ວິທະຍາໄລຄູຫຼວງນໍ້າທາ ສໍາເລັດຮຽນທິດສະດີການເມືອງ-ການປົກຄອງ

  ວັນທີ 31 ມັງກອນ ຜ່ານມາ ທີ່ສະໂມສອນວິທະຍາໄລຄູຫຼວງ ນໍ້າທາ ໄດ້ສໍາເລັດການຮຽນທິດ ສະດີການເມືອງ-ການປົກຄອງ ຊັ້ນຕົ້ນຮຸ່ນທີ 3, ໂດຍການເປັນ ປະທານທ່ານ ຄໍາສຸກ ທອງກ່ານ ຜູ້ອໍານວຍການວິທະຍາໄລຄູຫຼວງ ນໍ້າທາ, ທ່ານ ຈັນທອງ ແກ້ວປະ ເສີດ ຫົວໜ້າຄະນະຈັດຕັ້ງແຂວງ, ທ່ານ ສິງໄຊ ວັນຄໍາ ຮັກສາການ ອໍານວຍການໂຮງຮຽນທິດສະດີ ການເມືອງ-ການປົກຄອງແຂວງ, ແຂກຖືກເຊີນຕະຫຼອດຮອດນັກສຶກ ສາເຂົ້າຮ່ວມ.

  ທ່ານ ຄໍາຟອງ ລາດສະພົນ ຮອງຜູ້ອໍານວຍການໂຮງຮຽນ ການເມືອງ-ການປົກຄອງແຂວງ ໄດ້ຜ່ານບົດສະຫຼຸບການຈັດຕັ້ງປະຕິບັດການຮຽນ-ການສອນທິດສະດີການເມືອງ ແລະການປົກຄອງ ລະບົບຊັ້ນຕົ້ນຮຸ່ນທີ 3 ໃຫ້ແກ່ວິ ທະຍາໄລຄູຫຼວງນໍ້າທາ ເພື່ອສ້າງ ໃຫ້ພະນັກງານຄູ-ອາຈານ  ແລະພະນັກງານນໍາພາຮຸ່ນສືບທອດຢູ່ທີ່ວິ ທະຍາໄລຄູ, ມີຄຸນສົມບັດສິນທໍາ ປະຕິບັດ, ມີຄວາມຮູ້ຄວາມສາມາດ ໃນການຈັດຕັ້ງປະຕິບັດໜ້າທີ່ວຽກ ງານໃນໄລຍະໃໝ່, ການຮຽນແມ່ນ ມີໄລຍະ 3 ເດືອນ, ມີນັກສຶກສາ ເຂົ້າຮຽນທັງໜົດ 37 ຄົນ, ຍິງ 12 ຄົນ, ໃນນີ້ມີວິຊາຮຽນທັງໜົດ 9 ວິຊາຮຽນຄື: ວິຊາເສດຖະສາດການເມືອງ, ປັດຊະຍາ, ຄຸ້ມຄອງ ເສດຖະກິດ, ລັດທິສັງຄົມນິຍົມ ວິທະຍາສາດ, ການເມືອງວິທະຍາ, ທິດສະດີລັດ ແລະກົດໜາຍ, ການປົກຄອງ, ກໍ່ສ້າງພັກ ແລະວິຊາ ຂົນຂວາຍກໍ່ສ້າງຮາກຖານ, ມີ 41 ບົດ, 224  ຊົ່ວໂມງ, 15 ໜ່ວຍກິດ, ຜ່ານການຈັດຕັ້ງປະຕິບັດການ ຮຽນ-ການສອນສາມາດປະເມີນ ໄດ້ຄື: ດີເລີດ 62,75%, ດີຫຼາຍ 30,25% ແລະດີ 6,98%, ພ້ອມ ນີ້ຍັງໄດ້ມອບໃບປະກາສະນິຍະ ບັດໃຫ້ນັກສຶກສາຈໍານວນ  37  ຄົນ, ຍິງ 12 ຄົນ, ກ່າວມອບໂດຍທ່ານ ສິງໄຊ ວັນຄໍາ ຮັກສາການຜູ້ອໍານວຍການໂຮງຮຽນການເມືອງ- ການປົກຄອງແຂວງ.

  ໂອກາດດັ່ງກ່າວທ່ານ ຈັນທອງ ແກ້ວປະເສີດ ຫົວໜ້າຄະນະຈັດຕັ້ງ ແຂວງຜູ້ຊີ້ນໍາວຽກງານຂົງເຂດ ການເມືອງ-ການປົກຄອງແຂວງ ໄດ້ໂອ້ລົມ ຊຶ່ງກ່ອນອື່ນທ່ານໄດ້ ສະແດງຄວາມຍ້ອງຍໍຊົມເຊີຍຕໍ່ຄູ-ອາຈານ ແລະນັກສຶກສາທີ່ມີຜົນ ງານໃນໄລຍະຜ່ານມາເວົ້າລວມ ເວົ້າສະເພາະກໍຄືການສິດສອນ ແລະຄວາມເອົາໃຈໃສ່ຂອງນັກສຶກສາ ແລະທ່ານເນັ້ນໜັກໃຫ້ນັກສຶກ ສາແຕ່ລະສະຫາຍຈົ່ງພ້ອມກັນນໍາ ເອົາບົດຮຽນທີ່ຮຽນຜ່ານມານໍາໃຊ້ ເຂົ້າໃນໜ້າທີ່ວຽກງານເປັນຕົ້ນ ແມ່ນວຽກງານການຮຽນ-ການສິດ ສອນ.

------

ໂດຍ: ສົມພອນ ຂຸນດາວົງ

แชร์