃຫ້ຄອມ ພິວເຕີທີ່ຍັງທຳງານໃນ  Windows 7 ຈະບໍ່ໄດ້ຮັບການອັບເດດຊອຟ ແວຣດ້ານຄວາມປອດໄພແຕ່ສຳລັບ Windows 7 Enter prise/ Pro ຍັງໄດ້ຮັບອັບເດດຄວາມປອດໄພ Extended Security Updates (ESU) ແຕ່ຕ້ອງມີ ຄ່າໃຊ້ຈ່າຍ.

  ແຫຼ່ງຂ່າວລາຍງານວ່າມີຄອມ ພິວເຕີຂອງລັດຖະບານເຢຍລະມັນ ປະມານ 33 ພັນໜ່ວຍທີ່ຍັງໃຊ້ ລະບົບປະຕິບັດການ Windows7 ແລະນັ້ນທີ່ຕ້ອງໃຫ້ລັດຖະບານເຢຍ ລະມັນຕ້ອງຈ່າຍເງິນປະມານ 8 ແສນເອີໂຣ  ເພື່ອຂະຫຍາຍການອັບ ເດດຊອຟແວຣດ້ານຄວາມປອດໄພ ຈາກ Microsoft.

  Microsoft ຄິດຄ່າບໍລິການ ສະໜັບສະໜູນຊອຟແວຣດ້ານ ຄວາມປອດໄພໃຫ້ກັບ  Windows7 Enterprise ໃນລາຄາ 25 ໂດລາ ສະຫະລັດຕໍ່ຄອມພິວເຕີ 1 ໜ່ວຍ ແລະໃນປີໜ້າຈະເພີ່ມເປັນ 2 ເທົ່າ ກ່ອນຈະຂຶ້ນລາຄາເປັນ 100 ໂດລາ ໃນປີ 2021 ແລະ200 ໂດລາໃນ ປີ 2022.

แชร์