ສັບພະຄຸນທາງຢາຂອງຂ່າ ທ່ານຄວນຮູ້

  ຂ່າເປັນພືດລົ້ມລຸກຫຼາຍປີ ແລະພາກສ່ວນ ອື່ນຂອງຂ່າມີກິ່ນຫອມ ແລະໃຊ້ເປັນເຄື່ອງເທດ ປຸງອາຫານ, ຮາກອ່ອນ ແລະຊໍ່ດອກອ່ອນຂອງຂ່າໃຊ້ກິນເປັນອາຫານຄືກັນກັບຜັກ,ຢູ່ໃນ ສປປ ລາວ ແລະໄທ ຫົວຂ່າອ່ອນ ຫຼື ຮາກອ່ອນແມ່ນສຳຄັນໂດຍສະເພາະໃນການປຸງແກງ ຕົວຢ່າງແມ່ນຕົ້ມຍຳ,ນອກນັ້ນຍັງໃຊ້ເປັນຢາປົວພະຍາດຕ່າງໆໄດ້ອີກ ດ້ວຍໂດຍສະເພາະເປັນຢາແກ້ທ້ອງອືດ ແລະໄລ່ລົມ, ເປັນຢາຮັກສາມູ່ນມ່ານ ແລະແກ້ອາຫານເປັນພິດ.

ວິທີການນຳໃຊ້:

  • ວິທີຮັກສາທ້ອງອືດ ໄລ່ລົມ ປວດຮາກ: ໃຊ້ ເຫງົ້າຂ່າແກ່ສົດຍາວປະມານ 2-3 ຂໍ້ມື ຕໍາໃຫ້ລະ ອຽດ ຕື່ມນໍ້າປູນໃສໃສ່ລົງໃນນໍ້າຢາດື່ມຄັ້ງລະ 1/2 ຈອກແກ້ວດື່ມ ເຊົ້າ-ສວຍ-ແລງ ຫຼັງຮັບປະທານ ອາຫານ.
  • ຮັກສາມູ່ນມ່ານ: ໃຊ້ເຫງົ້າຂ່າແກ່ໆທີ່ສົດ 2 ແໜງ ຕຳໃຫ້ລະອຽດຕື່ມເຫຼົ້າຂາວພໍປຽກເທົ່ານັ້ນ ແລະນໍ້າແລ້ວນໍາມາທາບ່ອນທີ່ເປັນມູ່ນມ່ານຈົນກວ່າຈະຫາຍດີ
  • -----

  • ຮຽບຮຽງໂດຍ: ຟ້າ

แชร์