ໂຮງຮຽນ ປກສ ຊັ້ນສູງເລກ III ຝຶກອົບຮົມ ວິຊາສະເພາະ

   ເພື່ອເປັນການຕອບສະໜອງໃຫ້ສົມຄູ່ກັບຄວາມຮຽກຮ້ອງຕ້ອງການໜ້າທີ່ການເມືອງຂອງກຳລັງປ້ອງກັນຄວາມສະຫງົບໃນສະເພາະໜ້າ ແລະ ຍາວນານເມື່ອທ້າຍ ເດືອນຜ່ານມາໂຮງຮຽນ ປກສ ຊັ້ນສູງເລກ III, ກອງບັນຊາການ ປກສ ແຂວງສະຫວັນນະເຂດ ຈຶ່ງໄດ້ເປີດຊຸດຮຽນບໍາລຸງວິຊາສະເພາະກົດລັບລະບົບ 3 ເດືອນ ຮຸ່ນທີ່ II ຂຶ້ນໂດຍການເຂົ້າຮ່ວມຂອງທ່ານ ພັອ ກຽງຄຳ ອິນແພງທະວົງ ຮອງຫົວໜ້າຫ້ອງວ່າການກະຊວງປ້ອງກັນຄວາມສະຫງົບ, ທ່ານ ພັອ ສຸດທະສົມ ບຸນນະສິງ ຮອງຫົວໜ້າກອງບັນຊາການ ປກສ ແຂວງ, ມີອຳນວຍການໂຮງຮຽນ ປກສ ຊັ້ນສູງເລກ III ພ້ອມດ້ວຍພະນັກງານຄູ-ອາຈານ ແລະນັກຮຽນ-ນັກສຶກສາເຂົ້້າຮ່ວມ.

  ທ່ານ ພັທ  ສາຄອນ  ສີສຸກ ຮອງ ຜູ້ອຳນວຍການໂຮງຮຽນ ປກສ  ຊັ້ນສູງເລກ III ໄດ້ຂຶ້ນຜ່ານແຜນການຮຽນ-ການສອນວຽກງານ ວິຊາສະເພາະກົດລັບລະບົບ 3  ເດືອນ ຮຸ່ນທີ II ຊຶ່ງມີສຳມະນາ ກອນທັງໝົດ 50 ສະຫາຍ, ຍິງ 11 ສະຫາຍ, ທີ່ມາຈາກບັນດາກົມ ກອງອ້ອມຂ້າງກະຊວງ ແລະບັນດາແຂວງໃນເຂດທົ່ວທະເທດ, ຊຶ່ງ ຈະໄດ້ຮຽນ 4 ໝວດຄື: ໝວດວິຊາຄວາມຮູ້ເບີ້ືອງຕົ້ນຂອງກຳລັງ ປກສ, ໝວດວິຊາຄວາມຮູ້ທົ່ວໄປ, ໝວດວິຊາພື້ນຖານວິຊາສະເພາະ ແລະໝວດວິຊາສະເພາະຂະແໜງ ການໃນນີ້ປະກອບມີ  21  ວິຊາ  ໂດຍ ໃຊ້ເວລາຮຽນທັງໝົດ 90 ວັນ.

 ທ່ານ ພັອ ກຽງຄຳ ອິນແພງທະວົງ ໄດ້ໃຫ້ກຽດໂອ້ລົມຕໍ່ພິທີ ໂດຍທ່ານໄດ້ເນັ້ນໃຫ້ຄູ-ອາຈານ ແລະນັກຮຽນເອົາໃຈໃສ່ຕໍ່ການ ຮຽນ-ການສອນໃຫ້ໄປຕາມຫຼັກ ສູດ, ມີທັດສະນະຫຼັກໝັ້ນການເມືອງໜັກແໜ້ນ, ມີຄຸນສົມບັດ, ມີລະບຽບວິໄນເຂັ້ມງວດ, ມີນໍ້າໃຈຮັກຊາດຮັກລະບອບໃໝ່, ເຊື່ອໝັ້ນຕໍ່ການນຳພາຂອງພັກ, ກ້າເສຍສະຫຼະເພື່ອຜົນປະໂຫຍດສ່ວນລວມ, ເພື່ອພັດທະນາກຳລັງ ປກສ ໃຫ້ມີຄວາມເຕີບໃຫຍ່ເຂັ້ມແຂງ, ມີແບບແຜນວິທີເຮັດວຽກທີ່ທັນສະໄໝເພື່ອໝູນໃຊ້ໃນພຶດຕິກຳຕົວຈິງ, ຮັບ ປະກັນດ້ານຄຸນນະພາບ ແລະມີແບບແຜນດຳລົງຊີວິດທີ່ປອດໃສຂາວສະອາດ.

____________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์