ສະຖານທູດຍີ່ປູ່ນ ຈັດງານບູນມະໂຫລານປະຈໍາປີ

  ບຸນມະໂຫລານຍີ່ປຸ່ນ ປະຈຳປີ 2020 ໄດ້ຈັດງານຢ່າງຄຶກ ຄື້ນຢູ່ນະຄອນຫຼວງວຽງຈັນ ໃນລະຫວ່າງວັນທີ 31 ມັງກອນຫາ 2 ກຸມພາຜ່ານມາ ໂດຍສະຖານທູດ ຍີ່ປຸ່ນ ປະຈໍາລາວ ມີທ່ານ ອີວາໂມ ໂຕະ ເຄອິຈິ ອຸປະທູດຍີ່ປຸ່ນປະຈຳ ລາວ, ພ້ອມດ້ວຍມວນຊົນພາຍໃນ ແລະຕ່າງປະເທດເຂົ້າຮ່ວມ.

ທ່ານ ອີວາໂມໂຕະ ເຄອິຈິ ໃຫ້ ຮູ້ວ່າ: ການຈັດງານບຸນມະໂຫລານ ຍີ່ປຸ່ນ ໃນປີນີ້, ເປັນກິດຈະກຳໜຶ່ງ ໃນການສະເຫຼີມສະຫຼອງ ຄົບຮອບ 65 ປີ ຂອງສາຍພົວພັນທາງການ ທູດລະຫວ່າງ ຍີ່ປຸ່ນ-ລາວ ໂດຍ ສະເພາະການເພີ່ມທະວີສາຍພົວ ພັນມິດຕະພາບ ແລະການຮ່ວມມື ລະຫວ່າງຍີ່ປຸ່ນ ແລະ ສປປ ລາວ ໃຫ້ນັບມື້ນັບແໜ້ນແຟ້ນຍິ່ງຂຶ້ນ. ນອກຈາກນີ້, ນັກກີລາພາຣາລິມ ປິກລາວ ລວມທັງນັກກີລາຫຼຽນຄຳ ຈາກອາຊຽນພາຣາເກມ ຍັງໄດ້ ຮ່ວມສະແດງການສາທິດຍົກນໍ້າ ໜັກ ແລະອື່ນໆ ເພື່ອການກະກຽມ ໃຫ້ແກ່ງານມະຫາກຳກີລາໂອລິມ ປິກ ແລະ ພາຣາລິມປິກ ໂຕກຽວ 2020 ນີ້.

  ງານດັ່ງກ່າວ, ຍັງຈັດໃຫ້ມີ ຫຼາກຫຼາຍກິດຈະກຳທີ່ສ້າງຄວາມ ມ່ວນຊື່ນໃຫ້ແກ່ຜູ້ມາເຂົ້າຮ່ວມເຊັ່ນ: ການຫຼິ້ນກີ່ຕ້າສາມສາຍຂອງຍີ່ປຸ່ນ ທີ່ມີຊື່ສຽງກັບສະຕ໋າຍການດີດ ແບບໃໝ່ ທີ່ປະສົມປະສານທຳນອງ ສຽງແບບດັ່ງເດີມ, ລູກທົ່ງ ແລະ ສະໄໝໃໝ່ໃຫ້ເຂົ້າກັນ.

ນອກນັ້ນ, ຍັງໄດ້ເຊື້ອເຊີນເອົາ ສິລະປິນນັກຮ້ອງ, ນັກສະແດງຂອງ ສປປ ລາວ ມາສ້າງຄວາມມ່ວນຊື່ນ ໃຫ້ໄດ້ເບິ່ງໄດ້ຊົມຕະຫຼອດງານ ນໍາອີກ.

แชร์