ຢູ 12 ວຽງຈັນ ເອັບທີ ຖະຫຼົ່ມ ຕາວັນ 8-4 ປະຕູ

  ທີມນັກເຕະບານເຍົາວະຊົນ ຮຸ່ນອາຍຸບໍ່ເກີນ 12 ປີ ຫຼື ຢູ 12 ສະໂມສອນອາຄາເດມີ້ ວຽງຈັນ ເອັບທີ ລົງສະໜາມແຂ່ງຂັນເຕະ ບານນັດອຸ່ນເຄື່ອງຄັ້ງທຳອິດເພື່ອ ກຽມຄວາມພ້ອມເຂົ້າຮ່ວມແຂ່ງ ຂັນເຕະບານຢູ 12  ຊີງຂັນປະທານ ສະຫະພັນບານເຕະແຫ່ງຊາດລາວ ປະຈຳປີ 2020 ກໍສາມາດລະເບີດ ຟອມເກັ່ງໄລ່ຖະຫຼົ່ມເອົາຊະນະສະ ໂມສອນອາຄາເດມີ້ຕາວັນ ເອັບຊີ ໄປແບບຂາດຮອຍ 8-4 ປະຕູ.

  ການແຂ່ງຂັນນັດດັ່ງກ່າວໄດ້ ມີຂຶ້ນເມື່ອວັນທີ 2 ກຸມພາ ຜ່ານ ມາ ທີ່ສະໜາມເຕະບານຫຍ້າທຽມ ສັບພະວິຊາເມືອງສີສັດຕະນາກ ນະຄອນຫຼວງວຽງຈັນ ກ່ອນການ ແຂ່ງຂັນທ່ານ ໃຈ ພົມມະທັດ ອະດີດນັກກີລາບານເຕະທີມຊາດລາວ ແລະອະດີດຄູຝຶກສະໂມສອນ ອາຄາເດມີ້ ວຽງຈັນ ເອັບທີ ຫົວໜ້າ ຄູຝືກສະໂມສອນຕາວັນ ເອັບຊີ ກໍໄດ້ມອບກະຕ່າຂອງຂວັນເພື່ອ ອວຍພອນໄຊ ອັນປະເສີດສະແດງ ຄວາມຮູ້ບຸນຄຸນຕໍ່ຄູ-ອາຈານກໍຄືທ່ານ ບຸນລັບ ເຄນກິດຕິສັກ ອະດີດນັກເຕະບານທີມຊາດລາວ ທັງ ເປັນປະທານສະໂມສອນ ອາຄາເດມີ້ ວຽງຈັນ ເອັບທີ ມີບັນດາຄູຝຶກ ແລະນັກກີລາເຂົ້າຮ່ວມຢ່າງ ຫຼວງຫຼາຍ.

  ຜ່ານການແຂ່ງຂັນເຕະບານ ຢູ 12 ໃນມື້ດັ່ງກ່າວແຂ່ງຂັນ 3 ຕັ້ງ ຕັ້ງລະ 15 ນາທີ ຜົນປະກົດວ່າ ເຈົ້າເຖິງນາຍົກສະໂມສອນ ອາຄາເດມີ້ ວຽງຈັນ ເອັບທີ ສາມາດລະເບີດຟອມເກັ່ງໄລ່ເອົາຊະນະສະໂມສອນ ຕາວັນ ເອັບຊີ ໄປແບບ ຂາດຮອຍ 8-4 ປະຕູ, ນອກຈາກນັ້ນ, ກໍຍັງມີການແຂ່ງຂັນບານເຕະ ນັດພິເສດອີກ 2 ຄູ່ ຜົນປະກົດວ່າ ທີມຢູ 14 ສະໂມສອນ ອາຄາເດມີ້ ວຽງຈັນ ເອັບທີ ຊະນະສະໂມສອນຕາວັນ 6-3 ປະຕູ ແລະທີມຜູ້ປົກ ຄອງສະໂມສອນ ອາຄາເດມີ້ ວຽງ ຈັນ ເອັບທີ ຊະນະສະໂມສອນຕາ ວັນ 6-4 ປະຕູ.

---

ໂດຍ: ບຸນນິກ

แชร์